Lewitikas 19:9 - Nobonob Baibel

⁹ Am haen ag ahilag ee aeg aotteb amu, ag aib dad daugppa tuqanna, ee meu awak danab, ag ee laa heeg neum, ag amu ele aib eɗun aoppig.

Lewitikas 19:9 ပူးပေါင်းရင်းမြစ်များ

Lewitikas 19:10

Amu grep meu awaknu ele aakku, grep muɗi eppegppanu ag baelag aɗu eɗun aib tuqappig, grep wanppa nena qeppig ele amu, ag aib aoppig. Grep meu, ee aeg amu ele uuppeg, daɗek dilag, wan laihnu danab ele, ahilagnu dayaɗ! Da am Yawe, ahilag Kayak.

Lewitikas 19:8

Aun laa nug deɗ ewam amuppa lakku amu, nug eheɗ aakku ha, nug amunu bu aokku. Aɗinu? Nug aakku keeke laa da, Yawe, da amunu dahilnu tituanak daatte anidttem amu, nug he, dahil neekkakppa dubuttid teum daatte. Aun nug anam hette, nug Israel oolagppanu geɗittak daakkuoitte.

Lewitikas 23:10

“Na Israel danab ah nai imu appe doyeg!” awa aum. ⌊Nug Moses amegppa anam a amu, Moses nug ag amelagppa inam aum.⌋ “Haen ag wan da ag madattem ele, ag amuppa tena daanna, ag ee aeg tatam oɗuttenu ehag laa akkan, mana mettak danab toppa wakkulag.

Lewitikas 23:22

Am haen ag ahilag ee aeg aotteb amu, ag aib dad daugppan tuqanna, ee meu awak danab, ag ee laa heeg neum, ag amu ele aib eɗun aoppig. Uuppeg dayebeb, daɗek danab, wan laihnu danab ele, ahilag dayaɗ! Da am Yawe, ahilag Kayak,” awa aum.

Lewitikas 23:29

Am aun laa nug deɗ amuppa, nug nukka onig ii qeeb neeb daakku amu, nug Israel oolagppanu geɗittak daakkuoitte.

Rut 2:15

Amu ee lanak dimppa Rut nug aha, bali agakkunu ugekke, Boas nug maɗi nid nuhikkud amelagppa aum. “Ah umu nug oiyaya, bali ehag ele daatteb, nug amuppanab ele bali laala uueg daatteb amu, nug amu akkeb, nug uɗa nemanu aib daug batappig. Laa amu, ag bali ehakkak amu maon gokkulagnu henana, ag bali laala eeɗadna, maadppeg dayebeb, nug akkaɗ!” awa aum.

Rut 2:2

Aria, anam daye, deɗ laa Moap ah Rut nug ahipa Naomi amegppa aum. “⌊I ee aoɗ lakkunihnu amu,⌋ na appe, da ukken, maɗi nid dilag gumak danab laa oɗ medappi, nug, ‘Yo,’ ab amu, da maɗi nid amu dim lamatte, bali gumu ikki ele ii aoeg daatteb amu, da aokkul,” awa aum. Nug anam a amu, Naomi nug aum. “Am ena, na gona akke!” awa aum.

Rut 2:8

Uɗat gumak danab nug Boas amegppa anam a amu, Boas eɗua Rut amegppa aum. “O aɗel, da nai laa appi dookkutnu ool daatte. Na laa dilag dadppa gona, bali aib akkame. Na laih aib gome. Iitta! Dahil maɗi ah ippa daatteb amu, na ag ele dayeg!