Lewitikas 2:13 - Nobonob Baibel

¹³ Am ee aegnu ofa amu, ag yu kalu ele maneg! Amuam Kayak Nug he, Nug ag ele nug tituanna nai qagappig amu, ag nai amu ag daulagppa dokkunu anam hekkulag. Ag aibnab yu kalu ee aegnu ofa hetteb, amuppa mekkulagnu daulag atiom.

Lewitikas 2:13 ပူးပေါင်းရင်းမြစ်များ

2 Stori 13:5

Ag Yawe, Israel dilag Kayak, Nug Dawit, amu nug buɗub ele ag hanhan Israel dilag king daaglagnu Nug ha, Nug ag ele ag nug tituana nai qakkak tuqa awak laa iitta ele heppig amu, ag amu iite dootteb?

Esra 7:22

Nug aɗi keekenu oɗ madakku amu, ag mettaglag, amge 3,400 kilogram silwa, 10,000 kilogram wit aeg, 2,000 lita wain, 2,000 lita olip goɗen aakkuib aokkunu elele. Nug amu eɗitta tak awaknu oɗ ii mattama. Yu kalu awaknu amu, amuam batak iitta.

Eksodas 30:35

kalu danab ile, muttuɗig enanag bette hekkutnu na keeke amu oh kabolie! Na amu haknu doyak danab hette bia he! Na hewona amu, na yu kalu ele kabolie! Kalu danab ile muttuɗig enanag bette amuam dahilnu tituanak daya, dubuttid iitta ele daya, yu kaboliak ele dayaɗ!

Esekiel 43:24

Na manatna, da Yawe, da meɗakkut. Mana mettak danab ag yu kalu doɗ beɗulahppa tauɗppeg ukkeb, manaknu ofa daakkunu main, da meɗaglag.

Namba 18:19

Gemu digma ukkak, Israel ag mana mettak hena, ag amu aon, da, Yawe, ag da meɗatteb, mana mettak amu ag dahilnu tituanak daatteb ele amu, geha laih ahilag daakkunu ami ele amu, laih amuam da ag, ag bekkalkad, amu ag aɗelkad ele, ahilag hanhan daakkunu madattem. Nai imuam dahil nug tituana nai qakkak tuqa awak laa iitta ele, amu ag, ag buɗulkad ele, ahilagppa daakku, am iitta ii mema,” awa aum.

Matyu 5:13

Ag amu wanppan yu kalu bia daatteb, amge yu kalu nug yu ubuhi iitta dayeb amu, attem hepput, nug eɗua ubuhi ele daakku? Yu kalu anam amu, nug uɗat iitta. Danab ag gokkaɗeg ukke, tappan gotteb.

Kolosi 4:6

Ag nai mattinna, ag hanhan oo bodoettak kobol dim lamidna, ag danab oh dilag oɗmak oolagppa daatte nob mekkulagnu elele daaglagnu, ag dabmak tutukku tatam aowona, nai mattieg!