Lewitikas 15:12 - Nobonob Baibel

¹² Laa nug beɗuppan leppu nette ele nug wan hinai keeke lauɗidkku dayeb amu, laa nug wan hinai keeke amu ob aoɗkkuoitte. Ag wan hinai keekeppa anam hekkulag, amge keeke adppa hak, am tappiɗ, tappiɗ okkai okkai, huɗup, o keeke laa aɗakku dayeb amu, ag leppa mihaladkkulagoitte.

Lewitikas 15:12 ပူးပေါင်းရင်းမြစ်များ

Prowerb 1:21

Nug aab okkai ooppa, ib laalappa, aben danab ah kuɗum ag keeke meegeg, laa ag daden metteb ele, nug aben aguppa ukka, nai nuhig doyak dabmak ena ele ag dooglagnu baag okkaippa maditte. Ao, nug aab okkainu od oɗeppa dayaya, nai nuhig maditte.

Prowerb 1:23

Ag danab ah anam amu, ag da Doyak Dabmak Ena Ele, ag matu daug batak dahil imu dabmena dim lamidlob amu, da dahil doyak dabmak ena ele imu oh ag mattalom. Ao, da dahil dabmak appi, ag doolob.

Prowerb 3:21

O bekkal, na hanhan epeɗia ha dabmak ena awak, aria oo maittak awaknu ehah eleppa oinna, dabmena autna awe! Na keeke aɗit amunu aibnab daut atiom!

Lewitikas 15:11

Aun laa nug beɗuppan leppu nette ele, nug eppeg tatam ii mihowa, laa beɗu aɗatte dayeb amu, laa amu nug lamen nuhig mihalatowa, nug le ele laakkuoitte. Nug am Kayak ele ouqa dayaknu elele iitta dayeb ukkeb, tueb batakku.

Lewitikas 6:21

Ag plaua, olip goɗen ele kabolin autna aona, aen mahappa manona, ag panappeg naunau neeb, amu ee aegnu ofa daakkunu, ag aon, Yawe gumidna wana, Nug mettaglagoitte. Ag anam hekkulag amu, Yawe Nug mana mettak amunu muttuɗignu ooppa ena dookku.

Lewitikas 6:28

Am wan waate laa, doɗ teppu amuppa battiak dayeb amu, ag aoɗkkulagoitte. Am tappiɗ laa brasppa hak, amuppate battiak dayeb amu, ag leppa pehettan ihaglagoitte.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Pilipai 3:21

Geha Kristus Nug ɠagattag nuhigppa keeke oh Nug waappaib maatteb daaglag ele, ɠagattag amuppa Nug heeb, ig beɗunig mauhtte imu, am Nug beɗu enanagnab binag ele bianab bekku.