Lewitikas 12:2 - Nobonob Baibel

² “Na Israel danab ah amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ah laa nug oo ele daya, nug nid danab menutte amu, nug deɗ eblaih aɗit, nug kalam oɗe antta, Kayak ele ouqa dayaknu elele iitta daatte, amubia nid awak dimppa ele nug deɗ eblaih aɗit ele Kayak ele ouqa dayaknu elele iitta daakku.

Lewitikas 12:2 ပူးပေါင်းရင်းမြစ်များ

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 3:16

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

2 Samuel 11:4

Nug anam a, Dawit doyowa, nug nuhig ehanittak laala ag gona, ah amu omalna uɗilagnu he goppig. Nug he ukkaeg, ah ele oh uɗieg, Dawit nug ah amu ele niipiɗ. Ah amu nug ii uɗiom haenppa kalam qak nuhig male, nug Kayak ele ouqeya daaglahnu elele iitta daamanu, nug ahilag ɗo bia nug Kayak ele ouqa dayaknu elele daaglahnu babaittak oh ha malom. Dawit nug ah amu ele niioya, ah amu nug aha, eɗua nug laugppa ukkom.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Sam 51:5

Antte! Anai menuiɗom, haen amuppa da hipunin danab daami. Ge, anai ooppa nid bekkulnu meul oum, haen amuppa da hipunin danab daami.

Lewitikas 12:1

Amu Yawe Moses amegppa aum.

Lewitikas 12:5

Am ah laa nug nid ah menutte amu, nug deɗ eblaih aɗit ele, nug kalam oɗe antta, Kayak ele ouqa dayaknu elele iitta daatte, amubia nid awak dimppa nug mettid aɗit Kayak ele ouqa dayaknu elele iitta daakku. Amu dimppa nug deɗ 66 laa ameg mak daakku. Amuam nug nid awom haenppa tiig na beɗu aɗom amu, nug amuppanu Kayaknu neekkakppa oppiak daakkunu daatte.

Lewitikas 15:19

Am haen ah nug kalam qette, nug geha Kayak ele ouqa dayaknu elele iitta, deɗ eblaih aɗit anam daakku. Aun laa nug haen amuppa beɗu lauɗidtte amu, nug Kayak ele ouqa dayaknu elele iitta dayeb ukkeb, tueb batakku.

Lewitikas 18:19

Na aib ah laa kalam qeeqe, Kayak ele ouqa dayaknu elele iitta daatte amu, nug ele beɗuppa wanak hepiɗ.

Lewitikas 5:3

O iitta, aun nug danab o ah beɗulagnu leppu nau keeke, Kayak Nug amunu am keeke dubittid ele dootte amu, nug amu aɗeb, diig amunu, nug Kayak ele ouqak daakkunu elele iitta daakku. Nug aɗom am iitai dookku, amge ib amuppa nug Kayak ele ouqa dayaknu elele iitta daya, nug amu doya, nug aakku beɗuppa aab ele daakku.

Luk 2:22

Aria ah nid awak dimppa beɗu babaittak daakkunu, Josep, Maria ele aa ahilah mana mettak amu haknu haen Moses ɗoppa yom bia be, aa nid Naɗi eppegppa mekkulahnu Jerusalem tepiɗ.