Lewitikas 16:4 - Nobonob Baibel

⁴ Anam hewowa amu, nug le layowa, nug linen lamen gaɗa aɗatte ele tatam mewowa, nug lamen nakok elab, dahilnu tituanak daatte amu, nug amu ele mekkuoitte. Amu hewowa, nug lamen nakok elab, imuagppa matagiɗ bia qakkaknu takkowa, nug igippan lamen mekkuoitte. Lamen amu oh am dahilnu tituanak daatteb. Nug le layowa, mekku.

Lewitikas 16:4 ပူးပေါင်းရင်းမြစ်များ

Eksodas 28:2

Amu danab ag Aron anidna, ag nug am dagom danab, binag ele dooglagnu, ag Aronnu mana mettak lamen amu koitna, Aron metteg! Lamen amuam Yawenu tituanak daaglag.

Eksodas 29:4

Amu dimppa na Aron bekkod ele omaladna gona, dahil mettid haknu peh lag danab ah appa qagmetteb ele, na ag lag amu odppa maadna heppe, ag le layeg!

Eksodas 30:20

Ag dahil mettid haknu peh lag danab ah appa qagmetteb ele, ag amu ooppa nokkulagnu henana, ag ii mauhmananu ag eppelag, baelag ele ihaglag. O iitta, haen ag Yawenu ɗo maɗoɗnu uɗat hekkulagnu mana mettak laa hekkulagnu qaɗab gumidna wana, Yawe mettaknu aab aɗunu ofa managlagnu henana, ag ii mauhmananu ag eppelag, baelag ele ihaglag. Anam amunu ag, amu buɗub buɗub doobob, ag buɗulkad nid danab ele amu, ag haen oh ɗo amu dim lamitteg!” awa aum.

Eksodas 40:12

Aria, dimppa na Aron nug bekkod ele omaladna, dahil mettid haknu peh lag danab ah appa qagmetteb ele, na ag lag amu odppa gona heppe, ag beɗulag leppa iheg!

Aisaia 53:2

Ee qaɗu yuɗ gai-iitta wanppanu bette, amubia Yawenu maɗi nid Nug noobppa ena meum. Ao, nug diɗi laa wan qaɗaiettakppa bette, amubia Yawenu maɗi nid nug Yawe noobppa ba, ena meum. Danab kuɗum ag danab laa, nug beɗu enanag, anttaknu ena ele amu, ag amu anidna, “Ihinig okkai aakku,” doon, ag nug dim lamidtteb, amge Yawenu maɗi nid, nug anambia iitta. Ao, danab kuɗum ag laa nug beɗu enanag, diig amunu ag, “Ig danab amu nug ihinig okkai daakkunu oonig daatte,” atteb, amge Yawenu maɗi nid nug amubia ii dayom. Iitta.

Esekiel 44:19

Aria, mana mettak danab dilag haɗap-ppa, appa dahil ɗo maɗoɗnu uɗat malona, ag eɗun Israel danab dilag haɗap-ppa, danab ah daatteppa gokkulagnu daanna amu, ag tatam linen lamen tagappig uɗadna, lamen laa takkaglag. Takkona, ag linen lamen lag oo Yawenu tituanak daatte ele amuppa meppeg dayebeb, ag dimittim gokkulag. Aɗinu ag anam hekkulag? Ag amu ii hekkulag dayeb, linen lamen tagatteb ele, amuam dahilnu tituanak daatteb, lamen amu ahilagppa dayebeb, ag danab ah gumadna goppeg, danab laa nug lamen aɗeb, ⌊am heeb, nug dahilnu tituana meɗak daakku, amunu⌋ anam daamnanu, mana mettak danab ag anam hekkulag.

Esekiel 9:2

Nug anam awa e, da neekki ukke, danab eblaih laippu ele ag Kayaknu mettid lag nuhig tomppan keeke oh elenu aɗnu od yawalti uɗitteppanu daatte, ag od amuppanu uɗiegeg anadmi. Ag anen anen oh daɗib eppelagppa aɗualadna uɗippig. Ag uɗiegeg, danab laippu laa ag ele oh uɗippig. Danab amu linen lamen takka uɗiaya, nai yaaknu keeke ele awa uɗiom. Ag oh anam uɗin, ag qaɗab brasppa hak gukkuidna uɗin, amu daugppa appa daappig.

Lewitikas 16:23

Aron nug anam hewowa amu, nug mettid haknu peh lag danab ah appa qagmetteb ele, nug lag amu ooppa ukka, nug Oo Gunnab Ele amuppa nokkunu ha, linen lamen takkom ele amu eɗua uɗa, meeb daakku.

Lewitikas 16:24

Nug aben Kayaknu tituanak daatte eleppa beɗu kunum oh le laakku. Hewowa, nug eɗua lamen nuhig laa takka, dimittim uɗia, nug manaknu ofa nuhig hewowa, nug manaknu ofa danab ah dilag hekku. Amuppa, Aron nug doɗ amu mana, Kayak medatta, eheɗ haknu nob nau nuhignu, danab ah dilagnu ele tiigppa iitta meeb elele medakkunu hekku.

Lewitikas 16:32

Am butti aɗi mana mettak danab laa nug mana mettak ikki danab daakkunu goɗen gokkaɗakppa tituanak awa, baɗ ele awa daakku amu, nug hipunin haknu nob nau tiigppa iitta meeb elele medakkunu kobolnu keeke oh hekku. Nug lamen linenppa hak, Kayaknu tituanak daatteb, nug lamen amu takka,

Lewitikas 6:10

Wagɗeb buttua mana mettak danab nug linen lamen gaɗappanu takka, nug amu qaɗeppan lamen linenppa hak ele takkowa, amu nug manaknu ofa hak, uhuɗ amu awa, qaɗab guguittak mekkuoitte.

Lewitikas 6:3

O nug laanu keeke laa qettoɗom anttowa, nug hambubukkutai, o nug gaɗappaib, keeke laanu Yawe noobppa amunu nai ɠagattag qetta akkutai, o nug hipunin laa qekkutai.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Pilipai 2:7

Iitta! Nug kobol amu uua, tatam dayom bia daakkunu doyaya ii ha, danab beɗu awa, danab ba, maɗi nid hamu bia dayom.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 2:14

Nid naunau amu ag anilkad mamelkad ag beɗulag bia beɗulag aon oitteb amunu, Jesus Nug Satannu ɠagattag, ɠagattag amuppa Satan nug he danab mauhtteb amu, Nug ɠagattag amu heeb iitta mekkunu, Nug danab ag wan imuppan oiyak ahilagppa haen oh mauhaknu baɗak doon, ag amuppa hippalak daappig ele amu, ag amunu uhuqak ele madakkunu, Nug ele danab beɗu awa, Nug mauhom.

Hibru 7:26

Mana mettak ikki danab anam nug ig ehanigkkunu daakkunu am enanag. Nug am oppiaawak, ooppa kaliak laa iitta. Nug oppiak ele, hipunin danab bia ele iitta. Nug onig attannab tak daatte.