Lewitikas 12:7 - Nobonob Baibel

⁷ Amu mana mettak danab nug doɗ amu mana, Yawe metta, nug ahnu eheɗ haknu nob nau doɗ amu tiigppa iitta meeb elele medakkunu hekku. Anam heeb amu, ah amu nug nid menuom haenppa tiig ne, beɗu aɗom amu, nug amuppanu Kayaknu neekkakppa oppiak daakku. Nid danabte, nid ahte menuak dimppa nai imu dim lamitta haknu nai aakku.

Lewitikas 12:7 ပူးပေါင်းရင်းမြစ်များ

Job 1:5

Amu nug bekkod ag anam heegeg ukke ukke, eblaih aɗit ele amu oh ag ag laulkad anen anenppa hobul hena malaeg, Job nug ag Kayak ele ouqa dayaknu elele daaglagnu ag beɗulag oolag ele bappaidkkulagnu nai ahilagppa me ukkom. Job anam he, deɗ amu uue, wagɗe buttua Job nug aha, ahilag anen anennu manaknu ofa hattom. Nug, “Nid dahilad ag Kayak uuidna, hipunin heppigtai,” ana dabmeum amunu, nug anam hettom. Job nug hanhan anamib hettom.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Lewitikas 1:4

Nug amu hewowa, nug eppeg doɗ makau dawai igippa meeb, Yawe Nug doɗ amunu, am danab amu ou daatte antta aokku. Yawe Nug antteb, haen mana mettak danab nug doɗ amuppa mana mettak hette amu, danab amunu eheɗ haknu nob nau doɗ amu tiigppa iitta meeb elele medakku.

Lewitikas 12:6

Nid danabte, iitta nid ahte menuak, nug amunu Kayaknu neekkakppa oppiak daakkunu haen dob, amu ah nug sipsip gaiɗ maɗ laippu awak ele, manaknu ofa hekkunu awa, amu uppuɗil beɗulag okkai nag, o iitta uppuɗil beɗulag nakok laa, nuhig ib etta hipunin haknu ofa daakkunu ele awa dokkuoitte. Nug nuhig mana mettak amu, mana mettak danab toppan mettid haknu peh lag danab ah appa qagmetteb ele, nug lag amu odppa awa wakkuoitte.

Lewitikas 12:8

Am ah laa nug sipsip laa awa dokkunu elele iitta dayeb amu, nug uppuɗil beɗulag nakok aɗit, o uppuɗil beɗulag okkai nag aɗit awa dokkuoitte. Laa amu manaknu ofa haknu, laa amu ib etta hipunin haknu ofa daakku. Ib amuppa, mana mettak danab nug doɗ amu mana, Yawe metta, nug heeb, ahnu eheɗ haknu nob nau doɗ amu tiigppa iitta meeb elele medakku, amu ah amu nug Yawenu neekkakppa oppiak daakku,” awa aum.

Lewitikas 15:15

Am mana mettak danab nug appa ai aɗit amuppa mana mettak hekku; laa amu ib etta hipunin haknu ofa, laa am manaknu ofa. Ib amuppa mana mettak danab nug doɗ amu mana, Kayak metta, nug Yawe noobppa heeb, leppu nak iitta meum, amunu dubuttid danab amuppa daatte Kayaknu neekkakppa iitta mekkunu hak am elele medakku.

Lewitikas 4:20

Nug ib etta hipunin haknu ofa, mana mettak ikki danab hipunin hewowa heum, amubia hekku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele medakku. Kayak Nug hipunin uhuqa madakku.

Lewitikas 4:26

Am nug qaɗabppa, Yawe ele laippu dayaknu ofa hetteb bianab ha, meeme ittag oh maneb eokkuoitte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 4:31

Am laa nug beɗuppa aab ele nug meeme ittag oh, ag laippu dayaknu ofa hetteb bianab doɗ beɗuppanu aokkuoitte. Nug anam heeb, mana mettak danab nug ittag qaɗabppa maneb eokku. Mana mettak amunu muttuɗignu, Yawe Nug ooppa ena dootte. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Lewitikas 4:35

Aun laa nug beɗuppa aab ele nug ag Yawe ele oolag laippu dayaknu ofanu sipsip-ppa, mana mettak hetteb bianab, nug sipsip amu ittag oh aokkuoitte. Anam heeb, mana mettak danab nug ittag qaɗabppa, Yawe mettaknu aab aɗunu ofa daatte ele, nug amu qaɗeppa maneb eokku. Mana mettak amuppa amu, mana mettak danab nug heeb, eheɗ haknu nob nau doɗ tiigppa iitta meeb elele metteb, Kayak Nug hipunin uhuqa medakku.

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

Rom 3:26

Nug ig gemu daattem, ig Kayak Nug am tutukkuib daatte doognignu Nug anam heum. Nug ig anam doognignu, Nug danab oh ag Jesusnu oolagppa genab dootteb ele, Nug tutukkuib ha, Nug ahilagnu, “Genab tutukku hak danab,” awa atte ele ippunigkkunu, Nug anam heum.

1 Korint 7:14

Amu ag doyeg! Danab nug Naɗinu ooppa genab ii dootte, amge ah nuhig nug ooppa genab dootte, gamu nug ahppa Kayaknu tituanak daatte. Aria, amubia ah nug ooppa genab ii dootte, amge nug gamu nug ooppa genab dootte, wau nug danabppa Kayaknu tituanak daatte. Anam iitta amu, haen aa nid menuadkkulah, ag am Kayak ele ouqa dayaknu elele iitta, amge anam iitta. Nid amu ag Kayaknu tituanak daatteb.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.