Lewitikas 19:4 - Nobonob Baibel

⁴ Ag aib kayak hambuppuaknu oolagppa genab dooppig. Ele amu, ag aib kayak hambuppuak dottolag aenppa, keeke hattana, noolagppa dup nona binalag meppig. Da am Yawe, ahilag Kayak.

Lewitikas 19:4 ပူးပေါင်းရင်းမြစ်များ

1 King 14:9

Amge na amu, na eheɗ hak huan heme; eheɗ hak nahip am king anukka daappig, amu oolagppa aun laa eheɗ nau heum amu, nahip eheɗ hak am nuhig eɗidtte. Na da dimeɗan autna aon, kayak hambuppuak golppa haatame. Na kobol amu heme, amuppa na he, da oppoɗi bak doottem. Na da na dimunppa meiɗme.

1 Stori 16:26

Laa amu, wanppanu danab ah laa dilag kayak oh ag keeke genab iitta. Ao, ag am dottolkad aakkuib daatteb, amge Yawe Nug amubia iitta. Nug hab heum.

2 Stori 28:2

Nug Israel dilag king heppig bia ha, nug kayak hambuppuak Bal iɗu iɗu dottolkad hatta, ag noolagppa dup noa binalag meum.

Sam 96:5

Laa amu, wanppanu danab ah laa dilag kayak oh ag keeke genab iitta. Ag am dottolkad aakkuib daatteb, amge Yawe Nug amubia iitta. Nug hab heum.

Eksodas 20:23

Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Eksodas 32:4

Ag akkan, aon uɗieg amu, nug daulkadppanu gol bala amu awa, aabppa mane ewa, le me, nug makau gaiɗ dottog laa babaittom ele amu, aguppa gokkaɗeg no, nug makau gaiɗ dottog golppa aakku ha mala, babaittak uɗat aakku siselppa heum. Nug anam he, Israel danab ah ag anidna appig. “Doyeg! Imuam kayak ihinig. Nug ig Isipnu aikka, nug ig omaikka uɗiom,” aon appig.

Eksodas 34:17

Yawe Nug nai amu ana, Nug nai tuɗitta aum. “Ag kayak hambuppuak dottolkad golppa, silwappa, o brasppa keeke, aib heppig.

Lewitikas 11:44

Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Lewitikas 19:25

Anam daya maleb, maɗ tanig eleppa amu, ag ad meu aon lakkulag. Hak anamppa ad diig ag meulkad huana okkulag. Da am Yawe, ahilag Kayak.

Lewitikas 19:5

Haen ag laippu dayaknu ofa henana, ag doɗ manan, da Yawe, da meɗaglag amu, da mana mettak amunu ena doyen aokkulnu, ag amelagppa attem hekkulagnu ami bia, ag heig!.

Lewitikas 26:1

Ag aib kayak hambuppuak dottolkad hadappig. Ag aib ahilag wanppa kayak hambuppuak dottog laa, o men gappi laa qabappig. Ele amu, ag men hoyak ele laa, keeke amu noobppa dup nona binag mekkulagnu, ahilag wanppa aib meppig. Aɗinu? Da am Yawe, ahilag Kayak.

Hagai 2:18

Amu Yawe Nug amu awowa, Nug tuɗitta atte. “Gemu am kalam ebqak eblaih waɗele, amu kalam imunu deɗ 24, gemu ag dahil mettid lagnu men ukku aakku hena malappig. Ag malappig amunu, ag dabmak pehettan aweg! Ao, ag gemu, butti aɗi ele pehettan dabmak aweg!

1 Korint 10:14

Anam daatte amunu O lailad, ag kayak hambuppuak dottolkad noolagppa dup noa binag mak kobol nakoknab aibnab heppig.

Duteronomi 27:15

“Laa nug kayak hambuppuak dottog aɗi keekeppa ha, lokkumakppa qabatte amu, nug eheɗ laa awaknu anak waappa dayaɗ! Kayak hambuppuak dottolkad danab uɗat amu haknu doyak okkai ele amu, Yawe Nug dottog amunu ooppa uuaknab dootte,” aon akkulag. Ag anam aon appeg, danab ah oh ag, “Genab, anam dayaɗ!” akkulag.

Duteronomi 4:16

Amunu diig am, ag dottog laa hattana, noolagppa dup nona binalag mak kobol hekkulag dayeb amu, ag kobol diig ena iitta uɗig wak ele hekkulag. Ag noolagppa dup nona binalag mekkulagnu amu, ag dottog laa aib heppig. Amuam danab beɗu biatai, o ah beɗu biatai,

Duteronomi 7:25

Ag kayak hambuppuak dottolkad adppa hoyattak aab aɗuppa manadppeg eoppeg, silwate, iitta golte amuppa tonadppig dayeb amu, ag gol, o silwa amu amelag qeeb aolobnab dabmak eheɗ aona, aib aoppig. Aɗinu? Yawe, ahilag Kayak, Nug keeke amunu ooppa uuaknab dootte. Ag aib aoppig. Ag aoglag amu, ag pelemppa tena, padal mekkulag.

1 Jon 5:21

O nid naunau, ag kayak hambuppuak dottolkad dim lamadmanade, dabmeig!