Lewitikas 22:23 - Nobonob Baibel

²³ Am makau okkai ebehi ele dawaite, o sipsipte, am baeg elab o tutu, nug eɗittak daatte, o nug okkai elele ii mak amu, doɗ amubia amu, laa nug ena heme anaknu ofa hekkunu, nug doɗ amu awa, mana, Yawe medakkunu elele. Amge laa nug nai genab ana qakkaknu ofa doɗ amubiappa ii hekkuoitte.

Lewitikas 22:23 ပူးပေါင်းရင်းမြစ်များ

Eksodas 35:29

Am Israel danab ah, ag oolag heum ele amu, ag keeke amu oh ɗo hamu mettaknu ofa hena, aon uɗin, Yawe medappig. Yawe Nug Moses oɗeppa ag uɗat digdig hekkulagnu ag amelagppa aum amunu, ag uɗat amunu keeke amu oh aon uɗippig.

Lewitikas 21:18

Aun laa nug beɗuppa eheɗ ele, nug ameg gaɗuakte, o nug baeg nau autaut oittete, o nug baeg eppeg keeke kaliak elete, nug qaɗabppa, mana mettak hekkunu iinab Yawe gukkuitta wama.

Lewitikas 22:22

Amge ag doɗ laa, ameg nau ele, o guittak laa awom ele, o beɗuppa teppu huma tak laa ele, o beɗuppa ihi ele, o beɗuppa ihi gon ele, ag doɗ amubia aon gona, qaɗabppa, Yawe mettaknu aab aɗunu ofa daakkunu iinab hemana.

Lewitikas 22:24

Am nahip wanppa doɗ laa nug hipab nauhak ele, o nug hipab geɗittak daatte amu, ag aibnab manan, Yawe medappig.

Malakai 1:8

Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.

Duteronomi 15:21

Amge doɗ tatam amu, ag beɗulagppa eheɗ laa daakku dayeb, amuam baeg nau autaut oiyakte, ameg gaɗuakte, o iitta ag beɗulagppa eheɗ laa ele dayeb amu, diig amunu ag Yawe, ahilag Kayak, ag nuhignu aib mana mettak heppig.

Duteronomi 17:1

Ag makau okkai ebehi ele, o sipsip oɗe mak ele, o makau okkai ebehi ele, o sipsip ag beɗulagppa eheɗ ele, ag amu aon main, Yawe, ahilag Kayak, Nug aib medappig. Nug anamnu amu, Nug ooppa uuaknab dootte amunu, ag anam aib heppig.