Lewitikas 12:3 - Nobonob Baibel

³ Deɗ eblaih ewamppa amu, nid nug gaɗa otaɗak daakkuoitte.

Lewitikas 12:3 ပူးပေါင်းရင်းမြစ်များ

Eksodas 22:30

Ag makau dawai, amu sipsip dawai tatamnu ele anamib meɗeg! Makau nag dawai, o sipsip nag dawai nug anig ele deɗ eblaih aɗit ele daapeɗ, aria deɗ eblaih ewamppa amu, ag aon qena, main meɗeg!

Lewitikas 12:4

Amu hak malak dimppa, ah nug deɗ 33 baula ameg mak daakku. Amuam nug nid awom haenppa tiig ne beɗu aɗom amu, nug amuppanu Kayaknu neekkakppa oppiak daakkunu daatte. Nug Kayaknu neekkakppa oppiak daakkunu daatte, haen amuppa amu nug keeke laa Kayaknu tituanak daatte iinab lauɗidkkuoitte. Nug dahil mettid haknu peh lag ooppa ele ii nokkuoitte. Nug keeke aɗit amu ii heeb ukkeb, nug eɗua Kayaknu neekkakppa oppiak daya amu, nug eɗua hekku.

Lewitikas 15:3

Leppu amu nug haen oh nekkute, o iitta haen laib laib keldoak dayaya, ii nekkutai, amge amunu keeke laa he, ii baolitte. Iitta. Amuam he, danab amu nug aakku Kayak ele ouqa dayaknu elele iitta daatte. Amu nai imuam leppu nak amuam attem heeb, danab laa nug Kayak ele ouqa dayaknu elele iitta daakku, o keeke laa Kayaknu neekkakppa dubuttid ele daakkunu nai.

Luk 1:59

Amu deɗ eblaih ewamppa ag nid gaɗa otaɗkkulagnu gona, ag nid amu nug mameg onig Sekaraia oela qettaglagnu appig,

Luk 2:21

Dimppa, deɗ eblaih ewamppa, amuam nid nakok gaɗa otaɗaknu deɗ amu, anig mameg ele aa Nug onig Jesus ataɗpiɗ. Nug anig ooppa ii dayeye, engel nug onig amu akkulagnu aum.

Aposel 15:1

Pol, Barnabas ele aa Antiok appa Kristen tamaniak ele daaegeg amu, danab laala ag Juda wanppanu uɗina, Kristen amelagppa appig. “Laa nug Jesusnu ooppa genab dootte amu, nug gaɗa ele otaɗak awaɗ! Laa ag Mosesnu ɗo amu ii dim lamidna, gaɗa otaɗak ii aoglag amu, aria geha Kayak Nug ag eɗua ii diiadma,” aon ippunadna appig.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Galesia 3:17

Nai dahil imu, nuhig diig amu inam. Kayak Nug tatam nug tituana nai qakkakppa Abraham amegppa keeke laa heeb bekkunu nai qakka aum. Dimppa maɗ 430 ukke amu, aria ɗo beum. Ɗo amu dim beum. Ɗo amuam Kayaknu nug tituana nai qakkak amu qeeb nekkunu elele iitta. Nai qakka aum ele amu, ɗo nug amu loppaɗkkunu ele elele iitta.

Galesia 5:3

Danab oh ag gaɗa otaɗak aotteb amu, da iikku miag amelagppa attem. Ag kobol amu hetteb amu, ag ɗo oh dim lamidkkulagnab aakkuib am elele.

Duteronomi 30:6

Ag Yawe, ahilag Kayak, Nug ag meulag ohppa, oolag ohppa ele nuhignu oo mauhak doona, ag bau daaglagnu, Yawe Nug heeb, ag, ag buɗulkad ele ag oolag oppiaawak ele daaglag.

Pilipai 3:5

Aɗinu? Da anai ooppanu doi, deɗ eblaih aɗit ukke, deɗ eblaih ewamppa ag da gaɗal otaɗppig. Da am Israel danab, Israel dilag huu okkai Benyaminnu; da am Hibru danabnab daattem. Da am ɗo gumak danab-Parasia, da Juda dilag ɗo tutukkuib dim lamidmi ele.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.