Nug Yawenu mettid lag ooppa oo okkai amu makkula, gilil heum. Oo laa ooppanab amu, ag oo amunu, “Oo Gunnab Ele,” atteb. Nuhig elab am 9 mita. Aria, oo laa, amuam Yawenu mettid lag oo ooppanab iitta, amu onig am oo Gun Ele, oo amunu elab am 18 mita. Nug gilil oo aɗit gamagppa makkula heum, amuam ad sidanu plangppa heum. Nug gilil am he ta, hol diigppa batom.
Lewitikas 16:2 - Nobonob Baibel2 Yawe Nug Moses amegppa inam aum. “Na awan Aron amegppa, nau aomanu dabmettak nai imu appe, nug Oo Gunnab Ele, Oo amuam Oo Gun Ele, Oo Gunnab Ele makkulaknu lamen dimugppa daatte amu, nug oo amu ooppa, nug nukka dabmette haenppa oo amuppa aib noum. Aben amuam Tituanak Nainu Kunup ameg, ameg amuam eheɗ haknu nob nau tiigppa iitta me elele medatte ippunadtte amu, am aben amu. Lombig laa, Tituanak Nainu Kunup ameg, amuam eheɗ haknu nob nau tiigppa iitta me elele medatte ippunadtte amu, lombig amu ameg amu attan daatte, am da, da lombig amuppa daattem amunu, Aron nug dabmak nuhigppa mauhnoak, nug appa gokkunu da ii ami dayebeb, nug appa gokku amu, nug mauhkku,” awa aum. အခန်းကိုကြည့်ပါ။ |
Lewitikas 16:2
26 ပူးပေါင်းရင်းမြစ်များ
Laa amu, maɗ ohppa, haen laippu Aron nug, ⌊amu nug buɗub ele geha ag inam ele hekkulag amu,⌋ nug heeb, qaɗab amu dahil neekkakppa oppiaawak daakkunu, nug ib etta hipunin haknu ofa amu haaha, nug doɗ amunu tiig laih awa, qaɗabppa keeke makau qeqeɗi bia, amuppa maadkku. Ag buɗub buɗub doobob, maɗ ohppa amu, ag anam hekkulagoitte. Da, Yawe, da qaɗab amunu, dahilnu tituanaknab daatte anidttem,” awa aum.
Appa Yawe noobppa, nug kalu ile muttuɗig enanag bette ele amu ottag attan meeb, amu kalu danab ile muttuɗig enanag bette ele kahug amu ba, Tituanak Nainu Kunup kontrak inak ele ameg, ameg amuam eheɗ haknu nob nau tiigppa iitta me elele medatte ippunadtte, Kayaknu tituanak nai tonatte amu, am ameg amu hautkku. Nug nai imu dim lamidkku dayeb amu, nug ii mauhma.
Ɗo imu amu ag Israel danab ah, am ag ahilagnu, hanhannu daatte. Mana mettak danab nug maɗ anen anenppa, haen laippu, hipunin ag heppignu amu, nug hipunin amu haknu nob nau tiigppa iitta meeb elele medakkunu hekkuoitte,” awa aum. Am Moses nug Yawenu nai dim lamitta hekkununab aum amu, nug amu oh dim lamitta heum.
⌊Na Israel amelagppa nai imu appe doyeg!” awa aum. Nug anam a amu, Moses nug Israel amelagppa inam aum.⌋ “Kalam ebqak eblaih aɗit ele, kalam amunu deɗ eblaih tanig eleppa am Eheɗ haknu nob nau tiigppa iitta meeb elele medakkunu deɗ okkai. Deɗ amuppa ag Yawe noobppa qagmena, Nug noobppa dup nona binag mena, ag ee ohnu kud mena daan, ag doɗ aab aɗunu ofanu aon, Yawe gumidna wana Nug mettaglagoitte.
Ag aib daulag atiom. Ag mettid haknu peh lag danab ah appa qagmetteb ele, ag lag amunu haɗap-ppa deɗ eblaih aɗit, amun tuqan ele, Nug ag aɗi hekkulagnu aum henan daaglagoitte. Ag ii mauhmananu, ag keeke oh Yawe Nug ag amuppa hekkulagnu aum amu, ag amu hekkulagoitte. Yawe Nug ag anam hekkulagnu da amelppa akkulnunab aum amunu, ag anam hekkulag.
Anam heeg, Yawe Moses amegppa aum. “Na Aronnu dudqak hokkat amu eɗun, Tituanak Nainu Kunup kontrak inak ele noobppa me! Na appa meppe, at aakku dayebeb, da aɗi nai attemnu, danab, ag nai tappe nak danab amu, ag dahilnu naittuɗ ii memananu dabmekkulag. Ag at amu dabmena ag dahilnu naittuɗ ii hena, ag ii mauhmana,” awa aum.
Ag uɗat amu hekkulagnu tituanadmi, amge na, amu na begapad ele, ag aakkuib mana mettak uɗat qaɗabppanu, amu Oo Gun Eleppanu uɗat hekkulagnu daatteb. Da mana mettak uɗat haknu amu, da uɗat amu ahilag daakkunu hamu madattem. Aun laa nug onig amu iitta ele, nug dahil mettid haknu peh lag guguitta wakku amu, ag qeppeg mauhkkuoitte,” awa aum.
Maɗ ohppa wan imuppa mana mettak ikki danab nug doɗ tiilag awa, lag Oo Gunnab Ele, aben amuppa qaɗabppa tauɗtte. Tiig amuam, nug tiig iitta, am doɗ tiilag. Wan imuppan mana mettak ikki danab, ahilag uɗat am anam, amge Jesus Nug amubia ii heum. Iitta. Nug nukka Nug beɗu mana mettak bia Kayak mettom amu, Nug kobol amu he, haen kuɗum hekkunu ii daatte, laippuib heum.
ကြော်ငြာတွေ