Lewitikas 12:8 - Nobonob Baibel

⁸ Am ah laa nug sipsip laa awa dokkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit awa dokkuoitte. Laa amu manaknu ofa haknu, laa amu ib etta hipunin haknu ofa daakku. Ib amuppa, mana mettak danab nug doɗ amu mana, Yawe metta, nug heeb, ahnu eheɗ haknu nob nau doɗ amu tiigppa iitta meeb elele medakku, amu ah amu nug Yawenu neekkakppa oppiak daakku,” awa aum.

Lewitikas 12:8 ပူးပေါင်းရင်းမြစ်များ

Lewitikas 1:14

Am laa nug manaknu ofa hekkunu haaha, nug ai awa doa, Yawe mettaknu hekku dayeb amu, nug uppuɗil beɗulag nakok, o uppuɗil beɗulag okkai nag awa dokku oitte!

Lewitikas 12:7

Amu mana mettak danab nug doɗ amu mana, Yawe metta, nug ahnu eheɗ haknu nob nau doɗ amu tiigppa iitta meeb elele medakkunu hekku. Anam heeb amu, ah amu nug nid menuom haenppa tiig ne, beɗu aɗom amu, nug amuppanu Kayaknu neekkakppa oppiak daakku. Nid danabte, nid ahte menuak dimppa nai imu dim lamitta haknu nai aakku.

Lewitikas 13:1

Amu Yawe Nug Moses, Aron ele amelahppa aum.

Lewitikas 14:21

Amge aun nug keeke iitta, diig amunu nug sipsip ewam diiatta dokkunu elele iitta amu, nug sipsip gaiɗ laippu, eheɗ haknu ofa haknu awa wakkuoitte. Am nug 1 kilogram plaua enanag olip goɗenppa kaboliak, ee aegnu ofa daakkunu, amu olip goɗen kap aɗit ele awa wakkuoitte. Aakku mana mettak danab nug eheɗ haknu ofanu sipsip nag dawai amu, aria ee aegnu ofanu ee aeg ele aɗa, nug huma epponitta mettaknu ofa hekku. Amuppa nug heeb, danab o ah amu nug Kayaknu neekkakppa oppiaawak daakku.

Lewitikas 14:22

Am danab o ah nug Kayak ele ouqa dayaknu hette ele, nug ele uppuɗil beɗulag nakok aɗit, o uppuɗil beɗulag okkai nag aɗit, nug attem aokkunu elele daatte amu, nug diiatta dokkuoitte. Laa amuam ib etta hipunin haknu ofa haknu dayebeb, amu laa am manaknu ofa haknu daakku.

Lewitikas 15:14

Am deɗ eblaih ewamppa amu, laa amu nug uppuɗil beɗulag nakok aɗit, o nug uppuɗil beɗulag okkai nag aɗit diia uɗikkuoitte. Nug diia uɗia, mettid haknu peh lag danab ah appa qagmetteb ele, nug lag amu odppa Yawe noobppa uɗia, nuhig mana mettak amu, mana mettak danab meɗakkuoitte.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Lewitikas 15:29

Am deɗ eblaih ewamppa, ah nug uppuɗil beɗulag nakok aɗit, o nug uppuɗil beɗulag okkai nag aɗit diiata, mana mettak danab toppa, mettid haknu peh lag danab ah appa qagmetteb ele, nug lag amu odppa wakkuoitte.

Lewitikas 4:26

Am nug qaɗabppa, Yawe ele laippu dayaknu ofa hetteb bianab ha, meeme ittag oh maneb eokkuoitte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 5:11

Laa nug uppuɗil beɗulag nakok aɗit, o uppuɗil beɗulag okkai nag aɗit awa, anam hekkunu elele iitta daakku dayeb amu, nug hipunin heumnu, nug 1 kilogram plaua enanag, ib etta hipunin haknu ofa haknu awa wakkuoitte. Amuam ib etta hipunin haknu ofa amunu, nug olip goɗen amuppa ii mekkuoitte, o kalu danab ile muttuɗig enanag bette ele amu daugppa ii mekkuoitte.

Lewitikas 5:7

Danab nug sipsip laa awa wakkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit, nug amuppa hipunin heumnu mana mettak haknu awa, Yawe toppa wakkuoitte. Ai laa am ib etta hipunin haknu ofa dayeb, laa am manaknu ofa daakku.

Matyu 21:12

Anam amu, Jesus Nug Kayaknu mettid lag nuhig tomppan keeke oh ele ooppa noa, Nug danab appa mana mettaknu keeke dadennu maadppig, laala daden meppig ele, Nug ag oh lamattom. Appan danab laala ag men doɗo baolippig ele amu, Nug ahilag balal huma awe, ukka na qe, am laala ag uppuɗil beɗulag nakok maatteg daden maadppig ele, Nug ahilag dayak aben ele huma awe, ukka na qeum.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.