Lewitikas 24:2 - Nobonob Baibel

² “Na Israel danab ah amelagppa haknunab nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Lam maattak balalppa lam daatteb ⌊tuqan⌋ hanhan eoglagnu appe, ag olip goɗen ena lamppa noaknu akkan uɗieg!

Lewitikas 24:2 ပူးပေါင်းရင်းမြစ်များ

2 Stori 13:11

Ag deɗ oh hanhan buttua, tueb ele manaknu ofa hena, Yawe mettan, ag kalu danab ile muttuɗig enanag bette ele amotna, Nug medatteb. Ag hanhan bret balal Yawe noobppa oppiaawak daatteppa meeg, ag lam, lam maattaknu balal golppa hak attan daatteb ele hanhan tueb amotadtteb. Aɗinu ig anam hettem? Ig Yawe, ihinig Kayak, Nug attem attem hekkunignu aum amu, ig hettem, amge ag Yawe ii dim lamidtteb. Ag Nug uuppig.

Sam 119:105

Nahip nai amu hul bia oikkulnu amahlak meɗatte. Yo, am amahlak bia da ib ippuniɗkkunu daatte.

Sam 119:130

Nahip nai amu, danab ah ag doon, oolag maitte, am ag amahlak madatte. Ao, nahip nai danab ag doyak ii awak ele, am amu dilag diignu doyak tutukku madatte.

Eksodas 39:37

laa am, lam maattaknu balal, gol ena dubuttid iitta eleppa hak, nuhig lam oh, am lamnu keeke laala oh ele, amu lamnu goɗen ele.

Eksodas 40:24

Moses nug anam hewowa, nug lam maattaknu balal awa, mettid haknu peh lag danab ah appa qagmetteb ele, nug lam maattaknu balal amu mettid haknu peh lag ooppa, lag Oo Gun Ele heqo laih, ulah yau uɗitteppanu, laih amuppa balal amu meum. Balal ⌊epeɗiaknab⌋ am laih daye, lam maattaknu balal am laih dayom.

Prowerb 6:23

Aɗinu? Haknunab anak ihinihppan imu, ag am lam laa bia. Ao, ihinih ippunittak imuam amahlak laa. Amu anak ihinih na tolitta, daut batebeb, na aokkut amu, amuam na bauklel daakkutnu ippu aakku.

Aisaia 11:2

Yawenu Ouɗi amu nuhigppa daakku. Yawenu Ouɗi Nug doyak dabmak ena elenu diig, Nug am diignu doyak tutukkunu diig, Nug am laa ulum ena mettak diig, Nug ɠagattag ena ohnu diig, Nug doyak ena ohnu diig, amu Yawenu ebehi oh bodoetta le maknu diig ele Nug daatte.

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Lewitikas 24:1

Amu Yawe Nug ⌊mana mettak danab ag hanhan tueb lam amotkkulagnu⌋ Moses amegppa aum.

Lewitikas 24:3

Lam amunu amu, Aron nug geha mettid haknu peh lag danab ah appa qagmetteb ele, lag amu ooppa, Oo Gun Ele, Oo Gunnab Ele makkulaknu lamen heqo laih Oo Gun Eleppa appa bappalatta, nug Yawe noobppa, amahlak amu tuɗid ele tuebnu ukka buttua eon amahalkkulagnu, nug dabmadatta atognoatta bappaladkkuoitte. Ɗo imu ahilagnu hanhan, buɗub buɗub doobob dayebeb, ag ɗo imu aɗan autna aon, dim lamidkkulagoitte.

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Luk 1:79

Danab ag gatatuppa mauhkkulagnu miag daatteb amu, amahlak madakku. Nug ig ib maɗoɗ ele amu tappat gokkunignu ulum daakku,” awa aum.

Luk 12:35

Jesus Nug nai amu ana, Nug nai imu ele mattiom. “Ag lamen matagiɗ ele takkan, lam amotna, uɗat hekkulagnu bappaidna,

Jon 1:4

Nai Kayak Ippunigtte Nug am bauklel diig; bauklel amuam danab oh dilag amahlak.

Jon 1:9

⌊Amahlak amuam Jesus Kristus,⌋ amu amahlak nuhig am amahlak genab. Nug wanppan danab ah oh amahlak madatte.

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

Jon 8:12

Aria Jesus haen laappa baula danab ah amelagppa nai mattiaya aum. “Da am wanppan amahlak daattem. Aun laa nug da dim lamiɗkku amu, nug gatatuppa ii oima. Iitta. Nug bauklelnu amahlak ele daakku,” awa aum.