Lewitikas 17:4 - Nobonob Baibel

⁴ amge nug doɗ amu awa, mettid haknu peh lag danab ah appa qagmetteb ele, nug lag amu odppa, Yawe gumitta, doɗ amu mana, Yawe medakkunu ii uɗitte dayeb, nug am danab laa nug hipunin okkai ha, layag qe mauhtte, hipunin amubia hekku. Nug aɗi heum ele, amuam danab laa qe mauhak bia heum amunu, nug Israel oolagppanu geɗittak daakkuoitte.

Lewitikas 17:4 ပူးပေါင်းရင်းမြစ်များ

Genesis 17:14

Danab laa nug gaɗa otaɗak ii aotte, nug dahil nug tituana nai qakkaknu nai tippaltte amunu, nug dahilad danab oolagppanu geɗittak daakkuoitte,” awa aum.

Sam 32:2

Danab laa Yawe Nug nuhig hipunin uhuqa mettom daatte, bu laa aokkunu ii daatte amu, danab amu nug itittak ena awom daatte. Ao, danab laa nug ooppa hambuppuak laa ii daatte amu, nug itittak ena awom daatte.

Eksodas 12:15

Da ag hekkulagnu attem, amuam inam. Ag deɗ eblaih aɗit ele amu, ag bret yis iitta lakkulag. Danab auntai laa nug deɗ eblaih aɗit ele amuppa keeke laa yis eleppa hak lakku amu, nug Israel oolagppanu geɗittak daakkuoitte amunu, hobul amunu digmakppanu deɗ, ag deɗ amuppa yis oh, ag laulkadppa daatte ele amu, ag agappeg ukkaɗ!

Eksodas 12:19

Hobul amunu deɗ eblaih aɗit ele amu, deɗ amu ohppa yis ag laulagppa aib dayom! Aɗinu? ⌊Hobul amunu deɗ amu ohppa,⌋ mudippan danab lailag laatai, o wan laihnu danab laatai, nug bret yis ele lab amu, aria nug Israel oolagppanu geɗittak daakkuoitte.

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

Eksodas 30:38

Am danab aun laa nug keeke kalu amubianab laa nuhignu, nug muttuɗig enanag amu doya, ena dookkunu heeb amu, geha ag heppeg, nug Israel oolagppanu geɗittak daakkuoitte,” awa aum.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.

Esekiel 20:40

Amu Naɗi Yawe Nug atte. “Aɗinu ⌊ag heppeg, da onil oppiaawak ele laa dilag neekkakppa nauhak ii daama⌋? Deɗ amu uɗieb amu, ag Israel, ag dahil qauko dahilnu tituanak daatte ele, qauko amuam Israelnu qauko okkainab, ag appa da waalppa daan, ag da oɗel dim lamidkkulag. Ag appa anam heppeg, da ag doyatte diiadkkul. Qauko amuppaib ag doɗ main meɗaglagnu, ag keeke dahil daakkunu hamu meɗaglagnu, ag keeke dahilnu tituanak daatteb ele manan meɗaglagnu haknunab appi dooglag.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 17:10

Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 17:14

Aɗinu? Keeke oh bau daatteb ele amu, ag tiigppa bau daatteb. Anam amunu, da ag Israel danab ah ag tiig iinab lamananu ami. Doɗ, o ai oh ag bau daatteb ele amu, ag tiigppa bau daatteb. Aun nug tiig lakku amu, nug ⌊Israel oolagppanu⌋ geɗittak, laih daakkuoitte.

Lewitikas 17:3

‘Am Israel ted laa nug makau dawai ebehi ele, o sipsip nag, o meeme mana, Kayak medakkunu haaha, nug Israel dilag haen tutu dayaknu aab kalak ooppa, o dimittim amu hekku dayeb,

Lewitikas 17:5

Ɗo imu mak daattenu diig am, Israel danab ah ag gemu aab dimittim, dad okkaippa Yawenu mana mettak hetteb bia tuɗidna ii hemana; ag doɗ amu aon, mettid haknu peh lag danab ah appa qagmetteb ele, ag appa hekkulagnu daatte. Danab ag doɗ amu akkan, mana mettak danab toppa, amuam Yawe toppa, ag nuhig peh lag danab ah appa qagmetteb ele, ag lag amu odppa wakkulagoitte. Ag doɗ amu akkan, appa gona, laippu dayaknu ofa hekkulag.

Lewitikas 17:9

nug mettid haknu peh lag danab ah appa qagmetteb ele, ag lag amu odppa Yawe mettaknu ii awa watte amu, nug Israel oolagppanu geɗittak daakkuoitte.

