Lewitikas 20:8 - Nobonob Baibel

⁸ Ag dahil ɗo dabmettan dim lamitteg! Da am Yawe, daib, da hei, ag dahilnu, oppiaawak daatteb.

Lewitikas 20:8 ပူးပေါင်းရင်းမြစ်များ

Eksodas 31:13

“Na Israel danab ah amelagppa inam a! ‘Ag dahil Sabat ohnu amu, ag deɗ amu dabmenana, da ɗo deɗ amunu mattami amu, ag amu dim lamitteg! Aɗinu? Da am Yawe, da hei, ag dahilnu tituanak daatteb, amu Sabat deɗ, deɗ amuam da ag ele gamagppa amunu at hanhan, buɗub buɗub doobob, anamib daakku.

Esekiel 20:12

Da ag tituanatti, ag dahilnu tituanak daaegeg, da ag amu dabmettalagnu at daakkunu da ag dahil Sabat deɗ ag mattami. Da ag da, Yawe, da hei, ag dahilnu tituanak daatteb dooglagnu Sabat deɗ, at daakkunu ag mattami.

Esekiel 37:28

Da heppi, dahil mettid lag ag oolagppa hanhan daakkunu aguppa dayeb, wanppan wan ohppan danab ah ag da Yawe, da hei, Israel ag danab ah, ag dahilnu, oppiaawak ele aakku daatteb dooglag.’ ” Yawe Nug anam aum.

Lewitikas 19:19

Ag dahil ɗo dim lamitteg! Ag ahilkad doɗ laa aon, amu doɗ diig laa ele aon heppeg, aa tuqaippa uɗat laa heyaya, laa uɗat nakokib heebeb, laa uɗat okkainab heebeb, beɗu gai-iitta meeb naqekku amu, ag amu aib heppig. Ag aib dad ahilkadppa ee aeg diig aɗit ebappig. Ag aib lamen laa lamen haknu muɗi diig aɗitppa hak amu tagappig.

Lewitikas 19:37

Ag dahil ɗo iɗu iɗu oh dabmettan dim lamitteg! Da am Yawe,” awa aum.

Lewitikas 20:26

Da, Yawe, da oppiaawak daattem amunu, ag dahilnu oppiaawak ele daaglagoitte. Da ag danab ah diilag laa ele daan, dahiladnab daaglagnu, danab ah laa oh oolagppanu tituanadmi.

Lewitikas 21:8

Ag laa amu, ag mana mettak danab ag ahilag doɗ manan Kayak medatteb amunu, ag ahilagnu, ag am Kayaknu oppiaawak ele daatteb doyeg! ⌊Yawe Nug amunu inam aum.⌋ ‘Ag mana mettak danab dilagnu, “Ag Kayaknu oppiaawak ele daatteb,” dabmenana oiglagoitte! Aɗinu? Da, Yawe, da oppiaawak dayeye, da hei, ag dahilad danab ah, ag dahilnu, oppiaawak daatteb.’

Lewitikas 22:32

Ag aib heppeg, da onil oppiaawak ele laa dilag neekkakppa nauhak dayom. Da am oppiaawak daattem amunu, Israel danab ah ag dahilnu, ‘Keeke hamu,’ ii doomna. Amuam da, da Yawe, da hei, ag dahilnu, oppiaawak ele daatteb.

Matyu 12:50

Aɗinu? Danab laa nug da Mamel, hab attan daatte, nug nuhig dabmak dim lamidtte, nug am da anil, da amal, da appinal ele,” awa aum.

Matyu 23:17

Ag am Kayak dab-ii-maama ii dim lamittak danab, amelag gaɗuak ele. Aɗi am keeke anuqak? Kayaknu mettid lagnu gol, amutai am anuqak, o iitta Kayaknu mettid lag, amuam he Kayaknu lag ooppanu gol Kayaknu daatte, amutai am anuqak?

Matyu 5:19

Amunu danab laa nug ɗo nai ooppa ɗo nakoknab laa tippala, nug danab laa ele ag amu hekkulagnu ippunadkku amu, nug onig Kayaknu ɗo maɗoɗppa nakoknab daakku, amge danab ɗo dim lamittatta, danab laa dim lamidkkulagnu ele ippunadkku amu, nug Kayaknu ɗo maɗoɗppa onig okkai ele daakku.

Matyu 7:24

Amunu danab nug nai dahil imu doya dim lamidtte amu, nug danab laa doyak dabmak ena ele, nug danab laa men qaɗeppa lag ukku aɗe, men aɗa dayeye, aria dimppa nug amu attan lag heum bia daatte.

Jon 13:17

Ag keeke imu aakku dooppig amunu, ag anam hekkulag dayeb, ag itittak ena aoglag.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

2 Tesalonaika 2:13

Amge O ig lainkad ag, Naɗi Nug ahilagnu oo mauhtte amu, ig ahilagnu hanhan Kayak amegppa, “Ena heme,” aot akkunignab. Aɗinu? Kayak Nug digmakppanu ag eɗua diikkunu tituanattom; amu eɗua diiak amunu diig laa am Kayak Ouɗi Nug he, ag oppiaawak daatteb, diig laa am ag doyak diig genabibnu oolagppa genab dootteb.

Jems 1:22

Ag akka ag oolag buppuidna, Kayak nai am keeke hamu bia aib dooppig. Ag nai amu doon, genab dim lamitteg!

Revelesen 22:14

Danab nug nuhig lamen iha oppiaawak daatte bia, aun aɗi ag Jesus tiigppa oppiaawak daatteb, amu diig amunu ag aab okkainu od oɗeppa wana, aabppa nona, ad bauklelnu meu lakkulagnu elele daatteb amu, ag itittak ena aoppig daatteb.