Lewitikas 23:4 - Nobonob Baibel

⁴ Yawenu sabat am anam daatte. Aria, amu ele tuɗittak am hobul dayaknu haen epeɗiak daatteb. Haen amuam ele ag Yawe noobppa qagmena, dup nona, Nug binag mekkulagnu haen. Anam ha dayaknu amu, ag maɗ anen anen ohppa haen epeɗiak eleleppa, ⌊mana mettak danab ag appeg, ag⌋ hekkulag.

Lewitikas 23:4 ပူးပေါင်းရင်းမြစ်များ

Nehemaia 8:15

Ag amu anidna, Yawe Nug ag nai laa imu Israel danab ah dilag aab ohppa, Jerusalem appa ele inam meppeg gokkunu aum ele anidppig. Nai am inam. “Ag Israel danab ah oh, Pehppa Dayaknu Hobulppa daaglagnu haenppa ag ahan, aab dimittim qauko qaukoppa gona, appa ag olip ad ebekkud, olip dakkuɗ ebekkud, ad mirtel ebekkud, ad pam ebekkud, amu ad laala lokko ena ele eppelkad okkuladna, peh hekkulagnu aon uɗieg!” Kayak nai amu Moses bukppa yom amu, ag eɗun anidppig.

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 23:14

Maɗ anen anenppa amu, ag haen ewam ag da noolppa uɗina, da dabmeɗanna qagmak gamag ahak ele hekkulag.

Aisaia 29:1

⌊Yawe atte.⌋ “Ig alanig Dawit nug anukka aab okkai Jerusalem awa dayom, dahil qaɗab am aguppa daatte, amge ag danab ah ag gemu Jerusalem appa daatteb amu, ahilagnu am gadonnab gadon. Ag maɗ anen anen oh, ag haen oh qagmak gamag ahak ele hetteb, da ag hekkulagnu ami amu, ag amu henan tuɗidna hetteb,

Esekiel 44:24

Danab aɗit laa aa naippa a ona, a doak hekkulah dayeb amu, mana mettak danab ag epeɗiak danab daan, aa oolahppa aun nug ena hette, aun eheɗ hette amu, ag dahil ɗo dabmenana, ag nai amu babaitteg! Mana mettak danab ag hobul dayaknu haen epeɗiak, ag Israel ag hobul amuppa ag aɗi hekkulagnu ɗo mattami amu, ag ɗo iɗu iɗu amu oh dim lamidna, ag dahil Sabat, dahilnu tituanak daakkunu ɗo mattami amu, ag amu ele dim lamidkkulagoitte.

Lewitikas 23:2

“Na Israel danab ah nai imu appe doyeg!” awa aum. ⌊Yawe Nug anam a amu, Moses nug ag amelagppa inam aum.⌋ “Hobul dayaknu haen epeɗiak laala daatteb, amu ⌊mana mettak danab ag appeg,⌋ haen amuppa, ag oh geha Yawe noobppa qagmena, dup nona binag mekkulagoitte.

Lewitikas 23:21

Deɗ laippu amuppa amu, ag uɗat ahilag oh ag hanhan hetteb amu, ⌊mana mettak danab ag,⌋ ag amu uun, ii hemananu appeg, ag Yawe noobppa qagmena dup nona Nug binag mekkulagoitte. Ɗo imuam ahilag hanhannu daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:37

Amuam hobul dayaknu haen epeɗiak aakku. ⌊Mana mettak danab⌋ ag appeg hekkulag. Hobul dayak haenppa amu, ag Yawe noobppa qagmena dup nona Nug binag mekkulag. Ag qagmetteb amu, ag keeke Yawe mettaknu aab aɗunu ofa amu ohnu hekkulag. Amuam manaknu ofa, ee aegnu ofa, wain gokkaɗaknu ofa ele. Am ag Yawe, Nug ag deɗ attenppa hekkulagnu aum amu, ag anamppa aakkude heig!

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.