Lewitikas 11:47 - Nobonob Baibel

⁴⁷ Anam aakku amunu, ag doɗ aɗi am ii lanaknu epeɗiak daatteb, amu doɗ aɗi am lanaknu epeɗiak daatteb amu, ag amu epeɗin anidna, ag doɗ Kayaknu neekkakppa lanaknu epeɗiak daatteb aakkuib lakkulag.” Moses nug anam aum.

Lewitikas 11:47 ပူးပေါင်းရင်းမြစ်များ

Genesis 7:2

Na doɗ iɗu iɗu oh mana mettaknu elele amu, anig eblaih aɗit ele, dawai eblaih aɗit ele diiadna, uub ooppa maatte! Doɗ iɗu iɗu oh mana mettaknu elele iitta amu, anig laippu, dawai laippu ele diiadna maatte!

Esekiel 22:26

Okkai danab ag anam heeg, mana mettak danab ag ɗo dabmena, ii dim lamidtteb. Ag amu hena, ag keeke dahilnu tituanak daatteb heeg, dahil neekkakppa dahil keeke amu ag dubuttid tak daatteb. Ag keeke dahilnu tituanak daatteb, ag keeke amu, keeke dahilnu tituanak ii daatteb ele amu, ag keeke aɗit amunu keeke laippu bia dootteb. Keeke laala, amuam keeke dahil neekkakppa dubuttid ele daatteb, amu keeke laala dahil neekkakppa dubuttid iitta ele daatteb amu, ag keeke amunu laippu bia doon, ag amunu danab ah ippunadtteb. Ag dahil Sabat, da Sabat dahilnu ag ɗo mattami amu, ag doonna, ɗo amu ii dim lamidna, dahil Sabatnu am hamu dootteb amunu, aabppan danab ah ag dahilnu hamu dootteb, ag da ii dim lamiɗtteb.

Esekiel 44:23

Mana mettak danab ag danab ah keeke dahilnu tituanak daatte, keeke hamu daatte ele, ag keeke aɗit amu danab ah ippunadna, ag danab ah ag aɗi keeke am dubuttid iitta, aɗi keeke am dubuttid ele ippunadppeppeg doyeg!

Daniel 1:8

Amu king nug nid danab amu dilag ee, wain ele ag mattaglagnu aum, amge ⌊ee, le ele amuam Kayak Nug ag Israel ag ee, le ele aɗi aɗi lakkulagnu ɗo ag mattom, amu ee le ele amuam ɗo atte bia iitta⌋ amunu, Daniel nug kingnu ee, wain ele amu lanana heeb, Kayaknu neekkakppa ooppa dubuttid tak ele daamanu dabmak awa aɗe, dabmak amuam ɠagattag eppa dayom. Daniel nuhig dabmak anam daye, nug ee, wain ele amu lab, nug Kayaknu neekkakppa dubuttid tak ele daamanu, nug kingnu ikki danab dilag okkai am ee amu, wain amu ele ii lamanu oɗ mettom.

Lewitikas 10:10

Ag keeke Kayaknu tituanak daatte, amu deɗ ohppan keeke hamunu ele anidna epeɗina dooglagoitte. Amuam, ag aɗi keeke am Kayaknu neekkakppa dubuttid ele, amu aɗi keeke Kayaknu neekkakppa am dubuttid iitta ele amu, ag amu anidna, epeɗina dooglagoitte.

Lewitikas 11:46

Imuam ɗo, amu ɗo amunu ulum nai ele wanppan doɗ, ai keeke, amu doɗ ag leppa bauklel daanna oitteb ele oh dilag nai aakku mattak.

Lewitikas 12:1

Amu Yawe Moses amegppa aum.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.