Lewitikas 14:6 - Nobonob Baibel

⁶ Nug qeeb, mana mettak danab nug ai laa, ad sida, muɗi kokoɗnab amu hisop eppeg ele aɗa, ai laa baag otaɗe, tiig noa, hinai le ele ooppa daatte amu, nug amu ooppa meeb noob, eɗua eeɗeb bekku.

Lewitikas 14:6 ပူးပေါင်းရင်းမြစ်များ

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Lewitikas 14:4

nug laa hekkununab ab, laa nug ai bau aɗit, lanaknu epeɗiak daattep diiata, ad sida maha laa, amu muɗi string kokoɗnab laa, ad hisop eppeg ele diia, mana mettak danab nug danab gaɗa oɗe nau ele amge iitta meum, nug Kayak ele ouqeya daaglahnu amuppa uɗat hekkunu, nug mana mettak danab gumitta uɗikku.

Lewitikas 14:5

Am mana mettak danab nug hinai laa le ele, le amuam le gotteppan itak ele amu, hinai amu dayebeb, danab laa nug ai laa awa, hinai am ai amu waappa dayebeb, amu danab amu nug ai hinai attan qaknunab ab, qekku.

Lewitikas 14:50

Am mana mettak danab nug hinai laa le ele, le amuam le gotteppan itak ele amu, hinai amu dayebeb, nug ai laa awa, hinai am ai amu waappa dayebeb, amu nug ai hinai attan qekku.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Jon 14:19

Nakok laa ele wan imuppan danab ah wannu kobol dim lamadtteb ele, ag da ii aniɗmana, amge ag dahilad daatteb amu, ag am da aniɗkkulag. Da haen amuppa bau daakkul amunu, ag ele bau daaglag.

Rom 4:25

Kayak Nug Jesus me uɗia, ihinig hipunin uhuqa megakkunu mauhom, amu ⌊ig Nug eɗua hibaittom anidta, nuhignu oonigppa genab doopput,⌋ Kayak Nug ⌊amuppa⌋ ihinignu, “Genab tutukku hak danab,” akkunu Nug he, Jesus eɗua hibaittom.

Rom 5:10

Aɗinu? Anukka ig Kayaknu kekeɗ daautut, Nug Bekka ihinignu mauha amu, mauhak nuhig amuppa Nug kekeɗ kobol he iitta me, gemu ig Kayak ele oonig laippu daattem. Kayak he, ig Nug ele oonig laippu daattem, Nug Bekka ele bau daatte, diig amunu genabnab genab Kayak Bekka ⌊Nug Kayaknu oppoɗi bak,⌋ Nug amuppanu eɗua awigkku.

Hibru 1:3

Aam lettod ye, amahlak amia ukke, danab ah anidtteb, amubia Kayak Bekka Nug Kayak binag amahlak oppiaawak ele he, danab ah anidtteb, amu Nug Mameg daatte, amubianab daatte. Nug keeke oh nuhig naippa ɠagattag aqadtte. Nug nuhig mauhakppa Nug danab dilag hipunin uhuqa mattaknu ib ooɗom. Nug ib amu ooɗowa, Nug eɗua hab aabppa ta, Nug Kayak, Nug dagom onig ɠagattag ele, Nug Nug eppeg naɗiap-ppa daatte.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.