Lewitikas 25:2 - Nobonob Baibel

² “Na Israel danab ah amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Wan, ag aulag daakkunu da madakkulnu hettem ele amu, ag wan amuppa nona, ag maɗ eblaih aɗit ele uuebeb, ag haen amu anen anen hanhan wan am sabatnu hik awak, anambia dayaknu mettaglagoitte. Sabat bia dayak, amuam Yawe binag awaknu.

Lewitikas 25:2 ပူးပေါင်းရင်းမြစ်များ

2 Stori 36:21

Yawe Nug anukka Juda danab ah ag wan ahilkad atognonana, ag maɗ eblaih aɗit eleppa hanhan keeke ii eppamnanu aum. Ag amu heppeg, wan eɗua, ittag ele daakkunu dabmaama, anam aum. Nug anam aum, amge Juda danab ah ag uueg, kekeɗ uɗin heeg, Juda wanppa danab ah qainqainib daaeg, wan am hele-ettak daye ukke, maɗ 70 iitta meum batak, wan am, maɗ ebqak eblaih aɗit ele, maɗ amuam wannu sabat maɗ, nug maɗ amu nuhig elele awom. Yawe Nug Jeremaia oɗeppa anam bekkunu aum amu, Nug aakku he beum.

Sam 115:16

Hab attan ukke ukke, adekku batatte, amuam Yawenu, amge nug wan danab ah oh mattom.

Eksodas 23:10

Amu ag maɗ eblaih laippu ele, ag maɗ amu anen anenppa, ag datta ee eppan, ee meu amu aon qagmena ⌊lakkulag⌋,

Jeremaia 27:5

Da Yawe, da ɠagattag okkai ele, amu da ɠagattag amuppa da wan imu, danab ah wanppa daatteb, doɗ wanppa daatteb ele oh hattami. Da amu oh hattami amunu, da aun nug keeke amunu okkai daakkunu ool hette amu, da keeke amu oh nug eppegppa mettem.

Lewitikas 14:34

“Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Lewitikas 23:32

Deɗ amuam sabat deɗ, am hik awaknu deɗ. Amu ag deɗ amuppa, ag akka onilag qeppeg nekkuoitte. Sabat deɗ amu, am kalam ebqak eblaih aɗit ele, kalam amunu deɗ eblaih waɗeleppa, tueb digmeeb ukkeb, deɗ eblaih tanig eleppa tueb batakku,” awa aum.

Lewitikas 25:1

Moses nug Sinai qaukoppa ta dayeye, Yawe Nug amegppa aum.

Lewitikas 25:3

Ag maɗ eblaih laippu ele, ag maɗ amu ohppa dad hena, grep dadppa grep muɗi bappaidna, meu aoglag,

Duteronomi 32:49

“Na Nebo qauko te! Nebo qauko imuam iikku Abarim qauko ukkakppa, aab Jeriko am Jodan le laih ukkakppa, Moap wanppa ippa ina daatte. Na tena amu, neegppe, Kanan wanppa ukkaɗ. Wan amu da Israel danab, ag aulagnab daakkunu madakkulnu hettem.

Duteronomi 32:8

Laa Attannab Laa Oh Eɗattak, Nug wan anen anen danab mattom. Ao, Nug danab ah wan anen anen matte daappig. Nug amu haaha amu, Nug Israel ag wan elele daaglagnu laa dilag tom ag mattom. Ao, Nug Israel ag ebqak gane daaglagnu dabmaama, wan laa, ag aulag daakkunu, ahilagnu otiom.

Duteronomi 34:4

Yawe Nug Moses amu ippunittowa, nug amegppa aum. “Wan iikku, da Abraham, Aisak amu Jakop ele, ag buɗulkad madakkulnu amelagppa nai ɠagattag qette ami. Gemu da hei, na anidme, amge na wan amuppa ii nomana,” awa aum.