Lewitikas 11:8 - Nobonob Baibel

⁸ Ag doɗ amu teppulkad ii lamana; o iitta mauhppig, ag beɗulag ele ii lauɗadmana. Doɗ amuam ahilagnu ag ii lanaknu epeɗiak daatteb.

Lewitikas 11:8 ပူးပေါင်းရင်းမြစ်များ

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Hosea 9:3

Ag geha Yawenu wanppa ii daamna. Geha Israel danab ah ag Isip eɗun gokkulag. Ao, ag geha Asiria gona, appa ag ee ii lanaknu epeɗiak daatte lakkulag.

Lewitikas 11:7

Bo amu ag eppelkad baelkad di gamagppa obatak ele, amge ag ee lawona, eɗua kele be, eɗua lanak kobolppa ii latteb amunu, ag lakkulagnu elele iitta.

Lewitikas 11:9

Aria, doɗ ag leppa daanna oitteb ele, amu dilagnu amu, doɗ amu ag gonelkad, guhilkad ele, ag yuppate o iitta leppate daatteb amu, ag amu oh lakkulagnu elele.

Lewitikas 5:2

O iitta, aun laa nug aɗi keeke Kayaknu neekkakppa dubuttid ele daatte, amuam doɗ dakkuɗ laa ii lanaknu epeɗiak daatte gaɗate, o doɗ manan laa, ii lanaknu epeɗiak daatte gaɗate, o doɗ laa ag oolag wan qeeqe oitteb, ag ii lanaknu epeɗiak daatteb gaɗate amu, nug amu laa aɗakku dayeb, nug aakku Kayak ele ouqa dayaknu elele iitta daakku. Nug aɗom iitai dookku, amge ib amuppa nug Kayak ele ouqa dayaknu elele iitta daya, beɗuppa aab ele daakku. Amu nug doɗ dakkuɗ laa anamtai, o doɗ manan laa anamtai, o doɗ naunau wanppa oitteb laa anamtai aɗakku amu, doɗ anam amu oh ag heppeg, nug Kayak ele ouqa dayaknu elele iitta.

Matyu 15:11

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette amuam he, danab oo am dubuttid ele daatte,” awa aum.

Matyu 15:20

keeke amu oh amu ag heeg, danab nug oo dubuttid ele daatte, amge danab laa nug eppeg ii ihowa ee latte amu, nug oo dubuttid ele ii daatte,” awa aum.

Mak 7:15

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette, amuam he, danab oo am dubuttid ele daatte.

Mak 7:18

Oɗ mettaeg amu Jesus Nug aum. “Ag am danab laala ag dabmak iitta biate amunu, ag nai amunu diig ii dootteb? Ag doyeg! Dimittimnu keeke nug danab ooppa noa heeb, danab amu nug oo dubuttid ele ii daama.

Mak 7:2

Jesusnu ippunittak awak danab laala, ag Juda dilag ɗo amuppanab eppelag ii ihappig, ag eppelag hamu ihona, ee lanan daaegeg anadppig.

Aposel 10:28

Pita nug kuɗum daaegeg anatta, nug amelagppa aum. “Ig Juda amu ihinig ɗo ɠagattag laa am Juda danab laa nug iitta aɗi laa ele oh ouqak laippu ii daamya, o Juda laa amu nug iitta aɗi laa ele gumitta ii wama, amge Kayak Nug da ippuniɗom, da danab laanu inam laa ii apa. ‘Da am Juda danab amunu Kayak amegppa da iitta aɗi amu da nug eɗidttem!’ Da anam awe ii apa.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Rom 14:21

Amu kobol elele haknu am inam. Na doɗ teppu lappe, na layap nug na anitta na qekku dayeb, na aib doɗ teppu lame. Amu wainnu ele anam dayeb amu, na aib lame, o keeke laa ele anam dayeb amu na aib heme.

1 Korint 8:8

Amge ee nug ig omaikkeb, Kayak toppa ii gomata. Ig ee laa ii lakkunig dayeb amu, ig anen anen, “Da ee amu ii lattem amunu, da Kayak noobppa elele iitta daattem,” ii amata. O ig ee laa lakkunig dayeb amu, ig anen anen, “Da ee amu lattem amunu, da Kayak noobppa enanag daattem,” amu ele akkunignu elele iitta.

2 Korint 6:17

Nug anam aum, amu Nug baula ele aum. “Anam amunu, ag ahan hipunin danab uuadna, ag gona, aben laih piɗe daaglag. Ag keeke Kayaknu neekkakppa dubuttid ele aib aɗappig. Am ag anam heppeg, geha da dakka ag diiatten,

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Epesus 5:7

amunu amu, ag danab amunu ele ouqena aib oippig.

Kolosi 2:16

Kayak Nug anam heum amunu, ag uuppeg, danab laa nug nuhig dabmakppanu ee lanaknu, le lanaknu amu deɗ okkai mettidnu, kalam baunu mettidnu amu Sabatnu ele ɗo laala, ag dim lamidkkulagnu ii mema.

Hibru 9:10

Keeke amu oh am ee lanak keeke, le lanak keeke, amu le laaittak kobol digdig ele. Ɗo amu oh am danab beɗulagnuib. Kayak Nug ɗo amu oh danab ag dim lamidppeg ukkeb, dimppa Nug ib bau ooɗaknu haen uɗieb batak daaglagnu he daappig.