Lewitikas 10:2 - Nobonob Baibel

² Aa anam hepiɗ amunu, aab aɗu Yawe toppan na, aa ewate, aa Yawe noobppa mauhpiɗ.

Lewitikas 10:2 ပူးပေါင်းရင်းမြစ်များ

2 Samuel 6:7

Usa nug Kayak danab laa Tituanak Nainu Kunup aɗamanu ɗo meum, nug ɗo amu ii dim lamitta, eppeg bahia aɗom amunu, Yawe oo huana nauhom. Nug oo nauhom amunu, Nug he, Usa nug Kayaknu Tituanak Nainu Kunup daugppa appa mauhom.

1 King 13:28

Ag anam heeg, propet kaino nug donki attan ta, ib amuppa ukka, Judanu propet gaɗa ibppa niieye antta, nug donki, laion ele aa anam gaɗa amu gukkuidya hippaidya daaeheh anatom. Am laion nug mauhak gaɗa amu ii laum, nug donki ele attemtai laa ii heum.

1 King 18:38

Nug anam unuqitte, aakku Yawe nug he, aab aɗu neum. Aab amu na, mana mettak amu ewa, qaɗabppa aab ameg mak amu ewa, qaɗabnu men amu ewa, gappud amu ele ewa, am qaɗab daug aiɗak le ippu hakppa le gokkaɗeg, amba dayom amu, le amu oh ele he, iitta meum.

2 King 1:10

Nug anam a amu, Elaiya nug oɗeppa awa, amegppa aum. “Amu genab da am Kayaknu danab laa daattem dayeb, habppanu aab aɗu na, am na, nahip ban danab 50 ele ag ewatteb, iitta meig!” awa aum. Aakku habppanu aab aɗu na, ban daup ikki, amu ban danab nuhikkud ele ewatte, iitta meppig.

2 King 1:12

Nug anam a amu, Elaiya nug oɗeppa awa, amegppa aum. “Amu genab da am Kayaknu danab laa daattem dayeb, habppanu aab aɗu na, am na, nahip ban danab 50 ele ag ewatteb, iitta meig!” awa aum. Aakku habppanu aab aɗu na, ban daup ikki, amu ban danab nuhikkud ele ewatte, iitta meppig.

1 Stori 13:10

Nug anam he, Yawe Nug ⌊matu laa nug mana mettak danab iitta Tituanak Nainu Kunup amu ii aɗamanu ɗo meum amunu,⌋ Nug oo huana nauhe, Usa nug Tituanak Nainu Kunup am aɗom amunu, Yawe Nug he mauhom. Nug aguppa Kayak noobppa mauhom.

1 Stori 15:13

Ig tatam Tituanak Nainu Kunup amu aognignu gomut, haen amuppa ig attemnab maot uɗignignu Kayak oɗ ii mettata, ib laappa aot uɗignignu heta, ag Lewi buɗub ag gona, maon ii uɗippig amunu, Yawe, ihinig Kayak, Nug ihinignu oo nauhe, bu mekkom,” awa aum.

1 Stori 24:2

Amge Nadap, Abihu ele aa, aa mamelah ii mauhom dayeye, tatam aa mauhpiɗ. Aa oh bekkalti iitta amunu, Eleasar, Itamar ele aa mana mettak danab daapiɗ.

Job 1:16

Danab amu nug uɗia, nai amu Job amegppa mattia dayeye, nai awa uɗiak danab laa nug qaietta uɗia, Job toppa ta, amegppa aum. “Kayaknu aab aɗu, hab attannu na, sipsip oh, gumitta danab oh ele ewatte, iitta meppig. Da dakka aab da ii eiɗe, da oole, na amenppa akkulnu uɗimi,” awa aum.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Eksodas 24:1

Yawe Nug amu oh Moses amegppa mattia mala, dimppa Nug amegppa inam aum. “Na, Aron, Nadap, Abihu, amu Israel dilag ikki danab 70, ag ele, geha ag oh qaukoppa da gumiɗna bena, nakok gukkuiɗna dona, ag nakok piɗe hippaidna daanna, ag dup nona, da binal mekkulag.

Aisaia 30:33

Amu bekkunu diig am, danab mauhe, ag gaɗa aab aɗuppa heeg ewa iitta mette, amubia Yawe Nug anukkanab he, Asiria dilag king, ⌊Asiria ele⌋ iitta mena autnanab aoglagnu babaittom daatte. Ao, Yawe Nug matu ⌊Asiria,⌋ ahilag king ele aab ewakppa iitta mekkulagnu babaittom daatte. Amuam laa ag danab gaɗa maiglagnu aben okkai, uma noa ukkak bapaidna, aab huanak akkaeg te, aben akka eɗitta te, gaɗa amu qaɗeppa meeg dayeye, kalu laa huana eotte onig salpa le nag gotte bia uɗia aab amote, aab gakkaɗaknab ewawa, gaɗa ewe iitta mette, amubia Yawe Nug heeb, Asiria dilag king, ⌊Asiria ele ag⌋ iitta mekkulag.

Lewitikas 10:5

Moses nug anam aum amunu, aa uɗiya, Moses nug aum bia, aa haen tutu dayaknu aab kalak dimittim mawatya gopiɗ. Mauhpiɗ ele beɗulahppan lamen nakok elab, lamen amu ii uɗatppig, anam dayeye, gaɗalti mawatna goppig.

Lewitikas 16:1

Yawe nug Aron bekoɗ aɗit aa kalu danab ile, muttuɗig enanag bette amu aab laihnu aoya, Nug noobppa ilaeh ewe, aa mauhpiɗ dimppa,

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Namba 14:37

oɗe nau danab kuɗum aqe mauhtteb ele, oɗe amu ag aqe, ag Yawe noobppa mauhppig.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Namba 16:49

Oɗe danab kuɗum aqe mauhtteb ele amu malom, amge ii malom haenppa amu 14,700 danab ah ag oɗe amuppa mauhppig. Danab ag Kora, nuhig hak nau amuppa mauhppig ele, ag amu ebqak amuppa ii daatteb.

Namba 26:61

Nadap, Abihu ele aa kalu danab ile muttuɗig enanag bettenu mana mettak laa hepiɗ, amge aa aab laa, Yawe Nug aib aum ele, aa aab amu aoya, amuppa hepiɗ amunu, aa haen amuppa mauhpiɗ.

Aposel 5:10

Pita nug anam aawo, ah amu laippun nug baegppa na qa mauhe, nid bau ag lag amu ooppa nona, ah mauhom anidna, ag aon maon gona, gamu boumppigppa ouqen boumppig.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

1 Korint 10:11

Keeke imu oh amu ig anidpput oo maittak kobol daaglagnu beppig. Kayaknu yaak ooppa kaya amu yaaladppig daatteb amu, ig danab gogtak haen imuppan, ig anidtata, nau aomtanu dabmak aota oignignu ippunigtte

1 Samuel 6:19

Amu Betsemesnu danab laala ag Yawenu Tituanak Nainu Kunup ooppa neegppeg nokkunu kunup amunu ameg kolappig. Ag kolana, ag neekkeg, Tituanak Nainu Kunup ooppa ukkom amunu, Yawe he, danab 70 amu ag aakku mauhppig. Ag mauhppig amunu, appan danab ag Yawe Nug he, danab kuɗumnab mauhppig, ag diig amunu mahiak okkai heppig.