Lewitikas 23:18 - Nobonob Baibel

¹⁸ Bret amu ele ouqak amu, ag sipsip gaiɗ eblaih aɗit ele maɗ laippu awak ele, beɗulagppa eheɗ laa iitta ele amu, makau gaiɗ laippu, amu sipsip dawai aɗit ele diin, Yawe gumidna wana, Nug mettaglag. Amuam Yawenu manaknu ofa aakku. Ee aegnu ofa, amu wain gokkaɗaknu ofa ele amu, Yawe Nug ag haen anen anenppa manan mettaglagnu aum amu, ag amu ele heig! Mana mettak amuam aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 23:18 ပူးပေါင်းရင်းမြစ်များ

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 23:17

Amu hekkulagnu amu, ag daattebppanu bret kunum aɗit diiatna, mana mettak danab toppa wappeg, nug awa, Yawe noobppa huma epponitta mettaknu ofa hekku. Amuam mana mettak Yawenu hak daakku. Bret kunum aɗit anen anen, amuam 2 kilogram plaua enanag, yis ele kabolia manak daakkuoitte. Bret amuam maɗ anen anenppa, ahilag ee tatam oɗutte manan, Yawe mettaglagnu ofa aakku.

Lewitikas 23:19

Aria, ag meeme dawai laippu aon gona, amuppa ag ib etta hipunin haknu ofa hekkulagoitte. Ag amu hewona, ag sipsip gaiɗ aɗit, maɗ laippu awak ele, amuppa Yawe ele laippu dayaknu ofa hekkulagoitte.

Lewitikas 7:13

Haen nug laippu dayaknu ofa ha, Yawe amegppa, ‘Ena heme,’ akkunu hette amu, nug bret yis ele kaboliak, amu ele awa, Yawe gumitta wana, Nug medakkuoitte.