Lewitikas 21:6 - Nobonob Baibel

⁶ Mana mettak danab ag Kayaknu oppiaawak ele daaglagoitte. Nug am ahilag Kayak daatte. Ele amu, ag heppeg, Kayak onig laa dilag neekkakppa nauhak daakku amu, ii hekkulagoitte. Aɗinu? Mana mettak danab ag doɗ, ee laa ele Israel eppelagppanu aon, Yawe mettaknu aab aɗunu ofa hetteb amunu, ag Yawenu oppiaawak ele daaglagoitte.

Lewitikas 21:6 ပူးပေါင်းရင်းမြစ်များ

Esra 8:28

Da keeke amu oh ag eppelagppa meinne, da ag amelagppa ami. “Ag, keeke imu oh ele, am Yawenu tituana mettak daatteb. Danab ah ag silwa, gol amu Yawe, Nug ag mamelkad aɗi dilag Kayak, ag Nug keeke amu ɗo hamu mettaknu ofa hena medappig.

Eksodas 19:22

Genab! Mana mettak danab ag maɗi ahilag hekkulagnu, ag da gumiɗna uɗiglagnu daatteb, amge ag ele tatam dahilnu tituana mettak daaglagnu ag hena, ag gemu dahilppa uɗiglag. Iitta dayeb amu, da eheɗ nau madakkul,” awa aum.

Eksodas 28:36

Laa amu, ag gol ena dubuttid iitta ele, ag gol amu maha laa aon, ag tappiɗ otala nag bia hena, amuppa ag ‘Yawe Nug imunu, nuhignu tituanak daatte anidtte,’ otaɗeg!

Eksodas 29:44

Kobol amu ohppa amu, da dahil mettid haknu peh lag danab ah appa qagmetteb ele, da mettid haknu peh lag amu, qaɗab, Aron, amu nug bekkod ele, amu oh dahilnu tituana mettak daaglagnu aakku da heppi, ag anam daaglag. Aron, bekkod ele ag anam daanna, ag dahil mana mettak danab daaglag.

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Esekiel 44:7

Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Lewitikas 18:21

Ag nid naunau ahilkad Molek toppa diin wana, manan nug mettaglag dayeb amu, ag aakku da, ahilag Kayak, ag da onil laa dilag neekkakppa heppeg nauhak daakku. Ag anam aibnab heppig! Da am Yawe.

Lewitikas 19:12

Am keeke laa genab iitta dayeb amu, ag aib da onil diin, nai ɠagattag qettan, keeke amunu, ‘Am genabnab,’ aon appig. Ag anam hekkulag dayeb amu, ag heppeg, da, ahilag Kayak, ag da onil laa dilag neekkakppa heppeg, nauhak daakku. Da am Yawe.

Lewitikas 20:3

Da nuhignu eheɗ hekkulnu doyeye dayen, da heppi, nug Israel oolagppan geɗittak daakku. Aɗinu? Nug nid nuhikkud Molek mettom amunu, da anam hekkul. Nug amu ha, nug aakku he, dahil neekkakppa dahil mettid haknu peh lag dubuttid teum daatte; nug ele he, da onil oppiaawak ele laa dilag neekkakppa nauhom daatte.

Lewitikas 21:17

“Imu appe, Aron doyaɗ!” awa aum. ⌊Nug anam a amu, Moses nug Aron amegppa inam aum.⌋ “Buɗub buɗub doobob, amuppan na buɗunppan laa ag beɗulagppa nauhak ele, ag Yawe, ahilag Kayak, ag mana mettak nuhignu iinab hemana.

Lewitikas 21:21

Laa anam ele nug am genab mana mettak danab Aron buɗub laa aakku, amge nug Yawe mettaknu aab aɗunu ofa hekkunu elele iitta. Nug beɗuppa uug daatte amunu, nug mana mettak laa Kayak medakkunu ii hema.

Lewitikas 21:23

Nug beɗuppa uug ele daatte amunu, nug Yawe laugppa Oo Gun ele, Oo Gunnab Ele makkulaknu lamen, o nug qaɗab guguittak ii goma. Nug amu helo am nug heeb, dubuttid tak am dahil mettid haknu peh lagppa daalo, amunu nug ii hekkuoitte. Da am Yawe, da hei, aben aɗit amu aa dahilnu tituanak daattep,” awa aum.

Lewitikas 21:8

Ag laa amu, ag mana mettak danab ag ahilag doɗ manan Kayak medatteb amunu, ag ahilagnu, ag am Kayaknu oppiaawak ele daatteb doyeg! ⌊Yawe Nug amunu inam aum.⌋ ‘Ag mana mettak danab dilagnu, “Ag Kayaknu oppiaawak ele daatteb,” dabmenana oiglagoitte! Aɗinu? Da, Yawe, da oppiaawak dayeye, da hei, ag dahilad danab ah, ag dahilnu, oppiaawak daatteb.’

Lewitikas 3:11

Mana mettak danab nug ee bia daakkunu qaɗabppa maneb eokku. Amuam Yawe mettaknu aab aɗunu ofa aakku.

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Namba 28:2

“Na Israel amelagppa haknunab nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag doɗ, ee ele manan, mana mettak hekkulag amu, haen da ag meɗaglagnu ami, haen amuppa ag aon, da gumiɗna uɗin, da meɗaglagnu daatte. Mana mettak amuam dahilnu aab aɗunu ofa, nuhig muttuɗignu amu, da, Yawe, da ool ena dootte,” awa aum.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.