Lewitikas 14:34 - Nobonob Baibel

³⁴ “Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Lewitikas 14:34 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 13:17

Aria, da na wan imu medakkul amunu, na ahan oinna, wan imu oh antte!” awa aum.

Genesis 17:8

Na gemu Kanan wan imu ooppa wan laihnu danab ina daattem, amu da na, na buɗunad ele, da ag wan imu madappi, ahilag wan hanhan daakku. Amu da ahilag Kayak daakkul,” awa aum.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Prowerb 3:33

Yawe Nug nau hak danab, nug baekkudppan ele, ag eheɗ laa awaknu anak waappa daaglagnu atte, amge Nug genab tutukku hak danab, nug baekkudppan ele, Nug ag itittak ena madatte.

Aisaia 45:7

Da hei, amahlak amahaltte; da hei, gatatu daatte. Da hei, danab ag maɗoɗ aon daatteb, amu da hei, danab ag uug naunab waappa daan oitteb. Da Yawe, da keeke imu oh hettem.

Lewitikas 14:33

Amu Yawe Nug Moses, Aron ele amelahppa aum.

Lewitikas 14:55

o gi lamenppatai, o lag ooppatai bette,

Lewitikas 20:24

Amge, wan ahilag, wan amuam enanag, wan ittag ele, amuppa ee meu huana otte amu, da wan amu madappi, ag aoglagnu nai ain qakkami, wan amuam ag aulag daakku. Da am Yawe, ahilag Kayak. Da aakku, ag danab laa oh oolagppanu ag danab ah laa daaglagnu tituanadmi.

Lewitikas 23:10

“Na Israel danab ah nai imu appe doyeg!” awa aum. ⌊Nug Moses amegppa anam a amu, Moses nug ag amelagppa inam aum.⌋ “Haen ag wan da ag madattem ele, ag amuppa tena daanna, ag ee aeg tatam oɗuttenu ehag laa akkan, mana mettak danab toppa wakkulag.

Lewitikas 25:2

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Wan, ag aulag daakkunu da madakkulnu hettem ele amu, ag wan amuppa nona, ag maɗ eblaih aɗit ele uuebeb, ag haen amu anen anen hanhan wan am sabatnu hik awak, anambia dayaknu mettaglagoitte. Sabat bia dayak, amuam Yawe binag awaknu.

Amos 3:6

Haen aab okkai laappan aɗi uɗitte anittak danab nug kekeɗ uɗitteb antta, nug trampet iwale amu, aab okkai amuppanu danab ag hamu doon, ii baɗattebte? Iitta! Ag baɗatteb. Ao, aab okkai laa, ⌊amuppan danab ah ag hipunin heeg,⌋ uug nau aab okkai amuppa bette amu, uug amuam Yawe eppegppanu iite uɗitte? Ge, nuhigppan uɗitte.

Amos 6:11

Amuam genab bekku. Aɗinu? Yawe Nug amu haknu ɗo meum, Nug ɗo meum amunu, kekeɗ ag lag okkai loppaɗadppeg, nauhna autna aon, maha naunauib daaglag. Ao, ag lag naunau ele heppeg, nauhna autna aon, huppu huppu naunaunabib daaglag.

Maika 6:9

Danab nug Yawenu ebehi oh bodoetta le mette ele amu, danab amu nug am doyak dabmak ena ele amunu, ag Juda danab ah ag daulag human, Yawenu nai doyeg! Nug atte. “Ag dahil bu mettaknu dabmenan oinna, da ag bu madattem ele amu, ag dahilnu ele dabmettan dayeg!

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.

Namba 32:22

ag Yawenu ehanittakppa wan Israel danab umu dilag oh eɗadna malona, ag eɗun uɗin, wan imuppa ena daaglagnu elele. Ag uɗat amu genab hekkulag dayeb amu, Yawe Nug ahilagnu, ‘Ag imu imu ele hekkulagnu daappig, amge ii heppig,’ ii dabmema. Israel laa oh ele am anamib. Anam dayeb, Yawe noobppa wan imuam ahilag aakku daakku.

Namba 32:32

Ig geha Yawe noobppa ban hekkunignu bannu keeke aɗualadta, ig le mataɗta, laih Kanan wakkunig, amge keeke aulag ig aognig ele, amuam Jodan le laih ippanu daakku,” aon appig.

Namba 35:10

“Na Israel danab ah amelagppa appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Haen ag Jodan le mataɗna Kanan wanppa nona amu,

Duteronomi 12:1

Yawe, ag mamelkad aɗi dilag Kayak, Nug wan ag madatte, ag wan amu aon, amuppa daanna, ɗo iɗu iɗu ag dim lamidkkulagnu daatteb am iikku. Ag wan amuppa daanna amu, ag dim lamittaknu ii uuglagoitte.

Duteronomi 19:1

Yawe, ahilag Kayak, Nug geha danab ah oh, wan Nug ag madatteppa daatteb amu heeb nauhkkulag. Nug ag ehanatta heeb, ag lamadna malona amu, ag danab amu dilag aab, laulkad ele diiglag.

Duteronomi 26:1

Haen ag wan, Yawe, ahilag Kayak, Nug ag aulag daakkunu madatteppa nona, aon daanna, amu dimppa,

Duteronomi 27:3

Ag anam hewona, ag ɗo imu oh amuppa yeeg! Yawe, ahilag Kayak, Nug wan madatte, wan amuam wan enanag, wan ittag ele, amuppa ee meu huana otte. Yawe, ag mamelkad aɗi dilag Kayak, Nug wan amu ag madakkunu nai anan qakkom bia ag madakku. Amunu ag le imu mataɗna, wan amuppa nowona, haen amuppa ag nai imu yeeg!

Duteronomi 32:49

“Na Nebo qauko te! Nebo qauko imuam iikku Abarim qauko ukkakppa, aab Jeriko am Jodan le laih ukkakppa, Moap wanppa ippa ina daatte. Na tena amu, neegppe, Kanan wanppa ukkaɗ. Wan amu da Israel danab, ag aulagnab daakkunu madakkulnu hettem.

Duteronomi 7:15

Geha Yawe Nug ag oɗe digdig aomnanu atognoadkku. Nug geha ag uuatteb, ag Isip uppa oɗe naunab anidppig bia ii aomna. Nug geha heeb, oɗe amuam laa, ag ahilagnu nau ninig ele dootteb amu, ag anidkkulag.

Josua 13:1

Haen Josua nug danab kaino meum amge nug ɠagattag ele amu, Yawe Nug amegppa aum, “Na danab kaino mettem, me Kanan wan kuɗum, Israel ag Kanan danab appa daatteb ele, ag ag eɗadna, wan amu ag eppelagppanu aoglagnu daatteb.

1 Samuel 2:6

Yawe Nug he, danab ag mauhtteb; Nug he, danab mauhppig ele amu, ag eɗun hippaidtteb. Ao, Nug he, danab ag moɗppa niitteb; Nug he, danab mauhppig ele amu ag hippaidna oitteb.