Lewitikas 10:9 - Nobonob Baibel

⁹ “Na, amu na buɗunadppa ele ag iinab wain, o le ɠagattag laa lawona, mettid haknu peh lag danab ah appa qagmetteb ele, ag lag amu ooppa nokkulagoitte. Ag anam lawona, mettid haknu peh lag ooppa ii nokkulag dayeb amu, ag ii mauhmana. Ɗo imu buɗub buɗub doobob, ahilagnu hanhan daakkunu daatte.

Lewitikas 10:9 ပူးပေါင်းရင်းမြစ်များ

Eksodas 27:21

Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Prowerb 20:1

Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

Esekiel 44:21

Mana mettak danab laa nug mana mettak danab dilag haɗap-ppa gokkunu dayaya, nug wain aib laum.

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Lewitikas 10:8

Aria, Yawe Nug Aron amegppa aum.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Namba 6:20

Mana mettak danab nug anam hewowa, nug ⌊keeke amu eɗua, Nasarait danab eppegppanu diia⌋ aɗalata, nug Yawe noobppa huma epponitta mettaknu ofa hekku. Keeke amuam Yawenu tituanak daatte. Keeke amu, amuam sipsip momo, baeg naɗiapnu tuɗi huma, Nug mettak ele amu, keeke amu oh am mana mettak danabnu daatteb. Aria, amu dimppa aun nug Nasarait ted dayom amu, nug aakku wain lakkunu elele.

Namba 6:3

Danab nug anam ha amu, nug aib wain lanana, le ɠagattag laa ele aib laum. Nug le laala wainppa hak, o iitta le laala le ɠagattag laalappa hak ele aib laum. Danab o ah amu nug grep leppu, o iitta grep meu, o iitta grep meu qaɗaiettak, nug amu oh ele aib laum.

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

1 Timoti 3:8

Aria, Kayaknu tamaniaknu toliak danab ag danab laa ag ahilagnu ena elele dooglagnu elele daan, ag danab oɗelag aɗit ele ii daamna. Ag wain huana ele ii lamana, amu ag danab enulag hamu yabhok ele ii aomna.

1 Timoti 5:23

Na ootppa oɗe daatte, haen kuɗum oɗe laala ele nidatte amunu, na tuɗidna le hamuib aib lame. Iitta. Na wain nakok ele la!

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.