Lewitikas 17:5 - Nobonob Baibel

⁵ Ɗo imu mak daattenu diig am, Israel danab ah ag gemu aab dimittim, dad okkaippa Yawenu mana mettak hetteb bia tuɗidna ii hemana; ag doɗ amu aon, mettid haknu peh lag danab ah appa qagmetteb ele, ag appa hekkulagnu daatte. Danab ag doɗ amu akkan, mana mettak danab toppa, amuam Yawe toppa, ag nuhig peh lag danab ah appa qagmetteb ele, ag lag amu odppa wakkulagoitte. Ag doɗ amu akkan, appa gona, laippu dayaknu ofa hekkulag.

Lewitikas 17:5 ပူးပေါင်းရင်းမြစ်များ

Genesis 21:33

Aa ukkaeh, Abraham nug Berseba appa ad tamarisk eppom, amu nug amuppa Yawe, Nug Kayak hanhan daatte amu, nug Nug noobppa dup noa binag meum.

Genesis 22:13

Engel anam a, Abraham eɗua neekke ukke, sipsip dawai qeqeɗi ad eppegppa aolak dayeye antta awa, manaknu ofa daakkunu mana, Kayak mettom. Sipsip amu nug Aisak ou dayaya, abenab awom.

Genesis 22:2

Abraham anam a amu, Kayak nug amegppa aum. “Na nahip nid laippunab, Aisak, na nuhignu oot mauhtte ele amu, na nug aon, wan atu onig Moria gona, appa qauko laa da na ippunidkkul, amuppa na nugppa manaknu ofa he!” awa aum.

Genesis 31:54

Jakop anam ha malowa, laih qauko qauko ele amuppa nug doɗ laa mana, Kayak mettowa, nug baekkudppa, amu Laban aɗi ele ee lakkulagnu onilagppa e uɗieg, ee lawona, ag aben amuppa niippig.

1 King 14:23

Juda ag gemu kayak hambuppuak dilag mettid lag nakok, kayak hambuppuak Aserah dabmekkulagnu biidod, amu men gappi ele qauko nakok okkai oh ikkilkadppa, amu ad okkai eppelkad bahia ukkak ele oh waalkadppa bappaladna maadppig.

1 King 3:2

Amu ii malak haenppa amu, ag Yawenu mettid lag, Yawe onig amuppa daakkunu ii buuppig amunu, danab ag Yawenu mana mettak hekkulagnu, ag gona, aabaabppanu mettid lag nakokppa mana mettak henana, Yawe medappig.

1 King 3:3

Am Solomon nug Yawenu oo mauhehe, kobol ena oh dim lamittatta, mameg Dawit aum bia heum. Amge Solomon nug ele aabaabppanu mettid lag nakokppa doɗ manatta, Yawe medatta, nug ele kalu danab ile muttuɗig enanag bette ele appa mana, Yawe mettom.

2 King 16:4

Ahas nug aabaabppanu mettid lag nakokppa, qauko nakok igippa, amu ad okkai eppelkad bahia ukkak ele oh waalkadppa mana mettak haaha, nug ele appa kalu danab ile muttuɗig enanag bette ele manom.

2 King 17:10

Ag gona, qauko nakok oh igippa, ad okkai eppelkad bahia ukkak ele oh waalkadppa ele, ag men gappi maadna, kayak hambuppuak Aserah dabmekkulagnu biidod ele galadna, ⌊ag keeke amu ag noolagppa dup nona binalag meppig⌋.

2 Stori 28:4

Ahas nug aabaabppanu mettid lag nakokppa, qauko nakok igippa, amu ad okkai eppelkad bahia ukkak ele oh waalkadppa mana mettak haaha, nug ele appa kalu danab ile muttuɗig enanag bette ele manom.

Eksodas 24:5

Dimppa nug he, Israel dilag nid danab bau laala ag gona, ag makau gaiɗ, manaknu ofa, laippu dayaknu ofa ele daaglagnu manadna, Yawe medappig.

Esekiel 20:28

Da wan laa ag mamelkad madakkulnu dahil nai ɠagattag qetten mattimi amu, da omalatti, ag wan amuppa gona tena dayona, ag qauko laa nakok okkai anidna, o ag aɗi ad okkai ebekkud bahia ukkak ele anidna amu, ag aben amu ohppa qaɗab aqappig. Ag appa qaɗab aqanna, ag doɗ aon, amuppa main, kayak hambuppuak madappig. Ag keeke laala ele, da ag amu haknu oppoɗi bak doottem, ag keeke amu ahilkad kayak hambuppuak madappig. Ag amuppa kalu danab ile muttuɗig enanag bette ele manan, kayak hambuppuak madappig. Ag amuppa amu henana, ag wain gokkaɗaknu ofa ele amuppa heppig.

Esekiel 22:9

Jerusalem danab ah, ag oolagppan laa ag doonna hambuppun, laa eheɗ ii heppignu, “Ag eheɗ anam heppig,” anana, ag danab eheɗ ii heppig amu aqaeg mauhtteb. Ag oolagppan laa ag qaukoppan kayak hambuppuak dilag mettid lag nakokppa ee lanan, ag gappai heeb baknu kobol ele hetteb.

Esekiel 43:27

Aria, deɗ eblaih aɗit ele amu iitta meeb, deɗ eblaih ewamppa mana mettak danab ag digmena, qaɗab amuppa Israel dilag mana mettak digdig, laa am manaknu ofa, laa am laippu dayaknu ofa, ag amuppa manan, da meɗaglag. Ag anam heppeg, da ag Israel, da ag diiadkkul.” Naɗi Yawe Nug anam atte.

Esekiel 44:15

Lewi buɗub amu, ag amu hekkulag, amge Lewi buɗub laa, ag Sadok buɗub amu, ag am mana mettak danab daaglag. Haen Israel laa ag da uuiɗna, uma ukkaeg amu, Sadok buɗub ag ahilag uɗat da noolppa mettid lag dahilppa hekkulagnu dayom amu aakku heppig. Ag amu heppig amunu, ag da gumiɗna uɗin, da noolppa dahil ɗo maɗoɗnu uɗat hekkulag; ag doɗ ittag manan meɗan, ag tiig ele gokkaɗkkulagnu aakku daatteb.” Naɗi Yawe Nug anam atte.

Lewitikas 17:4

amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Lewitikas 17:6

Aakku mana mettak danab nug tiig Yawenu qaɗab, qaɗab amuam mettid haknu peh lag danab ah appa qagmetteb ele, am lag amu odppa daatte amu, mana mettak danab nug qaɗab amuppa tiig tauɗowa, nug ittag maneb eokku. Mana mettak amunu muttuɗignu, Yawe Nug ooppa ena dootte.

Duteronomi 12:2

Ag danab wan anen anen amuppa daatteb ele lamadna aona, ag ahilkad kayak noolagppa dup noa binag mak aben ele oh loppaɗppeg nauheg! Amuam ag ahilkad kayak noolagppa dup noa binag mak kobol hekkulagnu keeke qauko okkaippa, amu naunauppa ele hadappig; ad okkai eppelkad bahia ukkak ele oh waalkadppa ele keeke hadappig amu, ag amu oh loppaɗatteg!