Lewitikas 18:30 - Nobonob Baibel

³⁰ Amunu ag ɗo dahil dim lamidna autna aona, kobol da oolppa uuaknab doottem, danab ah wan amuppa daan hetteb ele amu, ag kobol amu laa aibnab heppig. Ag kobol amu laa heppeg, ag dahil neekkakppa dubuttid tak ele daaglagnu aib heppig. Da am Yawe, ahilag Kayak.” Yawe Nug anam aum.

Lewitikas 18:30 ပူးပေါင်းရင်းမြစ်များ

1 King 14:24

Juda ag anam henana, ag kobol nau digdig ele heeg beum. Kobol nau amu laa naunab ele am, danab laa ag kayak hambuppuak dilag mettid lag nakok, ag amuppa danab danab ele gappai aɗaglagnu daan heppig. Juda ag wan anen anennu danab ah, Yawe he, Israel ag lamadppig ele, ag amu dilag kobol, Yawe Nug kobol amunu ooppa uuaknab dootte amu, ag kobol amu dim lamidppig.

1 King 21:26

Ahap nug Amo danab heppig bia, nug kobol uɗig wak naunab ele haaha, kayak hambuppuak binalag maama dim lamattom. Amo danab ah amu ag wan amuppa, ag tatam daappig, amge Yawe Nug he, Israel ag danab amu lamadppig.

Esra 9:1

Amu dimppa Israel dilag ikki laa ag uɗin, da, Esra, ag da amelppa appig. “Danab ag gemu ig miag taliligna daatteb ag, ag kobol nau digdig, Kayak Nug kobol amunu ooppa uuaknab dootte amu, ag kobol amu hetteb. Ag Kanan danab, Hit danab, Peres danab, Jebus danab, Amon danab, Moap danab, Isip danab, Amo danab ele dilag kobol nau dim lamidna heegeg, Israel danab ah ag danab ah amu ele ouqak ii daamnanu ag akka ag awaidna ii daan, ag ele kobol nau hetteb. Israel danab ah, Lewi buɗubppan mana mettak danab, Lewi buɗubppan mana mettak danab iitta ele, ag amu hetteb.

Lewitikas 18:29

Amu Yawe Nug aum. “Aun laa nug kobol ooppa uuaknab doyak ele, nug amunu laa hekku amu, nug Israel oolagppanu geɗittak daakkuoitte.

Lewitikas 19:1

Amu Yawe Nug Moses amegppa aum.

Lewitikas 20:23

Am ag danab ah ag gemu wan amuppa daatteb ele, da heppi, ag Israel ag danab amu lamadkkulag. Ag kobol nau, da oolppa uuaknab doottem ele heppig amunu, da ag geɗadmi. Anam amunu, ag ahilag kobol am aib dim lamidna heppig.

Lewitikas 22:9

Mana mettak danab ag aɗi kobol hekkulagnu daatteb, ag amu dim lamidkkulagoitte. Ag ii dim lamidkkulag dayeb amu, ag amunu hamu bia dooppeg, ag beɗulagppa aab dayebeb, mauhkkulag. Ag mauhmananu, na ag nau aomnanu dabmettaknu nai imu appe, mana mettak danab oh ag nai imu tutukku dim lamitteg! Da am Yawe, da hei, ag dahilnu, oppiaawak ele daatteb.

Duteronomi 11:1

Ag Yawe, ahilag Kayak, ag nuhignu oolag mauhehe, ag nuhig haknunab anak, nuhig ɗo ele oh hanhan dim lamidkkulagoitte.

Duteronomi 12:30

danab amu ag ag Israel noolagppa padal mena autna aoppeg amu, ag Israel, ag aib inam appig. “Wan imunu danab ah ag attemtainab ahilkad kayak dilagnu dup noa binag mak kobol heppig? Ig ag heppig bia hekkunig.” Ag anam aib appig. Ag uhui amuppa aib noppig.

Duteronomi 12:31

Danab ag gemu Kanan wanppa daatteb ele, ag dup nona binag mak kobol ahilkad kayak hambuppuak dilagnu hetteb amu, ag Yawe, ahilag Kayak, kobol ag hetteb ele amubia aibnab Nug noobppa dup nona binag meppig! Aɗinu? Yawe Nug Kanan danab, Nug ahilag kobol amunu nau ninig ele dootte. Ag kayak hambuppuak ahilkad noolagppa dup noa binag mak kobol henana, ag kobol digdig, Yawe Nug kobol amunu ooppa uuaknab dootte, ag amu hetteb. Kobol nau ag hetteb ele amu, amu oolagppan laa naunab daatte, amuam ag bekkalkad aɗelkad ele manadna, ahilkad kayak hambuppuak madatteb.

Ikki Danab 20:6

Amunu da nug gaɗa otaɗe, maha qei, 12 neeg akke, Israel dilag huu okkai anen anen, ag wan ag aulag daakkunu aoppig amu, da anen anen appa pani ukkom. Da anam heminu diig am, danab amu ag Israel oolagppa, gappai heeb baknu kobol, kobol uɗa nak nau guittak ele heppig.