Lewitikas 10:3 - Nobonob Baibel

³ Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Lewitikas 10:3 ပူးပေါင်းရင်းမြစ်များ

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Sam 148:14

Yawe he, laa nug nuhikkud danab ah dilag king daatte. Laa aun aɗi ag nuhikkud danab ah daatteb, ag nuhignu oo metta ii uuak kobol dim lamidtteb ele, ag king amu binag mekkulagnu elele. Ao, Israel danab ah ag Yawe guguittak daatteb, ag king amu, ag Nug binag mekkulagnu elele. Ag Yawe binag meig!

Sam 39:10

Amge na da bau laa bu meɗamnanu oɗ medattem! Ao, na bu meɗeɗe, da iikku padal mekkulnu hein daattem.

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Sam 46:10

Yawe Nug atte. “Danab ah wanppanu, ag toettan daan, ag imu doyeg! Da am Kayak. Da geha wanppan wan anen anen oh dilag king daakkul. Ao, da geha wan ohnu king daakkul.”

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Sam 93:5

O Yawe, nahip ɗo iɗu iɗu ii baolin ɠagattagib daatteb. Ao, danab ah ag hanhan, alet na laut am nahipnu tituanak daatte, dubuttid iitta doon, ag ele am oppiaawak daan oiglagnunab daatteb.

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Eksodas 14:4

Nug anam ab, geha da heppi Paronu dabmak aakku ɠagattag eppeb, nug geha eɗua, ag diikkunu dim lamadkku. Amge geha da nug, nuhikkud daup ele eɗatten, geha da amuppa, da binag amahlak oppiaawak ele aokkul. Da amu heppi, Isip ag geha dooglag; da dakkaib, da am Yawe,” awa aum. Aria, Israel ag Yawe aum, ag amu dim lamidna, ag eɗun goppig.

Eksodas 19:22

Genab! Mana mettak danab ag maɗi ahilag hekkulagnu, ag da gumiɗna uɗiglagnu daatteb, amge ag ele tatam dahilnu tituana mettak daaglagnu ag hena, ag gemu dahilppa uɗiglag. Iitta dayeb amu, da eheɗ nau madakkul,” awa aum.

Eksodas 19:24

Moses nug anam a amu, Yawe Nug eɗua nob ma inam aum. “⌊Iitta!⌋ Na nona appe dooppeg, amu na Aron aoppe, aa oh ippa bekkulah, amge mana mettak danab, am danab ah ele, ag tom iinab letamna. Ag anam hekkulag amu, geha da ag eheɗ nau madakkul,” awa aum.

Eksodas 30:30

Na amu hewona amu, na goɗen amu laih ele aon, Aron, nug bekkod ele, ag mana mettak danab bena, dahil uɗat hekkulagnu goɗen gokkaɗakppa tituanadna, dahilnu tituanna meɗe!

Aisaia 39:8

Nug anam a, Hesekaia nug nuhig dabmakppa, “Dahil haenppa ig maɗoɗ, baɗak ele iitta daagnig,” dabmeum amunu, nug eɗua Aisaia amegppa aum. “Na Yawenu nai da meɗame ele, nai amuam nai ena,” awa aum.

Aisaia 49:3

Yawe Nug da amelppa aum. “Na am dahil maɗi nid; Israel ⌊daalob bia, na⌋ daattem. Da heppi, danab ah laa ag nahip hak anidnana, ag da binal humaglag,” awa aum.

Aisaia 52:11

⌊Haen amuppa amu, Juda danab ah, ag nai imu dooglag.⌋ Ag ahan, ⌊Babilon⌋ uun ukkeg! Ge, ag ahan, ⌊Babilonnu⌋ ukkeg! Ag ahan gonana, ag keeke Kayaknu neekkakppa dubuttid ele aib aɗappig! Ao, ag laa, ag Yawenu tappiɗ keeke, ag keeke amu maon oitteb ele amu, ag ahan, Babilon uun, ag oppiak ele dayeg!

Esekiel 20:41

Da hei, gemu ag wanppan wan laalappa daatteb. Ao, da hei, gemu ag wan digdigppa matatun gona daatteb. Amu da ag wan atu amuppanu qagmatten omaladppi, ag uɗin, ahilag wanppa daanna, da danab nug kalu danab ile muttuɗig enanag bette mana, muttuɗig enanag dootte, da ahilagnu muttuɗig ena, amubia doyen, da ag dahiladnab daaglagnu diiadkkul. Da ag diien heppi, danab ah wan atu ohppanu ag da ag Israel oolagppa oppiaawak daattem dooglag.

