Lewitikas 18:26 - Nobonob Baibel

²⁶ Ag dahil ɗo iɗu iɗu dim lamidkkulagoitte. Ag kobol laala, da kobol amunu oolppa uuaknab doottem ele amu, ag amu ii hemananu daaglagoitte. Imuam, ag Israel danab, amu wan laihnu danab, ag uɗin, ag oolagppa daatteb ele, am ahilag ohnu aakku daatte.

Lewitikas 18:26 ပူးပေါင်းရင်းမြစ်များ

Lewitikas 18:5

Ag dahil ɗo iɗu iɗu dim lamitteg! Aɗinu? Danab nug dahil ɗo anam dim lamidkku dayeb, amuppa nug bauklel daakku. Da am Yawe,” awa aum. ⌊Yawe Nug anam ana, Nug ɗo laala imu Moses mettom.⌋

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Jon 14:15

Am ag dahilnu oolag mauhtte dayeb, ag dahil haknunab anak dim lamadkkulag.

Luk 11:28

Amge Jesus Nug aum. “Anam iitta! Danab ag Kayak nai doon dim lamidtteb ele, ag itittak ena aoppig daatteb,” awa aum.

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 4:40

Ahilagppa, ahilkad nid naunau, amu ag dimulkadppanu ele, ahilagppa ena, elele ba daakkunu, ag wan amu, Yawe, ahilag Kayak, Nug ag wan ahilag haen oh daakkunu madakkunu hette amu, ag amuppa haen elab daaglagnu, ag ɗo nai, amu aɗi haknunab anak imu ele, gemu da ag madattem imu, ag dim lamitteg! Amuam nai laa Moses mattiom aakku.

Lewitikas 18:30

Amunu ag ɗo dahil dim lamidna autna aona, kobol da oolppa uuaknab doottem, danab ah wan amuppa daan hetteb ele amu, ag kobol amu laa aibnab heppig. Ag kobol amu laa heppeg, ag dahil neekkakppa dubuttid tak ele daaglagnu aib heppig. Da am Yawe, ahilag Kayak.” Yawe Nug anam aum.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 17:8

Yawe Nug Moses amegppa, nug anam akkunu ana, nug ele amegppa aum. “Na inam ele appe doyeg!” awa aum. ⌊Nug anam a amu, Moses nug ag amelagppa aum.⌋ “Ɗo imuam Israel danab, wan laihnu danab, ag uɗin, ag oolagppa daatteb ele, ag oh tonadtte. Am aun laa nug manaknu ofa, o mana mettak laa ha,

Lewitikas 18:25

Wan imuppan danab ah ag kobol dubuttid tak ele anam heppig amunu, wan atu imu oh am dahil neekkakppa dubuttid teum daatte. Diig amunu da danab ah ag ippa daatteb ele, da ag bu matten heppi, ag ahan gokkulag, danab nug bahe ba gotte, amubia ag gona, ag appa ii daamna.

Lewitikas 18:27

Am danab ah, wan da ag appanu diie gottem ele, amuppanu ag kobol dahil neekkakppa dubuttid ele heegeg, dahil neekkakppa ag oolagppa dubuttid teum daatte amunu, dahil neekkakppa wan amuppa dubuttid tak okkai ele daatte.

1 King 14:24

Juda ag anam henana, ag kobol nau digdig ele heeg beum. Kobol nau amu laa naunab ele am, danab laa ag kayak hambuppuak dilag mettid lag nakok, ag amuppa danab danab ele gappai aɗaglagnu daan heppig. Juda ag wan anen anennu danab ah, Yawe he, Israel ag lamadppig ele, ag amu dilag kobol, Yawe Nug kobol amunu ooppa uuaknab dootte amu, ag kobol amu dim lamidppig.