Lewitikas 13:52 - Nobonob Baibel

⁵² Gi, gaɗa oɗe nau bia linen lamen eppegppa, o masinppa akkak, o sipsip uɗig lamen eppegppa, o masinppa akkak, o doɗ gaɗa hamu, o keeke amuppa hak, amu amuppa aakku daatte amunu, mana mettak danab nug maneb eokkuoitte. Keeke amu aab nug eweb, iitta ma auta aokkuoitte.

Lewitikas 13:52 ပူးပေါင်းရင်းမြစ်များ

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Lewitikas 11:33

Doɗ amunu laa nug mauha, wan waa ooppa na qa noob amu, keeke oh waa amu ooppan am Kayaknu neekkakppa dubuttid ele. Ag waa amu aoɗppeg, iitta mekkuoitte.

Lewitikas 11:35

Keeke atten laa doɗ amunu mauhom, gaɗa na qa qaɗep qette amu, keeke amuam Kayaknu neekkakppa dubuttid ele daakku. Waate, iitta ee manaknu keeke wanppa hakte amu, ag aoɗppeg, qatti qatti nekkuoitte. Keeke amuam Kayaknu neekkakppa dubuttid ele daatte, amu ag amunu anam doyeg!

Lewitikas 13:47

Lamennu amu, lamen laa eppegppa, o masinppa sipsip uɗigppa, o linenppa akkak, o doɗ gaɗa hamu, o aɗi keeke doɗ gaɗappa hak amu, amu oh oolagppan laappa kaala grin, o kaala kokoɗ laihppa bekku dayeb amu, amuam gi laa. Amu gi amuam gaɗa oɗe nau biatai amunu, laa nug mana mettak danab pehetta itala anidkkunu awa ukka, ippunidkkuoitte.

Lewitikas 13:51

Haen amu ukkeb, deɗ eblaih aɗitppa amu, mana mettak danab nug pehetta itala anidkkuoitte; amuam nug lamen hamu masinppa o eppegppa akkak, o lamen takkaknu amuppanu hak, o aɗi keeke doɗ gaɗappa hak, amuppa uug beum, nug amu italkku. Nug itala, nug keeke nauhak amu, am okkai mak anidkku dayeb, amuam gi, gaɗa oɗe nau bia lamen keeke, amuppa beum, amu Kayaknu neekkakppa dubuttid ele daatte.

Lewitikas 13:53

Amge deɗ eblaih aɗitppa amu, mana mettak danab nug lamen eppegppa akkak, o masinppa akkak, o doɗ gaɗappa nauhak daatte, amu nauhak amu pehetta itala, naɗi ii meum anidkku dayeb,