Esekiel 28:22

anana, ‘Naɗi Yawe Nug inam atte,’ awona, nai imu ele appe doyeg! ‘O Saidon danab ah, da ahilag hak amunu eheɗ doyeye ool ii madattem. Da dahil uɗat ag oolagppa heppi, laa anidna, ag da am binag amahlak oppiaawak ele daattem, ag amu dooglag. Da Saidon danab ah bu matten, da ag oolagppa oppiaawak ele daattem ippunadppi, ag dooglag, da am Yawe.

Esekiel 38:16

Ag dahilad danab ele ban hekkulagnu uɗinna, ag lombig wan tonatte bia wan amu tonaglag. O Gog, butti aɗi, haen laa, wanppan wan ohppan danab ag da dahil hak nahip-ppa hekkul, ag amuppa da am Kayak doon, da oppiaawak daattem ele dooglagnu, da heppi, na Israel wan banelag uɗikkut,’ awa atte.” Yawe Nug anam aum.

Esekiel 40:46

Amu lag laa, noob am yawalti uɗitteppanu, appa daatte amu, lag amuam mana mettak danab ag qaɗabppa daanna, uɗat hetteb ele, amu dilag. Danab ag uɗat amu hetteb ele, ag am Sadok buɗub. Lewi buɗub ooppa, agib Yawe noobppanab dona, nuhig uɗat hekkulagnu elele. Laa oh am iitta,” awa aum.

Esekiel 42:13

Lag aɗit amu aakku anam daattep, amu danab nug melemel meum ele nug da amelppa aum. “Lag aɗit amu oh aa Kayaknu tituanak daattep. Lag aɗit amuppa mana mettak danab ag Yawe toppa gotteb ele, ag amuppa ofa Kayaknu tituanaknab daatteb lakkulag. Lag amunu oo oh am Kayaknu tituanak daatteb amunu, mana mettak danab ag mana mettaknu ee aeg, le, doɗ teppu ⌊ag lakkulagnu⌋ Kayaknu tituanaknab daatte amu, ag amu aguppa mekkulag. Mana mettak amuam ee aegnu ofa, ib etta hipunin haknu ofa, amu eheɗ haknu ofa ele.

Lewitikas 21:15

Nug ah laa amubia ii aokku dayeb amu, amuppa nug heeb, nug buɗub ag dahil neekkakppa ag oolagppa dubuttid teum daatte daaglag, amu diig amunu nug nuhig huu, Israel danab ah, nug amuppanu ah laa danab laa ele ii niipiɗ aokkuoitte. Da am Yawe. Da hei, nug dahilnu, oppiaawak ele daatte,” awa aum.

Lewitikas 21:17

“Imu appe, Aron doyaɗ!” awa aum. ⌊Nug anam a amu, Moses nug Aron amegppa inam aum.⌋ “Buɗub buɗub doobob, amuppan na buɗunppan laa ag beɗulagppa nauhak ele, ag Yawe, ahilag Kayak, ag mana mettak nuhignu iinab hemana.

Lewitikas 21:21

Laa anam ele nug am genab mana mettak danab Aron buɗub laa aakku, amge nug Yawe mettaknu aab aɗunu ofa hekkunu elele iitta. Nug beɗuppa uug daatte amunu, nug mana mettak laa Kayak medakkunu ii hema.

Lewitikas 21:6

Mana mettak danab ag Kayaknu oppiaawak ele daaglagoitte. Nug am ahilag Kayak daatte. Ele amu, ag heppeg, Kayak onig laa dilag neekkakppa nauhak daakku amu, ii hekkulagoitte. Aɗinu? Mana mettak danab ag doɗ, ee laa ele Israel eppelagppanu aon, Yawe mettaknu aab aɗunu ofa hetteb amunu, ag Yawenu oppiaawak ele daaglagoitte.

Lewitikas 21:8

Ag laa amu, ag mana mettak danab ag ahilag doɗ manan Kayak medatteb amunu, ag ahilagnu, ag am Kayaknu oppiaawak ele daatteb doyeg! ⌊Yawe Nug amunu inam aum.⌋ ‘Ag mana mettak danab dilagnu, “Ag Kayaknu oppiaawak ele daatteb,” dabmenana oiglagoitte! Aɗinu? Da, Yawe, da oppiaawak dayeye, da hei, ag dahilad danab ah, ag dahilnu, oppiaawak daatteb.’

Lewitikas 22:9

Mana mettak danab ag aɗi kobol hekkulagnu daatteb, ag amu dim lamidkkulagoitte. Ag ii dim lamidkkulag dayeb amu, ag amunu hamu bia dooppeg, ag beɗulagppa aab dayebeb, mauhkkulag. Ag mauhmananu, na ag nau aomnanu dabmettaknu nai imu appe, mana mettak danab oh ag nai imu tutukku dim lamitteg! Da am Yawe, da hei, ag dahilnu, oppiaawak ele daatteb.

