Lewitikas 13:4 - Nobonob Baibel

⁴ Amge gaɗappa otultul nak daatteppa, aben amuam hakkab daakku, me gaɗa oɗe metta tebuppa ii noak dayeb, uɗig aben amuppa daatteb am hakkab ii eppak dayeb amu, mana mettak danab nug danab gaɗappa oɗe anam ele amu, nug deɗ eblaih aɗit ele laih awaitta, nukka daakkunu amegppa akku.

Lewitikas 13:4 ပူးပေါင်းရင်းမြစ်များ

Esekiel 44:10

Haen Israel danab ag ib apiɗidna, uuiɗna matatun oiyegeg, Lewi buɗub laa ag ele uuiɗna, umanab gona, kayak hambuppuak noolagppa dup nona binalag meppig ele, Lewi buɗub amu ag hipunin heppignu bu aoglagnu daatteb amunu, ag bu amu aoglag. Ii qe-eɗidmana.

Lewitikas 13:11

amuam gaɗa oɗe nau ele aakku, amu mana mettak danab nug danab amu, nug Kayak ele ouqa dayaknu elele iitta akku. Amu mana mettak danab nug danab amu laih awaitta, nukka daakkunu amu eɗua ukka, gaɗappa ihi daatteppa pehetta itala anidkkunu amegppa ii ama. Aɗinu? Amuam miagib gaɗa oɗe nau ele aakku, amu danab amu nug Kayak ele ouqa dayaknu elele iitta amunu, nug eɗua dokkunu amegppa ii ama.

Lewitikas 13:25

mana mettak danab nug pehetta itala anidkkuoitte. Am beɗu uɗig otultul nak amuppa daatteb am hakkab ebappig, otultul nak amuam tebuppa noak daatte anidkku dayeb amu, amuam gaɗa oɗe nau ele, gaɗa mana ukkakppan beum. Mana mettak danab nug danab amu nug Kayak ele ouqa dayaknu elele iitta akku. Amuam gaɗa oɗe nau ele.

Lewitikas 13:26

Amge mana mettak danab nug otultul nak amuppa beɗu uɗig hakkab ii eppak daatteb, teppu ooppa ii noak, amemɗiag awak tatam dayom bia gemu ii daatte ele anidkku dayeb amu, mana mettak danab nug danab nug gaɗa mana ukkak ele amu, nug deɗ eblaih aɗit ele awaitta, laih nukka daakkunu amegppa akku.

Lewitikas 13:3

Anam heppeg, mana mettak danab nug danab amu gaɗappa aɗi uug daatte, nug aben amu pehetta itala anidkku. Amu uɗig, gaɗappa uug daatteppa am hakkab eppak daappeg, gaɗappan uug am tebuppa noak dayeb antta amu, amuam gaɗa oɗe nau ele. Amu mana mettak danab nug danab amu nug Kayak ele ouqa dayaknu elele iitta akku.

Lewitikas 13:31

Amge mana mettak danab nug gaɗappa nahig qak oɗe amu pehetta itala antta, nug gaɗa oɗe amuam tebuppa noak iitta, gaɗa oɗeppa uɗig hinqak laa ii anidkku dayeb amu, nug danab amu deɗ eblaih aɗit ele awaittak, laih nukka daakkunu amegppa akku.

Lewitikas 13:5

Amu deɗ eblaih aɗitppa mana mettak danab nug amu eɗua, pehetta itala, gaɗappa uug daatte am baoliak laa iitta, beɗu laih ele ii awom antta amu, mana mettak danab nug amegppa baula deɗ eblaih aɗit ele laih awaitta, nukka daakkunu akku.

Lewitikas 13:50

Mana mettak danab nug keeke amuppa nauhak daatte aben antta malak, dimppa nug keeke amu aben laih deɗ eblaih aɗit ele daakkunu mekku.

Lewitikas 14:38

nug lag amu deɗ eblaih aɗit ele anam od manak daakkunu od manowa gokku.

Namba 12:14

Anam unuqitte amu, Yawe, Moses amegppa aum. “Nug eheɗ heeb, mameg nug iɗuppa hunulo, amu nug deɗ eblaih aɗit ele da noolppa daakkunu elele iitta daalo. Na heppe, nug deɗ eblaih aɗit ele haen tutu dayaknu aab kalak dimittim dayeb ukkeb, dimppa nug eɗua uɗikku,” awa aum.

Namba 12:15

Yawe Nug anam haknu aum amunu, deɗ eblaih aɗit amu Miriam meeg ukka, haen tutu dayaknu aab kalak dimittim dayeye, danab ah ag ahan ii oippig ukke, Miriam eɗun aon uɗieg, ag ahan oippig.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Duteronomi 13:14

Anam beeb, ag amunu dooglag dayeb amu, ag hettoɗiak okkai, elelenab hekkulagoitte. Ag hettoɗiak anam henan, danab amu ag genab kobol amu, Kayak Nug kobol amunu ooppa uuaknab dootte ele, ag kobol amu ag oolagppa heppig anidkkulag dayeb,

1 Timoti 5:24

Am danab ah laala dilag hipunin amu miag atiak bena, epeɗiakppa tatam ukkaeg, danab ah dim gotteb, amge laa am ahilag hipunin lokkumak daaegeg, dimppa danab ah ag epeɗiakppa teeg, hipunin ag miag atitteb.