Lewitikas 22:18 - Nobonob Baibel

¹⁸ “Na nai imu appe, Aron, nug bekoɗ, amu Israel oh ele doyeg!” awa aum. ⌊Nug anam a amu, Moses nug nai imu ag amelagppa aum.⌋ “Nai dim lamittaknu imu am, Israel danab ag, amu wan laihnu danab, ag uɗin, ag oolagppa daatteb ele, ahilag ohnu aakku daatte. Am aun laa nug nai genab ana qakkaknu ofa hekkunu, o nug ɗo hamu mettaknu ofa hekkunu, nug Yawenu manaknu ofa hekku dayeb amu,

Lewitikas 22:18 ပူးပေါင်းရင်းမြစ်များ

2 Stori 31:14

Ag amu heegeg, Imna bekka Kore, nug Lewi buɗubppan mana mettak danab iitta, ag oolagppanu, nug Yawenu mettid lagnu aɗ od kaɗag uɗitteppanu daattenu gumak okkai amu, nug Israel danab ah ɗo hamu mettaknu ofa aon uɗin, amu keeke Israel danab ah ag Yawenu daakkunu tituanna, Nug medappig ele aon uɗippig, nug amu oh gumaama, nug keeke amu oh mana mettak danab, amu Lewi buɗubppan mana mettak danab iitta, ag ele, nug ahilagnu otiatta mattom.

Sam 116:14

Da keeke Yawe amegppa genabnab hekkulnu nai ain qakkami amu, da hekkul. Da danab ah nuhikkud oh noolagppa hekkul.

Sam 116:18

Da keeke Yawe amegppa genabnab hekkulnu nai ain qakkami amu, da hekkul. Da danab ah nuhikkud oh noolagppa hekkul.

Sam 22:25

Israel dilag tamaniak oolagppa da na binan mekkul. Ao, da geha genabnab haknu nai ana qakkak dahil dabmein, aun aɗi ag nahipnu ebehilag oh bodoetta le mette ele amu, da ag noolagppa nai amunu meu okkunu hekkul.

Sam 56:12

O Kayak, da keeke laa na amenppa genab hekkulnu nai ain qakkami amunu, da aɗi hekkulnu ami amu, da amu hekkuloitte. Ao, da ena heme anaknu ofa hein medakkulnu ami amu, da amu awen, na gumitten wain medakkul.

Sam 61:5

O Kayak, aɗinu da ool okkai anam daatte? Na genabnab haknu nai ana qakkak dahil doon ehaniɗna, na danab ah nahipnu ebehilag oh bodoetta le mette ele keeke ena ena, ahilag aug bia madattem amu, na da ele gemu keeke amu meɗame.

Sam 61:8

Anam dayeb amu, da deɗ anen anen aɗi aɗi hekkulnu genabnab hekkulnu nai ain qakkami amu, da heppi, nai amunu meu ob, da na onin humakkulnu ahi edette daakkul.

Sam 65:1

O Kayak, ig danab ah, ig Sion appa na binan humagnignu daattem. Ao, ig danab ah, ig na noomppa aɗi keeke genabnab hekkunignu nai atat qakkamut amu, ig am hepput, meu okku.

Sam 66:13

O Kayak, da geha na lautppa ukken, da manaknu ofa heinne, da doɗ anam manatte medakkul. Yo, da geha ukken, da na noomppa aɗi keeke genabnab hekkulnu nai ain qakkami amu, da hekkul.

Eksodas 12:5

Amu ag anen anen doɗ sipsip gaiɗ laa, o meeme dawai laa, maɗ laippu awak ele, ag amu laa tituaneg! Ag doɗ sipsip, o meeme nug beɗu enaib daatte tituaneg! Laa nug beɗu ihi mettak ele, o nug eppeg baeg keeke kaliak ele, o beɗuppa uug aɗi laa daatte ele amu, ag doɗ amubia aib aoppig.

Eklisiastis 5:4

Kayak Nug danab nug Kayak dab-ii-maama ii dim lamidtte elenu ena ii dootte amunu, na Kayak amegppa keeke laa hekkutnu genabnab hekkutnu nai anan qagakkut dayeb, na anamib paha he! Na dimppa, haen adekkuppa aib heme!

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 1:2

“Na Israel amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Haen ag oolagppa laa nug doɗ mana Yawe medatte amu, nug nuhig doɗ sipsip, o meeme, o makau oolagppanu laa awa, Yawe toppa wakkuoitte.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 17:13

Aria haknunab nai imu ag Israel, wan laihnu danab ag uɗin, ag oolagppa daatteb ele, ahilag ohnu aakku atte. Ag doɗ dakkuɗ, o ai laa lanaknu elele gona oina aqana keeke, amu ag tiig amu heppeg neeb, wanppa tonaglagoitte.

Lewitikas 22:17

Amu Yawe Nug Moses amegppa aum.