Lewitikas 8:35

Ag aib daulag atiom. Ag mettid haknu peh lag danab ah appa qagmetteb ele, ag lag amunu haɗap-ppa deɗ eblaih aɗit, amun tuqan ele, Nug ag aɗi hekkulagnu aum henan daaglagoitte. Ag ii mauhmananu, ag keeke oh Yawe Nug ag amuppa hekkulagnu aum amu, ag amu hekkulagoitte. Yawe Nug ag anam hekkulagnu da amelppa akkulnunab aum amunu, ag anam hekkulag.

Namba 16:5

Nug hewowa amu, nug Kora laikkud ele amelagppa aum. “Butti amu, Yawe Nug aun am nuhig, aun am nuhignu tituanak daatte ele ippunigkku. Yawe Nug heeb, danab amu nug Yawe guguitta wakku. Ao, danab aun Yawe nug tituantte amu, Yawe Nug heeb, danab amu nug, Nug guguitta wakku.

Namba 20:12

Amge Yawe Nug Moses, Aron ele amelahppa aum. “Aa Israel danab ah da am Kayak oppiaawak ele daattem Israel danab ah ippunadkkulahnu dahilnu oolahppa elele genab ii doopiɗ amunu, aa geha da wan Israel danab ah madakkulnu hettemnu ami amu, aa appa ii diiya nomaya,” awa aum.

Matyu 10:37

Amu danab nug anig mameg ele dilah oo mauhtte, amge dahilnu oo huanak ii mauhtte amu, nug da layal iitta. Amu ele, danab nug bekka aɗeg ele dilah oo mauhtte, amge dahilnu oo huanak ii mauhtte amu, nug am da layal iitta.

Jon 12:28

Jesus Nug anam anana amu, Nug nai tuɗitta aum. “Mame, na heppe, na onin nug binag amahlak oppiaawak ele miag atikkunu oɗ medattem,” awa aum. Anam a amu, baag laa hab attannu na aum. “Da tatam anam hemi, amu da baula anam hekkul,” awa aum.

Jon 14:13

Amu Mama Nug binag amahlak oppiaawak dahilppa aokkunu amu, ag aɗi keekenu da onilppa da oɗ meɗaglag amu, da hekkul.

Duteronomi 32:51

Na Aron ele aa oh da ippunatminu oo metta ii uuak kobol ii dim lamidya, aa hipunin heeh, Israel danab ah aa anatppig. Aa kobol amu Meribanu leppa, Kades appa, Sin atu taɗakppa, aa appa hepiɗ. Aa da oppiaawak daattem amu, aa Israel danab ah ii ippunadpiɗ, ag da dim lamidkkulagnunab daatteb am ii hepiɗ,

2 Tesalonaika 1:10

Deɗ amuppa amu, Naɗi Nug uɗieb, nuhikkud danab ah oppiaawak ele ag Nug binag amahalak oppiaawak ele mettaglag. Ge, danab ag oolagppa genab dootteb ele, ag nuhignu enanagnab dooglag. Ag Tesalonaika daatteb, ag ele huu amuppa daaglag. Aɗinu? Ag ihinig nai Jesusnu mattimut amu, ag amu oolagppa genab dooppig.

1 Pita 4:17

Kayak Nug danab ah epeɗiadkkunu haen digma miagnab daatte, amu Kayak nuhikkud danab tatam epeɗiadkku. Anam amu, Nug anam ihinigppa epeɗiak digmekku dayeb amu, danab ag Kayaknu Nai Ena tappaeg nette ele, ahilagppa amu attemnab daakku? Ag uug naunab aoglag.

1 Samuel 2:30

Amge na anam hettem amunu, Yawe, Israel dilag Kayak, Nug inam atte. ‘Anukka da ag Aron buɗub laa, ag na mamen anukka tiigppan uɗiak, ag haen oh da noolppa dahil ɗo maɗoɗ uɗat hekkulagnu nai qakken ami, amge gemu da nai imu attem. Ag amubia iinab hemana. Aɗinu? Aun aɗi ag da binal tutukku metteb amu, da ag binalag madakkul, amge aun aɗi ag dahilnu keeke hamu bia dootteb amu, da heppi, ag honopnab nokkulag.

1 Samuel 3:18

Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.

1 Samuel 6:20

Kobol amu beum amunu, Betsemesnu danab ag appig. “Aunnab nug Yawe noobppa daakkunu elele? Laa iitta! Nug am Kayak Oppiaawak Ele. Nug anam daatte amunu, nuhig Tituanak Nainu Kunup imu iguppa daakkunu am elele iitta, amge ig hepput, adebtai gokku?” aon appig.