Lewitikas 11:44 - Nobonob Baibel

⁴⁴ Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Lewitikas 11:44 ပူးပေါင်းရင်းမြစ်များ

Sam 99:5

Yawe Nug oppiaawak daatte ⌊amunu,⌋ ag Yawe, ihinig Kayak, ag Nug humitteg! Ag Nug baeg gukkuidna gona, ag Nug noobppa dup nona Nug binag meig!

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Eksodas 16:12

“Da Israel dilag naittuɗ mak doyen malami amunu, na ag amelagppa inam a! ‘Tuebnab ag geha teppu lakkulag; aria, buttua amu, geha ag bret lappeg, ag oolag didikku. Ag ee amu lanana, geha ag da am Yawe, ahilag Kayak, ag amu dooglag,’ ” awa aum.

Eksodas 19:10

Mattia male, Yawe Nug Moses amegppa inam aum. “Na gona heppe, gemu butti ele danab ah imu ag hena, ag dahilnu tituana mettak dayeg! Amu na appe, ag lamen ahilag ihadna,

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 22:30

Ag makau dawai, amu sipsip dawai tatamnu ele anamib meɗeg! Makau nag dawai, o sipsip nag dawai nug anig ele deɗ eblaih aɗit ele daapeɗ, aria deɗ eblaih ewamppa amu, ag aon qena, main meɗeg!

Eksodas 22:31

Ag danab ah dahilad ag, ag dahilnu, oppiaawak ele daaglagnu daatteb. Ag huu laa bia iitta amunu, ag doɗ laa, doɗ dakkuɗ laa aha qe mauhom, ag doɗ amu aib lappig. Ag aon, qai madappeg laig!

Eksodas 23:25

Ag daib, da am Yawe, ahilag Kayak, ag daib da noolppa dup nona binal mekkulag dayeb amu, da ag ena itatte, ag ee madakkul, le ele madakkul, amu da ahilag oɗe ele heppi, iitta mekku.

Eksodas 6:7

Da geha heppi, ag am dahilad danab ah daappeg, da ahilag Kayak daakkul. Haen amuppa amu, ag da am Yawe, da ag Isip appa maɗi nid maɗi ah ele daappig, da amuppanu uhuqatti, ag hamu, ena daatteb dooglag.

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Aisaia 51:15

Da am Yawe, da am ahilag Kayak. Da hei, yu eheɗnab koɗkoɗ qette,” awa atte. ⌊Laa anam maditte amu,⌋ Nug onig am Yawe Nukka Ɠagattag Oh Ele.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Lewitikas 11:43

Ag lauɗadna, Kayaknu neekkakppa dubuttid tak ele daaglagnu aib heppig. Ag lauɗadkkulag amu, ag Kayak ele ouqa dayaknu elele iitta daaglag. Ag aib anam heppig.

Lewitikas 18:2

“Na Israel danab ah da aɗi attem imu appe doyeg!” awa aum. ⌊Nug anam a amu, Moses nug Yawe oɗe awa, ag amelagppa inam aum.⌋ “Da am Yawe, ahilag Kayak.

Lewitikas 19:10

Amu grep meu awaknu ele aakku, grep muɗi eppegppanu ag baelag aɗu eɗun aib tuqappig, grep wanppa nena qeppig ele amu, ag aib aoppig. Grep meu, ee aeg amu ele uuppeg, daɗek dilag, wan laihnu danab ele, ahilagnu dayaɗ! Da am Yawe, ahilag Kayak.

Lewitikas 19:2

“Na Israel danab ah oh amelagppa nai imu appe doyeg!” awa aum. ⌊Nug anam a amu, Moses nug Yawe oɗe awa, Israel danab ah amelagppa inam aum.⌋ “Da Yawe, ahilag Kayak, da oppiaawak daattem amunu, ag ele oppiaawak dayeg!

Lewitikas 19:3

Ag anen anen anilkad mamelkad dilagnu ena elele dooglagoitte. Amu dahil sabatnu ɗo da ag mattami amu, ag haen oh dabmettan, amu waappa daaglagoitte. Da am Yawe, ahilag Kayak.

