Lewitikas 16:5 - Nobonob Baibel

⁵ Israel danab ah ag ib etta hipunin haknu ofa hekkulagnu, ag meeme dawai aɗit aon uɗin, ag sipsip dawai laa manaknu ofa haknu aon dokkulagoitte. Ag diin uɗippeg, mana mettak danab nug aokku.

Lewitikas 16:5 ပူးပေါင်းရင်းမြစ်များ

2 Stori 29:21

Ag gona, ag makau dawai eblaih aɗit ele, sipsip dawai eblaih aɗit ele, sipsip gaiɗ eblaih aɗit ele, amu meeme dawai eblaih aɗit ele diin goppig. Doɗ amu oh am ib etta hipunin haknu ofa daappig. Hesekaia, danab okkai ele ag mana mettak danab ag doɗ amu manadna, Kayak medappeg, Juda okkai dilag hipunin uhuqak daaglagnu, Juda danab ah dilag hipunin uhuqak daaglagnu, Yawenu mettid lag ele nuhig neekkakppa oppiak daakkunu diin goppig. Ag diin gona, king nug mana mettak danab, ag Aron buɗub amu, nug ag qaɗabppa doɗ amu manadna, Yawe mettaglagnu ag amelagppa haknunab aum.

Esra 6:17

Ag Kayak laug qeapinna Kayaknu tituanna mettaglagnu amu, ag makau dawai 100, sipsip dawai 200, sipsip gaiɗ 400 manadna, Kayak mettan, ag meeme dawai 12 ele, ag anen anen am Israel dilag huu okkai anen anen dilagnu, ag Israel oh dilag ib etta hipunin haknu ofa daaglagnu ele manadna Kayak medappig.

Lewitikas 1:10

Am laa nug manaknu ofa hekkunu haaha, nug doɗ aɗppanu sipsipte, o meemete laa awa dotte amu, nug sipsip dawai laa, o meeme dawai laa, beɗuppa eheɗ laa iitta ele awa dokkuoitte.

Lewitikas 4:3

Laa amu hekku, nug mana mettak ikki danab daatte dayeb, nug Israel oh ag hipunin hekkulagnu elele daatteb bia hipunin hekku dayeb, nug Yawe toppa makau gaiɗ laa, ib etta hipunin haknu ofa daakkunu, beɗuppa eheɗ laa iitta ele amu awa, Yawe gumitta ukka, Nug medakuoitte.

Lewitikas 8:14

Moses nug amu ha mala, nug makau dawai, ib etta hipunin haknu ofa haknu awa, Yawe gumitta wana, Nug mette, Aron nug bekkod ele ag eppelag makau igippa meppig.

Lewitikas 8:2

“Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Lewitikas 9:2

Nug he, ag qagmeeg, Moses nug Aron amegppa aum. “Ib etta, hipunin haknu ofa nahipnu haknu, na makau gaiɗ laa, amu manaknu ofa nahipnu haknu, na sipsip dawai laa ele, doɗ aɗit amu oh aa beɗulahppa eheɗ laa iitta ele amu, na doɗ amu diiatna, Yawe gumidna wana, Nug mette!

Namba 29:11

Amu ahilag eheɗ haknu nob nau doɗ tiigppa iitta meeb elele medakkunu amu, ag ib etta hipunin haknu ofa henana, ag meeme dawai laippu ele manan, Yawe mettaglag. Am ag deɗ oh hanhan manaknu ofa, amunu ee aegnu ofa ele hetteb, amu ahilag eheɗ haknu nob nau tiigppa iitta meeb elele medakkunu, ag ib etta hipunin haknu ofa ele hetteb amu, ag amu, amu wain gokkaɗaknu ofa amunu ele hekkulag, amge ag mana mettak laala imu ele hekkulag,” awa aum.

Rom 8:3

Amu inam. Ig oonig alag nug he, ɗonu ɠagattag am gai-iitta dayom amunu, ɗo nug heeb, ig ena bekkunignu elele iittanab, amge keeke ɗo nug hekkunu elele iitta amu, keeke amu Kayak nukka heum. Kayak Nug nukka Nug Bekka me uɗia, danab beum. Nug beɗu am, ig hipunin danab, ig beɗunig bia tagittom, amge Nug am hipunin laa iitta. Amu Jesus Nug ib etta hipunin haknu ofa dayeb, amuppa Kayak Nug ihinig hipunin uhuqa megakkunu, Nug Jesus me uɗiom. Ib amuppa amu, Kayak Nug danab ah ag hipunin waappa ii daamnanu heum.