Lewitikas 21:5 - Nobonob Baibel

⁵ Haen danab o ah laa nug mauheb amu, mana mettak danab ag ikkilag uɗug ii hoippeg goma, akkaɗilag daug daug ele ii hoimna, o beɗulag ele ii oppatkkulagoitte.

Lewitikas 21:5 ပူးပေါင်းရင်းမြစ်များ

Aisaia 15:2

Moap danab ah Dibon aabppa daatteb, ag amu doon, ahilag mettid lakka, ahilag kayak hambuppuak dilag mettid lag nakokppa ele tena, appa gaaglag. Ao, kekeɗ ag aab aɗit Nebo, Medeba ele, ag amu heppeg nauhpeɗ, Moap danab ah ag amunu dabmenana, ag qanaglag. Moap danab ah ag uug naunab doon gaan, ag ohnab ikkilag uɗug otaɗna, bikkalag ele daaglag. Ag id ele aoglag.

Aisaia 22:12

Uug imu bak haenppa Naɗi, Nug Yawe Nukka Ɠagattag Oh Ele, Nug ag haen amuppa ⌊eheɗ heppignu⌋ ag oo doyak doon gaan, ag ikkilag uɗug oh otaɗna, ag lamen heɗiag ele takkadkkulagnu amelagppa akku.

Jeremaia 16:6

Danab onig ele, danab onig iitta ele Juda wan ohppa mauhkkulag. Laa ag danab ah mauhkkulag ii boumadmana, Ag mauhak dilagnu ii mahina, oo doyak kobol laala ele amu dilagnu ii hemana.

Jeremaia 48:37

Kekeɗ heppeg, Moap ag uug okkainab anidna, ag ikkilag uɗug hoin, akkaɗilag ele hoin aoglag. Ag ⌊ahilkad kayak hambuppuak ag ag dabmadakkunu, ag⌋ oh eppelkad guittak madappeg, ag lamen heɗiag ele takkaglag.

Esekiel 44:20

Mana mettak danab ag ikkilag uɗug oh hoippeg, tutunab aib meum. Ag ele ikkilag uɗug uuppeg, elab aib dayom. Ag ikkilag uɗug hanhan elele otaɗppeg, eleleib dayaɗ!

Esekiel 5:1

Amu Yawe Nug nai tuɗitta aum. “Danab bekka, na qep elab, aegnab ele aon, danab ikki uɗug qep nagppa otaɗtte bia qep elab amuppa na ikkin uɗug hoin, id ele awe! Na amu hena malona amu, na amu oh aon, skelppa mena, ameg ewam me, anen anen ahilag uug am laippu anamib, na amubia ameg ewam piɗe piɗe mekkut.

Lewitikas 10:6

Aakku Moses nug Aron, amu nug bekoɗ aɗit, Eleasar, Itamar ele amelagppa aum. “Ag mauhmananu, Yawe Nug Israel dilag tamaniak danab ah oh dilagnu oo nauhmanu, ag aib heppeg, ikkilag uɗug mauhnoak dayom, o iitta aib lamen ahilkad pattiɗadppig. Israel laala, amu na laipad ele ag amu, ag Nadap, Abihu ele dilah, Yawe Nug aab aɗuppa he nauhpiɗ ele, ag ahilahnu mahiglagnu nai iitta.

Lewitikas 21:4

Amge laa mauhom ele, nug mana mettak danab, nug nug ele ewau matulakppaib layag daattep dayeb, mana mettak danab nug Kayak ele ouqa dayaknu elele iitta daamanu, nug gaɗa ii aɗama. Nug gaɗa aɗakku dayeb amu, nug am Kayak ele ouqa dayaknu elele iitta daakku. Nug anam hekku dayeb amu, nug heeb, Yawenu neekkakppa nug dubuttid tak ele daakku.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Maika 1:16

⌊O gadon,⌋ ag Israel, ag ahilkad nid naunau, ahilagnu ag enanagnab dootteb, amge ag nid ahilkad dilagnu oolagppa uug naunab nau doon, ag mahina, aakku ikkilag uɗug ohnab otaɗatteg! Ao, ag uug naunab doon, ag mahin, ikkilkad uɗug oh otaɗna aon, ag ai walsa igippa uɗig laa iitta, ag amubia dayeg! Aɗinu? Kekeɗ ag nid naunau ahilkad diin gona, ag wan laappa diia ukka laih me dayak danab ah daaglagnu maadppeg daaglag,” awa atte.

Duteronomi 14:1

Ag am Yawe, ahilag Kayak, ag nuhikkud danab ah daatteb. Am laa nug mauheb amu, ag beɗulag aib otaɗna, o ikkilag uɗug laa hetteb bia laih laih aib hoippig.