Lewitikas 14:4 - Nobonob Baibel

⁴ nug laa hekkununab ab, laa nug ai bau aɗit, lanaknu epeɗiak daattep diiata, ad sida maha laa, amu muɗi string kokoɗnab laa, ad hisop eppeg ele diia, mana mettak danab nug danab gaɗa oɗe nau ele amge iitta meum, nug Kayak ele ouqeya daaglahnu amuppa uɗat hekkunu, nug mana mettak danab gumitta uɗikku.

Lewitikas 14:4 ပူးပေါင်းရင်းမြစ်များ

Sam 51:7

Na dahil hipunin oh uhuqna meɗan heppe, da oppiaawak daakkulnu oɗ medattem. Ao, na heppe, da oppiaawak bein, lamen hakkab bia daakkulnu unuqidttem.

Eksodas 12:22

Ag aqadna heppeg, tiilkad tappiɗppa nob, ag ad naunau onig hisop, amu eppeg nakok laa aon, tiigppa meppeg nob aona, od ukku aɗit daug laih laih, amu od ukku emaitak attan, amuppa ele tiig amu laaidkkulag! Ag laulkad anen anen ag oh anam hekkulag; amu keeke amu hewon, dimppa amu, laa nug lag daatteppa, nug aha, dimittim aib ukkom; lag ooppaib daappeg ukkeb, wagkkaɗkku.

Lewitikas 1:14

Am laa nug manaknu ofa hekkunu haaha, nug ai awa doa, Yawe mettaknu hekku dayeb amu, nug uppuɗil beɗulag nakok, o uppuɗil beɗulag okkai nag awa dokku oitte!

Lewitikas 12:8

Am ah laa nug sipsip laa awa dokkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit awa dokkuoitte. Laa amu manaknu ofa haknu, laa amu ib etta hipunin haknu ofa daakku. Ib amuppa, mana mettak danab nug doɗ amu mana, Yawe metta, nug heeb, ahnu eheɗ haknu nob nau doɗ amu tiigppa iitta meeb elele medakku, amu ah amu nug Yawenu neekkakppa oppiak daakku,” awa aum.

Lewitikas 14:5

Am mana mettak danab nug hinai laa le ele, le amuam le gotteppan itak ele amu, hinai amu dayebeb, danab laa nug ai laa awa, hinai am ai amu waappa dayebeb, amu danab amu nug ai hinai attan qaknunab ab, qekku.

Lewitikas 14:6

Nug qeeb, mana mettak danab nug ai laa, ad sida, muɗi kokoɗnab amu hisop eppeg ele aɗa, ai laa baag otaɗe, tiig noa, hinai le ele ooppa daatte amu, nug amu ooppa meeb noob, eɗua eeɗeb bekku.

Lewitikas 5:7

Danab nug sipsip laa awa wakkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit, nug amuppa hipunin heumnu mana mettak haknu awa, Yawe toppa wakkuoitte. Ai laa am ib etta hipunin haknu ofa dayeb, laa am manaknu ofa daakku.

Namba 19:18

Anam dayeb, danab laa nug da ele ouqa dayaknu elele daatte amu, nug uud onig hisop awa, le uhuɗ ele kaboliak amu, nug amuppa ma, nug peh tauɗ qedatta, amu nug keeke peh ooppa daatteb, danab appa daaegeg danab mauhom, amu ele tauɗ qadakku. Amu nug ele aun laa mauhak ebehi aɗom, o iitta qe mauhak gaɗa aɗom, o iitta hamu mauhak gaɗa aɗom, o iitta mauhaknu moɗ aɗom amu, nug nug ele tauɗ qedakku.

Namba 19:6

Ewebeb amu, mana mettak danab nug ad sida, uud laa onig hisop, amu muɗi kokoɗnab ele diia akkeb, makau balat qaɗeppa teeb, oh eoglag.

Hibru 9:19

Tatam amu Moses nug ɗo oh danab dooglagnu mehuqa malowa, dimppa nug makau nakkud tiilkad amu meeme tiilkad ele awa, le ele kabolia, nug sipsip uɗig kokoɗnab amu uud laa onig hisop gumuppa ita, amu amuppa nug tiig le ele nug tituana nai qakkaknu ɗo yaak buk itoɗiak qaɗeppa tauɗ qettowa amu danab oh ele tauɗ aqom.