Lewitikas 17:10 - Nobonob Baibel

¹⁰ Am laa amu, da geha Israel ted laa, o wan laihnu danab, ag uɗin, ag oolagppa daatteb, ag ted laatai, nug doɗ tiig le dayebeb lakku dayeb, o nug doɗ tiig ɠagattag eppom lakku dayeb amu, da geha heppi, danab amu nug Israel oolagppanu geɗittak daakku.

Lewitikas 17:10 ပူးပေါင်းရင်းမြစ်များ

Genesis 9:4

amge ag doɗ teppu tiig ele, bau am tiigppa daatte amu, ag amu lakkulagnu elele iitta.

Sam 34:16

Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

Jeremaia 21:10

Da heppi, kekeɗ ag aab okkai imu heppeg nauhkku. Da ag Juda, da ag ehanadppi, ena ii daamna. Da amu hekkulnu dabmak aoi ɠagattag eppom daatte amunu, da uuppi, aab imuam Babilon dilag king eppegppa daakku. Nug eppegppa dayebeb, nug maneb eokku,” ’ awa atte.

Jeremaia 44:11

Ahilag hak anam daatte amunu, Yawe Nukka Ɠagattag Oh Ele, Israel dilag Kayak, Nug inam atte. “Da heppi, uug naunab beeb, ag Juda ag uɗin Isip daaglagnu uɗippig amu, uug amu ag oh tonatteb, ag nauhkkulagnu da dabmak aoi ɠagattag eppom daatte.

Esekiel 14:8

Da danab amu, da nuhig hak amunu eheɗ doyeye, ool ii metten ⌊heppi nauheb⌋, nuhigppa beum am laa dilag antte oo maittaknu keeke dayebeb, laa ag nug am nau bekkunu at daatte dabmekkulag. Da heppi, nug Israel oolagppanu geɗittak daakku. Da anam heppi amu, ag laa ag dooglag, da am Yawe.

Esekiel 15:7

Da ahilag hak amunu eheɗ doyeye, ool ii madapa. Ag aab aɗuppa guittak aoppig daatteb, amge ag aab aɗu laappa padal mekkulag. Da ahilag hak amunu eheɗ doyeye, ool ii madappi, ag laa ag dooglag, da am Yawe.

Esekiel 33:25

Ag anam atteb amunu, na ag amelagppa, ‘Naɗi Yawe Nug inam atte,’ awona, na imu ele appe doyeg! ‘Ag doɗ teppu tiig ele latteb, ag kayak hambuppuak dottolkad binalag metteb, amu ag lailkad ele aqaeg mauhtteb amunu, ag wan imu ahilag daakkunu genab eɗun aon daaglagte? Iitta!

Esekiel 44:7

Ag kobol eheɗ kuɗum, da kobol amunu uuaknab doottem, ag amu henana, ag wan laihnu danab, ag oolag babaittak iitta, beɗulag gaɗa otaɗak iitta ele, ag danab amu omaladna, mettid lag dahilppa goppig. Ag omaladna wana, haen amuppa ag ele doɗ main, da meɗappig amunu, kobol amuppa ag heeg, da laul dubuttid tak ele dayom. Ag amu henan, ag dahil nug tituana nai qakkak ig hemut ele amu, ag nai amu tippalppig.

Lewitikas 17:11

Aɗinu? Keeke oh bau daatteb ele amu, ag tiigppa bau daatteb. Qaɗabppa amu, mana mettak danab nug heeb, ahilag eheɗ haknu nob nau tiigppa iitta meeb elele medakkunu hette amunu, da ag eheɗ haknu nob nau tiigppa iitta meeb elele medakkunu hekkulagnu tiig ag mattami.

Lewitikas 19:26

Teppu laa tiig ii gokkaɗa ukkak ele amu, ag aib lappig. Ag eman hak kobol, o onig awak, o emaɗ hak kobol aib heppig.

Lewitikas 26:17

Da ag dimadappi, ahilag kekeɗ ag eɗadkkulag. Geha laa ag Israel, ag ahilagnu nau ninig ele dootteb amu, ag ag gumadppeg, laa nug ag ii lamadkku, me ag qaiettan oolkkulag.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Amos 9:4

Israel danab dilag kekeɗ ag eɗadna lamadppeg, ag diia ukka laih me dayak danab ah wan laappa gona daaglagtai, amge appa da haknunab appi, kekeɗ ag qep elabppa aqappeg mauhkkulag. Da ag neekkatten dayeye, da ag eheɗ hadakkul. Da ena ii hadapa.” Yawe Nug anam awa atte.

Aposel 15:20

Iitta. Ig imuib uɗugppa yaat apput dooglag. ‘Ag doɗ, danab ag doɗ amu main kayak hambuppuak dottolkad madappig ele, ag doɗ amu teppu ii lamana. Ag gappai kobol ii hemana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag doɗ tiig amu ele ii lamana.’ Ig amuib apput dooglag.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Duteronomi 12:16

Ii lanaknu daatte amu tiig aakkuib. Ag tiig amu le bia gokkaɗppeg wanppa ukkaɗ!

Duteronomi 12:23

Amge bauklel am tiigppa daatte amunu, ag aib tiig lappig. Ag teppu tiig ele ii lakkulagoitte.

Duteronomi 15:23

Amge ag tiig amu aib lappig. Tiig am, ag le bia wanppa gokkaɗppeg ukkaɗ!

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

1 Samuel 14:32

Ag beɗulag gai-iitta me, enug eheɗ ele aqom amunu, ⌊deɗ amu male, ag Saulnu nai ɠagattag, nuhig haen am aakku iitta me,⌋ Israel daup ag dabmak pehettak iitta eleppa sipsip, makau okkai, makau nakok ele kekeɗ dilagppa diippig amu, ag amu diin aqana, mauhnoak wanppa tuqan, teppu tiig ele lappig.

1 Samuel 14:33

Ag anam heegeg, laa ag Saul amegppa appig. “Antte! Danab ag teppu umu tiig ele latteb amunu, amuppa ag Yawenu ɗo tippalna, hipunin hetteb,” aon appig. Ag anam aeg, Saul nug nai amu doya, nug aum. “Ag genab Kayak nai dim lamidkkulagnu aakku uuppig!” awa aum. Nug anam anana amu, nug nai tuɗitta aum. “Ag paha men okkai laa duttunppeg, itoɗia teebeb, duttunppeg itoɗia neebeb uɗiaɗ!” awa aum.