Lewitikas 21:9 - Nobonob Baibel

⁹ Am mana mettak danab laa aɗeg nug ib baag ah ba, gappai awawa oikku dayeb amu, amuppa nug dahil neekkakppa nug ooppa dubuttid teum daatte, am nug aakku mameg uɗa nak nau guittak ele medatte. Ag nug maippeg mauhkkuoitte.

Lewitikas 21:9 ပူးပေါင်းရင်းမြစ်များ

Genesis 38:24

Aria, kalam ewam keeke dimppa, danab laa nug Juda amegppa aum. “Na ahipan Tamar nug ib baag ah hette bia danab laa ele oiyya, oo noum,” awa aum. Awa a, Juda nug aum. “Ag aon dona, dimittim aab aɗuppa manappeg mauhaɗ!” awa aum.

Eksodas 31:14

Sabat deɗ am deɗ dahilnu tituanak daatte amunu, ag amu dabmenan, deɗ amunu ɗo da ag mattami, ag amu dim lamitteg! Danab aun laa nug heeb, deɗ amuam dahil neekkakppa dubuttid tak daakku dayeb, ag nug qeppeg mauhaɗ! Amu danab aun nug deɗ amuppa uɗat hekku amu, nug Israel oolagppanu geɗittak daakkuoitte!

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

Lewitikas 19:29

Na aib heppe, aɗen nug ib baag ah laa beum. Na anam hekkut dayeb amu, nuhignu dubuttid teum, Kayak Nug ooppa uuaknab dootte. Ag anam hekkulag dayeb amu, wan da ag madattemppa, appa gappai digdig, hak nau ele ambak daakku.

Lewitikas 20:14

Am danab laa nug ah laa, anig ele oh wauuɗ daaglahnu diiatkku dayeb, kobol amuam nau hak kobol. Kobol nau amubia ag oolagppa daamanu amu, ag ewam amu oh aabppa manadppeg, ewatteb mauhkkulagoitte.

Malakai 2:3

Ag eheɗ henan oitteb amunu, da ahilag hak nau amu dabmein, da diig amunu ag buɗulkad daulag batakkul. Da ag mana mettak danab, ag qagmak gamag ahak ele haenppa doɗ main, da meɗatteb ele, da doɗ amunu biig awen, ag iɗulagppa meppi, laa ag ahilagnu kinipan, dubuttid nau ele bia dooglag.

Duteronomi 22:21

kobol anamppa, ikki danab ag ah amu aon gona, mameg laug odppa meppeg, danab ah aab amuppan ag nug menppa oppeg mauhkkuoitte. Aɗinu? Ah amu nug kobol nau, uɗa nak guittak ele Israel ooppa heum. Nug mameg laugppa dayaya, danab laa ele niipiɗ. Kobol nau ag oolagppa daamanu, ag heppeg, aib dayom!

Taitus 1:6

Aun laa nug ikki danab daakku dayeb amu, nug Kayaknu neekkakppa ooppa kaliak laa iitta, nug ah laippuib gamu ele daakkuoitte. Ele amu, nug bekkod ag Jesusnu oolagppa genab doon, ag laa dilag neekkakppa kobol dubuttid ele, oɗe tappe nak kobol ele, ag amu ii hemananu daatteb. Na danab amubia na ikki danab anidna maadkkutnu elele.

Josua 7:15

Ag doppeg amu, da aun nug eheɗ heum amu, nug da Yawe, Nug da ele nug tituana nai qakkak amu tippalom, amuppa nug Israel ooppa kobol naunab heum amunu, ag aun nug keeke dahilnuib, dahil pelemppa daye, yab heum amu, ag nug qeppeg mauheb, ag nug gaɗa, nuhikkud oh ele manadppeg ewaɗ!” ’ ” awa aum.

Josua 7:25

Anam daye, Josua nug Aakan amegppa aum, “Na aɗinu ihinigppa uug aon uɗime? Yawe Nug gemu nahip-ppa uug mekku,” awa aum. Nug anam a, Israel ag Aakan, aria nuhignu ele menppa makkuɗattegeg mauheg, ag nug gaɗa, nuhignu ele manatteg eoppig.

1 Samuel 2:17

Aa anam heyaya daadpiɗ, amge Yawe Nug kobol amunu ena ii doyom. Iitta. Nuhig neekkakppa amuam hipunin okkainab. Aɗinu? Doɗ ittag Yawenu amu, nid aɗit amu aa mana mettak amunu, aa keeke hamu bia doopiɗ.

1 Samuel 2:34

Am kobol amu oh genab bekkulag amu, amunu at am inam. Na begapaɗ aɗit, Hopni, Pinias ele, aa oh deɗ laippuppa mauhkkulah.