Lewitikas 2:12 - Nobonob Baibel

¹² Ag ee tatam oɗutte haenppa amu, ag yis, uppuh leppu ele aon dona, Yawe mettaglagnu oolag heeb am mettaglag, amge ag mana mettak laa, Yawe Nug mana mettak amunu muttuɗignu ooppa ena dookkunu, ag ee aegnu ofa manan, Yawe mettaglag amu, ag yis, o uppuh leppu amuppa iinab memana; ag qaɗabppa yis, o uppuh leppu iinab maiglagoitte.

Lewitikas 2:12 ပူးပေါင်းရင်းမြစ်များ

Genesis 23:17

Abraham nug Epronnu wan amu, men oɗe ele oh daden meum. Wan amu onig Makpela, amu Mamre guguittak dayom. Nug wan amu, ad oh wan amuppa dayom ele, nug amu oh awom.

2 Stori 31:5

Hesekaia nug anam a, pahanab Israel buɗub ag ee tatam oɗuom, amuam ee aeg, wain bau, goɗen, uppuh leppu, am aɗi keeke laa dattanu aoppig amu, ag amu aon uɗin, Lewi buɗubppan mana mettak danab, Lewi buɗubppan mana mettak danab iitta amu, ag ag ele madappig. Ag huanak madappig. Keeke ahilkad amu ohnu ag obatak eblaih tanig ele ooppanu obatak laippu ag Lewi buɗubppan mana mettak danab, Lewi buɗubppan mana mettak danab iitta, ag ag ele madappig.

Eksodas 22:29

Ag keeke ebappeg, da heppi, meu okku amu, ag keeke ebappignu meu, wain, olip goɗen ele amu, ag amunu maha ofa daakkunu da meɗaglagnu aib uuppig. Ag uug doon, oolag uug ele da nakok nakokib meɗaglagnu am aib. Ag oo gamag ahak ele, elele meɗaglagnu meɗeg! ⌊Pasowa ebqak 1 haenppa da ag amelagppa amibia amu,⌋ buɗub buɗub doobob, ag ahilkad nid danab tatamnu da meɗeg!

Eksodas 23:19

Ag ee tatam oɗutte ele, ag ee amunu laih enanag aon, da Yawe, ahilag Kayak, ag ee amu aon, da laulppa uɗieg! Ag meeme nag, anignu huhppa aib badippig.

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Lewitikas 23:10

“Na Israel danab ah nai imu appe doyeg!” awa aum. ⌊Nug Moses amegppa anam a amu, Moses nug ag amelagppa inam aum.⌋ “Haen ag wan da ag madattem ele, ag amuppa tena daanna, ag ee aeg tatam oɗuttenu ehag laa akkan, mana mettak danab toppa wakkulag.

Lewitikas 23:17

Amu hekkulagnu amu, ag daattebppanu bret kunum aɗit diiatna, mana mettak danab toppa wappeg, nug awa, Yawe noobppa huma epponitta mettaknu ofa hekku. Amuam mana mettak Yawenu hak daakku. Bret kunum aɗit anen anen, amuam 2 kilogram plaua enanag, yis ele kabolia manak daakkuoitte. Bret amuam maɗ anen anenppa, ahilag ee tatam oɗutte manan, Yawe mettaglagnu ofa aakku.

Lewitikas 7:13

Haen nug laippu dayaknu ofa ha, Yawe amegppa, ‘Ena heme,’ akkunu hette amu, nug bret yis ele kaboliak, amu ele awa, Yawe gumitta wana, Nug medakkuoitte.

Namba 15:20

Ag ee aeg mumuɗaknu abenppanu ee aeg aotteb amu, ag aeg naanaeg ganuɗak amuppanu bret batappatak laa, ofa daakkunu, ag aon, Nug metteg!

Namba 18:12

Am Israel ag olip goɗen enanag, aria wain bau tatamnu enanag, ee aeg tatam oɗutte enanag, ag da Yawe, ag da meɗatteb amu, da amu oh na, na begapad ele madattem.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

Duteronomi 26:10

Amunu, O Yawe, gemu da ee tatam oɗutte wan na da meɗameppanu aomi amu, da na medakkulnu uɗimi.” Na anam Kayak noobppa daanna akkut. Na amu oh awona, na kaleg amu, keeke ele Yawe, nahip Kayak, na Nug noobppa uuppe dayebeb, na Yawe noobppa dup nona binag mekkut.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.