Lewitikas 18:29

Amu Yawe Nug aum. “Aun laa nug kobol ooppa uuaknab doyak ele, nug amunu laa hekku amu, nug Israel oolagppanu geɗittak daakkuoitte.

Lewitikas 20:16

Am ah laa nug doɗ dawai laa ele gappai aoglahnu gukkuittak ukkeb amu, nug, doɗ amu ele oh aqatppeg mauheɗ! Ao, ag aa oh aqatppeg mauhkkulahoitte. Am aa beɗulahppa, ag aqatkkulag.

Lewitikas 20:18

Am danab laa nug ah laa nug kalam qeeqe, nug ele beɗuppa wanak hekkulah dayeb, danab nug ah amu, nug Kayak ele ouqa dayaknu elele iitta dayeye, nug he, aa eheɗ hepiɗ, ah ele amu hekkulahnu ib oo ii neum amunu, aa Israel oolagppanu geɗittak daaglahoitte

Lewitikas 20:3

Da nuhignu eheɗ hekkulnu doyeye dayen, da heppi, nug Israel oolagppan geɗittak daakku. Aɗinu? Nug nid nuhikkud Molek mettom amunu, da anam hekkul. Nug amu ha, nug aakku he, dahil neekkakppa dahil mettid haknu peh lag dubuttid teum daatte; nug ele he, da onil oppiaawak ele laa dilag neekkakppa nauhom daatte.

Lewitikas 3:2

Laa nug mana mettak hette ele, nug eppeg doɗ amu igippa mewowa, nug mettid haknu peh lag danab ah appa qagmetteb ele, nug amu odppa baag otaɗkkuoitte. Mana mettak danab, Aron bekkod, ag doɗ tiig amu qaɗab gigin waɗele ohppa tauɗ qettaglag.

Lewitikas 7:18

Amu doɗ teppu, laippu dayaknu ofa haknu amu, nug dayeb ukkeb, deɗ ewamppa laa lakku amu, Yawe Nug mana mettak amunu ena ii doya ii aoma. Danab nug mana mettak amu hekkunu dabmeum ele amu, Yawe Nug nuhignu, ‘Nug doɗ amu mana, da meɗom,’ ii dabmema. Deɗ ewamppa amu, doɗ teppu amuam Yawe noobppa dubuttid ele daakku. Aun nug lakku amu, nug eheɗ aakku ha, nug amunu bu aokku.

Jon 10:7

amunu, Jesus Nug nai laa mattiaya aum. “Da genabnab genab ag amelagppa attem. Da am ⌊hab aabppa ukkaknu⌋ od oɗe, sipsip ag aɗ ooppa nokkulagnu od oɗeppa notteb, amubia.

Jon 10:9

Da am od daattem. Laa nug dahilppa doa, aɗ ooppa nokku amu, nug Padal ii maknu ehanittak awa daakku. Nug ooppa doa, eɗua dimittim ukka, ee antta lakku.

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Rom 4:6

Dawit ele nug danab laa, Kayak danab amunu uɗat ii dabmette, amge danab amunu Nug, “Genab tutukku hak danab,” atte, Dawit nug danab amu nug itittak ena awom daattenu ana, nug ele danab nug ooppa genab doyak ib amuppa genab tutukku hak danab daakkunu aum.

Rom 5:13

Amuam genab daattenu diig am, Mosesnu ɗo ii beum haenppa, ⌊danab ah mauhadppig amunu, ɗo laa daye,⌋ danab ah hipunin hena, ⌊mauhadppig⌋. Ɗo ii daatte haenppa, hipuninnu nob mak ele ii daatte.

Rom 5:20

Aria, Kayak Nug danab ɗo matte, danab ag hipunin tuɗidna, kuɗum heppig, amge hipunin okkai meeme, Kayaknu ehanittak okkai hamu mettak am okkainab meum

Duteronomi 21:8

Ag anam anana, ag tuɗidna akkulag. “O Yawe, laa qe mauhak iikku daatte amu, ⌊auntai heum ig ii doottem. Ig doolom amu, ig qepput mauhlo, amge ig ii doottem amunu,⌋ ig eheɗ haknu nob nau doɗ tiigppa iitta mekkunu hepput elele medakkunu, doɗ imu qemut. Ig nahipad danab ah, ig Israel, na ig ehanittak okkai nahip-ppa qagaiettakppanu eɗua uhuqak dayaknu heme ele amu, ig na ig hettem imu elele beum anidkkutnu oɗ medattem. Na ig danab ah nahipad, ig eheɗ heta, danab beɗuppa aab iitta duug omut ii amananu oɗ medattem,” aon akkulag. Ag anam hekkulag dayeb amu, eheɗ haknu nob nau doɗ tiigppa iitta meeb elele medakkunu hak am elele mekku.