Lewitikas 15:2 - Nobonob Baibel

² “Aa Israel danab ah amelagppa nai imu apeɗ doyeg!” awa aum. ⌊Nug anam a amu, aa Israel danab ah amelagppa inam apiɗ.⌋ “Haen laa ⌊nug oɗe laa ele, diig amunu⌋ nug beɗuppan leppu laa nette amu, leppu amuam Kayaknu neekkakppa dubuttid ele.

Lewitikas 15:2 ပူးပေါင်းရင်းမြစ်များ

2 Samuel 3:29

Joap nug hak nau amu heum amunu, nob am Yawe Nug nug, nug buɗub ele madakkunu ool daatte. Da Joap buɗub oolagppa hanhan laa nug ihi nau, ii qaɗaiedatte ele daakku, o iitta nug buɗub oolagppa hanhan laa nug gaɗa oɗe nau ele daakku, o iitta, nug buɗub oolagppa hanhan laa nug baeg nau ele daakku, o iitta nug buɗub oolagppa hanhan laa nug qep-ppa mauhkku, o iitta nug buɗub oolagppa laa nug ee iitta dayeb, enug qekkunu ool daatte,” awa aum.

Sam 78:5

Nug nuhig ɗo Jakop mettom. Ao, Nug nuhig ɗo Israel mattom. Nug ig mamenkad aɗi amelagppa haknunab ana, ag ɗo amu ahilkad nid naunau ippunadkkulagnu aum.

Lewitikas 15:1

Amu Yawe nug Moses, Aron ele amelahppa aum.

Lewitikas 15:3

Leppu amu nug haen oh nekkute, o iitta haen laib laib keldoak dayaya, ii nekkutai, amge amunu keeke laa he, ii baolitte. Iitta. Amuam he, danab amu nug aakku Kayak ele ouqa dayaknu elele iitta daatte. Amu nai imuam leppu nak amuam attem heeb, danab laa nug Kayak ele ouqa dayaknu elele iitta daakku, o keeke laa Kayaknu neekkakppa dubuttid ele daakkunu nai.

Lewitikas 22:4

⌊Amu Yawe Nug tuɗitta, Moses amegppa aum.⌋ “Am mana mettak danab Aron buɗub laa ag gaɗa oɗe nau ele, o ag beɗuppan leppu nau nette ele, amu he, ag Kayak ele ouqa dayaknu elele iitta, amu ag ofa Kayaknu tituanak daatteb ele, ag mana mettak amu ii lamana. Ag daappeg, mana mettak danab nug ag Kayak ele ouqa dayaknu elele ab doona, ag lakkulag. Am mana mettak danab laa nug aɗi keeke laa, keeke amuam mauhak gaɗa lauɗittomte, o keeke laa beɗu hipab leppu nak aɗom lauɗittomte, diig amunu keeke amuam Kayaknu neekkakppa dubuttid teum daatte ele, amu mana mettak danab amu nug keeke amu aɗakku dayeb, nug Kayak ele ouqa dayaknu elele iitta daakku.

Lewitikas 5:3

O iitta, aun nug danab o ah beɗulagnu leppu nau keeke, Kayak Nug amunu am keeke dubittid ele dootte amu, nug amu aɗeb, diig amunu, nug Kayak ele ouqak daakkunu elele iitta daakku. Nug aɗom am iitai dookku, amge ib amuppa nug Kayak ele ouqa dayaknu elele iitta daya, nug amu doya, nug aakku beɗuppa aab ele daakku.

Namba 5:2

“Na Israel haknunab nai madappe, ag aun laa nug gaɗa oɗe nau ele, o iitta beɗunu leppu nau laa nette, o iitta laa nug danab mauhe gaɗa aɗom, nug Kayak ele ouqa dayaknu elele iitta amu, ag gona, aben laih aab dimittim kalan daaglagnu maadppeg gokkulag.

Matyu 9:20

Amu ah laa appa dayom ele, tiig nak oɗe maɗ 12 nuhigppa dayom. Nug anam dayaya, nug ooppa, “Da lamen elab nuhig nakokib aɗakkul amu, da ena daakkul,” aum amunu, nug Jesus dimugppa gumitta wana, lamen daug lauɗittom.

Mak 5:25

Amu ah laa appa dayom ele nug tiig nak oɗe maɗ 12 nuhigppa dayom. Iitta ii mettom.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.

Rom 3:2

Yo, ag Juda daanna, gaɗa otaɗak aona, ehanittak digdig aoppig. Keeke anuqaknab amu inam. Kayak Nug nai nuhignab Juda ag atognona dim lamidkkulagnu mattom.