Lewitikas 20:9 - Nobonob Baibel

⁹ Am aun laa nug mameg, o anig eheɗ laa awaknu anak waappa daakkunu akku amu, ag nug qeppeg mauhaɗ! Nug mameg o anig eheɗ laa awaknu anak waappa daakkunu aum amunu, nug beɗuppa nug mauhkku.

Lewitikas 20:9 ပူးပေါင်းရင်းမြစ်များ

2 Samuel 1:16

Aɗinu? Dawit nug nid amu amegppa tatam inam aum. “Na nakka, na, ‘Da danab laa, Yawe danab amu king daakkunu goɗen gokkaɗakppa tituanom amu, da nug qei mauhom,’ ame amunu, nahip nai amu na yaaittette, nahip mauhak na beɗunppa daatte,” awa aum.

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

Eksodas 21:17

Am danab ⌊nug mamegnu, o anignu oo nauheb,⌋ nug anig, o mameg eheɗ laa aokkunu anak waappa daakkunu akku dayeb amu, aria ag nug qeppeg mauhaɗ!

Prowerb 20:20

Danab nug anig, o mameg ele nug eheɗ laa awaknu anak waappa daakkunu akku dayeb amu; nuhig bau dayak am laa lam gatatuppa qauhom bia iitta mekku.

Prowerb 30:11

Laa ag mamelkad eheɗ laa awaknu anak waappa daaglagnu anana; ag anilkad ele ii itadtteb.

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Esekiel 18:13

Bekka amu nug danab laa lon metta, eɗua awaknu haenppa nug lonnu intres aotte. Ge, nug gane mettom, amu eɗittak laa aotte. Danab anam nug bau daakkute? Iitta! Nug kobol digdig, da kobol amunu oolppa uuaknab doottem amu, nug kobol amu oh heum amunu, nug mauhkkuoitte. Nuhig mauhak am nug beɗuppa. Laa beɗuppa iitta.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Lewitikas 20:16

Am ah laa nug doɗ dawai laa ele gappai aoglahnu gukkuittak ukkeb amu, nug, doɗ amu ele oh aqatppeg mauheɗ! Ao, ag aa oh aqatppeg mauhkkulahoitte. Am aa beɗulahppa, ag aqatkkulag.

Lewitikas 20:27

Am ag danab o ah laa, nug mauhak ele gamag danab daatte, o nug mauhak ele mattiak danab daatte ele amu, ag menppa qeppeg mauhkkuoitte. Am laa ag amu hetteb, ag beɗulagppa, ag aqappeg mauhkkulag,” awa aum.

Matyu 15:4

Kayak Nug ɗo inam ma aum. ‘Na mamen, anin ele binalah mate!’ Amu Nug inam ele aum. ‘Danab nug anig, o mameg eheɗ laa aokkunu anak waappa daakkunu akku dayeb amu, ag qeppeg mauhaɗ!’

Matyu 27:25

Nug anam a amu, ag appig. “Am ena. Nuhig mauhaknu aab am ig, ihinkad nid naunau ele, ig oh ihinigppa dayaɗ!” aon appig.

Mak 7:10

Imu antte! Moses nug aum. ‘Na mamen, anin ele binalah mate!’ Amu nug inam ele aum. ‘Danab nug anig, o mameg eheɗ laa aokkunu anak waappa daakkunu akku dayeb amu, ag qeppeg mauhaɗ!’

Duteronomi 27:16

Appeg, Lewi buɗub ag inam akkulag. “Aun laa nug mameg, o anig onig he nauhtte, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

Josua 2:19

Haen ig uɗignig, haen amuppa, nahipadppa aun laa nug laut uua, dimittim ba, ibppa oiyebeb, nid laa duug okku amu, amunu aab am nug nukka, nug beɗuppa daakku, i beɗunihppa iitta. Amge laa ag na ele na laut ooppa daaglag amu, laa nug guittak attem laa metteb amu, amunu aab am i beɗunihppa daakku.

Ikki Danab 9:24

Abimelek, Sekem danab ele ag eheɗ hena, ag Jerubal, ⌊am Gideon,⌋ ag nug bekkod 70 oh aqappig. Ag amu hena, ag genab nob aoglagnu daappig amunu, ag nob nau amu aoglagnu Kayak Nug uuatte, Sekem danab ag Abimelek waappa daaglagnu uun, nuhig nai tappaeg neum.