Lewitikas 19:4

Ag aib kayak hambuppuaknu oolagppa genab dooppig. Ele amu, ag aib kayak hambuppuak dottolag aenppa, keeke hattana, noolagppa dup nona binalag meppig. Da am Yawe, ahilag Kayak.

Lewitikas 20:26

Da, Yawe, da oppiaawak daattem amunu, ag dahilnu oppiaawak ele daaglagoitte. Da ag danab ah diilag laa ele daan, dahiladnab daaglagnu, danab ah laa oh oolagppanu tituanadmi.

Lewitikas 20:7

Da am Yawe, ahilag Kayak amunu, ag dahilnu tituana meɗak daaglagnu hena daan, ag dahilnu, oppiaawak dayeg!

Lewitikas 21:8

Ag laa amu, ag mana mettak danab ag ahilag doɗ manan Kayak medatteb amunu, ag ahilagnu, ag am Kayaknu oppiaawak ele daatteb doyeg! ⌊Yawe Nug amunu inam aum.⌋ ‘Ag mana mettak danab dilagnu, “Ag Kayaknu oppiaawak ele daatteb,” dabmenana oiglagoitte! Aɗinu? Da, Yawe, da oppiaawak dayeye, da hei, ag dahilad danab ah, ag dahilnu, oppiaawak daatteb.’

Amos 3:3

Danab aɗit laa aa oolah laippu iitta ele, aa oh laippu oiglahnu elelete? Iitta!

Namba 15:40

Ag muɗi hatti naunau amu lamen ahilkadppa koitattona amu, ag geha nuhig ɗo oh dabmena dim lamidnana, ag Kayaknu tituana mettak daaglag,” awa aum.

Matyu 5:48

Anam amunu, ag Mamelag, hab aabppa daatte amu, Nug qa oppiaawak daatte, amubia ag qa oppiaawak dayeg!

Duteronomi 14:2

Aɗinu? Ag Israel, ag am danab ah, Yawe, ahilag Kayak, Nug ahilagnu, nuhignu tituanak daatteb anadtte. Wanppan danab ah oh oolagppa, Yawe, ahilag Kayak, Nug ag danab ah nuhignab daaglagnu tituanattom. Ag am keeke enanagnab laa bia nuhignu daatteb.

1 Tesalonaika 4:7

Aɗinu? Kayak Nug ig dubuttid ele oignignu ig oninigppa ii eum. Iitta. Dubuttid iitta, oppiaawak oignignu eum.

Josua 24:19

Ag anam appig amu, Josua nug danab ah amelagppa aum. “Yawe Nug am oppiaawak daatte, Nug ahilagnu dahil doya laa aomanu doyak aɗa daatte amunu, ag Yawe, kayak laala ele waappa daan, ag oh oɗelag dim lamidkkulagnu elele iitta. Am ag tuɗid ele hipunin hekkulag dayeb, Nug ahilag nai tappe nak, ahilag hipunin elenu bu aqadkku; bu qak iittappa ii uhuqa mattama.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.

Revelesen 22:11

Anam amu, laa nug kobol eheɗ hette amu, nug tuɗid eheɗ hekku; laa nug danab nau, uɗig wak ele amu, nug tuɗid danab nau, uɗig wak ele daakku. Laa nug tutukku hette amu, nug tuɗid tutukku hekku; laa nug Kayaknu oppiaawak ele daatte amu, nug tuɗid Kayaknu oppiaawak ele daakku,” awa aum.

1 Samuel 2:2

Laa nug oppiaawak, Yawe daatte bia, laa nug amubia ii daatte. Kayak laa ii daatte. Ihinig Kayak Nug kekeɗ ig nikkamanu ehanittak ihinig daatte, laa nug anam bia ii hette.

1 Samuel 6:20

Kobol amu beum amunu, Betsemesnu danab ag appig. “Aunnab nug Yawe noobppa daakkunu elele? Laa iitta! Nug am Kayak Oppiaawak Ele. Nug anam daatte amunu, nuhig Tituanak Nainu Kunup imu iguppa daakkunu am elele iitta, amge ig hepput, adebtai gokku?” aon appig.