Lewitikas 23:38

Ag hanhan Yawenu sabat deɗppa doɗ manadna, Yawe medatteb, ag anamib tuɗidna hena, mana mettak laa imu oh ele hekkulag. Deɗ laalappa ag Yawe keeke laa ɗo hamu mettaglag; amu ag deɗ laala nai genab ana qakkaknu ofa hekkulag; amu deɗ laala ag ɗo hamu mettaknu ofa hekkulag. Amge hobul dayak deɗppa, amu mana mettak laa imu ele hekkulagoitte.

Lewitikas 7:16

Amge aun laa nug nai genab ana qakkaknu ofa hekkunu, o laa ɗo hamu mettaknu ofa hekkunu doɗ awa watte amu, doɗ teppu amu, deɗ amuppa lanaknu; amge laih laa daakku dayeb, wagɗeb deɗ amuppa lanaknu elele.

Amos 4:5

Ag ena heme anaknu ofa hekkulagnu bret yis ele aon uɗin, maneg! Yo, ag akka ag ɗo hamu mettaknu ofa laala ele henan, danab ah laa amelagppa ag akka binalag mena, ag appeg doyeg! Ge, ag Israel danab ah, ag akka ag amunu binalag meig! Aɗinu? Ag amu hekkulagnu oolag huana daatte.” Naɗi Yawe Nug anam atte.

Jona 1:16

Ulah, koɗkoɗ ele bodoette, ag Yawenu baɗan, ag doɗ main Yawe mettona, Yawe amegppa keeke genabnab hekkulagnu nai anan qagappig.

Jona 2:9

Ag uutteb, amge da, ‘Ena heme,’ anaknu ahi laa edette, doɗ manen na medakkul. Ge, da keeke genabnab hekkulnu nai ain qakkami amu, da keeke amu oh hekkul. Yawe nukka ehanikke, ig padal ii mettem.” Jona nug anam awa unuqittom.

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Malakai 1:14

Aun laa nug sipsip dawai enanag mana meɗakkunu nai anan qakkom dayebeb, nug nau laa awa, mana meɗakku am enate? Iitta! nug eheɗ laa awaknu anak waappa daakku! Aɗinu? Da am king okkai; wanppan wan ohnu danab ah ag dahilnu ebehilag oh bodoetta le mekkunu daatteb!” Yawe Nukka Ɠagattag Oh Ele Nug anam atte.

Namba 15:3

ag anen anen deɗ laala aab aɗunu ofa henana, Yawe mettaglagnu doɗ aon, Nug gumidna wana, Nug mettaglag. Ag mana mettak hena, doɗ maippeppeg, muttuɗig teebeb, Yawe Nug mana mettak amunu muttuɗignu ooppa ena dookku. Doɗ laala amu makau, laala amu sipsip, o iitta meeme. Mana mettak amuam manaknu ofa, o iitta mana mettak laala daaglag. Mana mettak amuam nai genab ana qakkaknu ofatai, o iitta mana mettak amuam ɗo hamu mettaknu ofatai, o iitta mana mettak amuam hobul dayaknu haen epeɗiaknu ofatai. Amge ag aɗi mana mettak aon, Yawe gumidna wana mettaglag amu, auntai laa nug anam hette amu, nug ee aegnu ofa ele awa, Yawe gumitta ukka medakku. Mana mettak amu haknu am 1 kilogram plaua enanag, 1 lita goɗen ele kabolia, mana Kayak medakku.

Aposel 18:18

Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Duteronomi 12:17

Amge ag mana mettak haknu keeke laa ele amu laulkadppa ii lakkulagoitte. Amuam, ag ee aeg, wain bau, olip goɗen bau ele obatak eblaih tanig ele ooppanu obatak laippu am Kayak mettak, aria makau ⌊dawai⌋ tatamnu, sipsip ⌊dawai⌋ tatamnu, meeme ⌊dawai⌋ tatamnu ele, amu nai genab ana qakkaknu ofa, ɗo hamu mettaknu ofa, amu keeke ag Kayak ɗo hamu mettaglagnu dabmetteb ele amu, ag amu oh ag laulkadppa ii lakkulagoitte.

Duteronomi 12:6

Am Yawe Nug aben laa ag Nug noobppa dup nona binag mekkulagnu ippuanatteb amu, ag manaknu ofa, mana mettak laala, keeke obatak eblaih tanig ele ooppanu obatak laippu Kayak mettak, keeke Kayak hamu ɗo mettak, nai genab ana qakkaknu ofa, amu laippu dayaknu ofa, makau, amu sipsip ele nalkad ⌊dawai⌋ tatamnu ele oh, ag aben amuppa Yawenu akkan wakkulag.

Duteronomi 16:10

ag Ee Tatam Oɗue Digma Awaknu Hobul haen dabmena, gamag ahak ele hobul amunu kobol dim lamidna hekkulag. Ag amu hekkulagnu diig am, ag Yawe, ahilag Kayak, ag Nug onig okkai mettaglag. Ag Yawe attem attem itattom amu, ag amu neegna anidna, ag ɗo hamu mettaknu ofa Nug metteg!