Lewitikas 14:3 - Nobonob Baibel

³ Am laa nug gaɗa oɗe nau ele, nug haen tutu dayaknu aab kalak dimittim, aben amuppa ukkeb amu, mana mettak danab nug appa ukka, pehetta itala anidkku. Am mana mettak danab nug danab amu, nug beɗuppa gaɗa oɗe nau amu iitta meum antta amu,

Lewitikas 14:3 ပူးပေါင်းရင်းမြစ်များ

2 King 5:14

Ag anam aeg, aakku Naman nug Jodan leppa ukka, nug noa, Jodan le haen eblaih aɗit ele layom; nug Elisa, Kayaknu danab, nug aum bia heum. Naman nug Jodan le laye amu, aria nug beɗuppa gaɗa oɗe nau ele, oɗe amu iitta me, nug beɗu gaɗa am bau, ena, nid nakok gaɗalag bia ena beum.

2 King 5:3

Nug anam dayaya, dimppa nid ahin amu nug nuhig okkai Naman wau amegppa aum. “Da oolppa amu, danab nahip nug propet Samaria daatte gumitta ukkeb, propet nug oɗe nuhig heeb, nug geha ena daakku doottem,” awa aum.

Job 5:18

Aɗinu? Kayak Nug danab bu mette, ihiud medatte, amge dimppa Nug ihiud amu itatte. Ge, Kayak Nug danab bu mette, ihiud medatte, amge Nug he, ihiud qaɗaiedatteb.

Eksodas 15:26

Nug ag amelagppa aum. “Ag da Yawe, ahilag Kayak, ag dahil nai oh tutukku ena doonna, dim lamidkkulag dayeb, ag dahil haknunab anak, ɗo dahil oh ele dabmenana, amu oh dim lamidkkulag dayeb, da oɗe nau digdig Isip danab ah matte, eheɗ nau hattami bia ii hepa. Aɗinu? Da dakka am Yawe, ahilag Kayak; daib aakku ahilag oɗe amu hei, ag eɗun ena daatteb,” awa aum.

Lewitikas 13:2

“Aun laa nug gaɗappa aeg bakte, o iitta aegeg bakte, iitta gaɗappa hekkaɗa bak elete, amuppa gaɗa oɗe nau bekkunu elele daatte dayeb amu, ag aon, mana mettak danab Aron, o iitta nug bekka aun laa nug mana mettak danab daatte, ag nug gumidna wakkulagoitte.

Lewitikas 13:46

Am gaɗa oɗe nau ele nug beɗuppa daatte, amunu haen oh nug anam daakku, haen amu oh nug Kayak ele ouqeya daaglahnu elele iitta amunu, nug aakku haen tutu dayaknu aab kalak amu dimittim daakkuoitte.

Lewitikas 14:48

Mana mettak danab nug deɗ eblaih aɗitppa nug gililppa aben gi qak anidkkunu ukka, anam anidkku dayeb amu, nug anam aakku hekkuoitte. Amge simen laittak dimppa, mana mettak danab nug eɗua ukka, lag amu gililppa gi qak amu ⌊baula ii beum,⌋ aben laih ⌊ele⌋ ii ukkom anidkku dayeb amu, nug lag amu aakku Kayaknu neekkakppa dubuttid iitta akku. Aɗinu? Gi, oɗe gaɗa nau bia, keeke laa aɗa he nauhtte ele amu, gi amu aakku iitta meum.

Matyu 10:8

Ag gona, oɗe danab bappaladnana, danab mauhppig maɗattanna, danab gaɗalag oɗe nau ele bappaladppeg, ena daappeg, amu ag ouɗi nau ele lamatteg! Keeke ag aoppig amu, ag daden mena ii aoppig, ag hamu aoppig amunu, ag hamu, daden iitta, ag matteg!

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Luk 4:27

Am laa ele, Kayaknu propet Elisanu haenppa, danab kuɗum ag gaɗa oɗe nau ele Israel oolagppa daappig, amge ag oolagppanu danab laippu laa nuhig oɗe amu iitta meumte? Iitta. Siria ted Naman nukkaib,” awa aum.

Luk 7:22

Amunu Jesus Nug ahilah nai amu eɗua nob ma amelahppa aum. “Aa goya, gemu aa aɗi anidpiɗ, aɗi daulahppa doopiɗ ele aakkude Jon amegppa apeɗ doyaɗ! Danab ag amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu, oɗe amu iitta mette, daulag ituak amu, ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.