Lewitikas 24:7 - Nobonob Baibel

⁷ Amu na prankinsens ena dubuttid iitta ele amu, na amu aon, ⌊kap aɗit nakok golppa hak eleppa inan,⌋ huu yaak aɗit amu guguittak maatkkut. Prankinsens amuam bret laa oh ou daakkunu, ag manan Yawe mettaglagnu daakku. Amuam Yawe mettaknu aab aɗunu ofa aakku.

Lewitikas 24:7 ပူးပေါင်းရင်းမြစ်များ

Genesis 9:16

Deɗ laala da di apinak lombigppa neeb anttena, da dahil nug tituana nai qakkak nai hanhannu, da Kayak, da, amu wanppan keeke oh bau daatteb ele, ig hemut amu, nai amuam da daulppa dokku,” awa aum.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 13:9

Aria, Bret Yis Iitta Lanaknu Hobul Nakok, amuam geha danab nug aɗi keeke dabmekkunu oo hette ele, nug amu dabmekkunu nug eppeg gomeppa nai ye daatte, o nug uɗappa keeke laa aiha daatte amu, hobul amuam, ag Yawe Nug ahilagnu uɗat naɗi heum dabmekkulagnu, nuhig ɗo nai ele dabmena mattiglagnu at amubia daakku. Aɗinu ag Yawenu ɗo dabmena, amunu mattiglag? Yawe Nug uɗat naɗinab ha, Isipnu diia omalatte uɗippig.

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Eksodas 28:12

Ag amu hewona amu, ag men aɗit amu lamen enanag-epodnu qatti aɗit gukka laih laih tonat-ttep amu, ag amuppa qakkalatppeg, am geha Israel dilag huu okkai 12 dilag at daaglah. Anam daaglah amunu, am geha Aron nug gugappa ag onilag mawebeb, da Yawe, da anttena, da dahilad danab ah doyeye, deɗ oh dabmekkul.

Aisaia 43:23

Ag sipsip aon uɗin, manaknu ofa hena ii meɗappig. Ao, ag binal meɗanna, mana mettak digdig da ii meɗappig. Da ag ee aegnu ofa kuɗum, ag aon da meɗaglagnu ii hemi. Ao, da kalu danab ile muttuɗig enanag bette ele kuɗumnab ag aon, da meɗaglagnu haknunab anak ii mattami.

Lewitikas 2:1

Laa nug ee aegnu ofa Yawenu hekkunu haaha amu, mana mettak amuam nug plaua enanag, amuppa hekkuoitte. Nug olip goɗen gokkaɗeb noob, kalu danab ile muttuɗig enanag bette ele, am amu daugppa mekku.

Lewitikas 2:2

Anam hewowa, laa nug mana mettak hette ele nug mana mettak amu awa, Aron bekkod gumatta ukkeb, amunu laa nug geha plaua enanag olip goɗen ele kaboliak eppeg laippuppa appua, amu kalu danab ile muttuɗig enanag bette, amu oh ele, ou daakkunu qaɗabppa aab aɗuppa manakku. Am mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 2:9

Mana mettak danab nug ee aegnu ofa amunu maha laa oh ou daakkunu awa, amu nug qaɗabppa aab aɗuppa manakku. Amuam aab aɗunu ofa laa aakku. Mana mettak amunu muttuɗignu, Yawe Nug ooppa ena dootte.

Jon 6:35

Aon aeg amu Jesus Nug aum. “Bauklelnu bret am da. Danab nug dahilppa dotte amu, nug enug qak baula ii dooma. Am danab nug dahilnu ooppa genab dootte amu, nug le baag diiak baula ii dooma.

Jon 6:51

Bret bauklel ele hab aabppanu uɗiom am da. Am laa nug bret imu latte amu, nug bauklel hanhan daakku. Amu ele bret da wanppan danab ah bauklel daaglagnu madakkul ele imuam, da beɗul,” awa aum.

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.