Lewitikas 10:18 - Nobonob Baibel

¹⁸ Am laa nug doɗ amu tiig awa, lag ooppa Oo Gun Eleppa ii noum amunu, da ag anam hekkulagnunab ami bia, ag doɗ teppu amu aben Kayaknu tituanak daatte imuppa lalob,” awa aum.

Lewitikas 10:18 ပူးပေါင်းရင်းမြစ်များ

Eksodas 29:33

Amu na Aron, nug bekkod ele mana mettak danab daaglagnu baɗ aoglagnu, ag dahil daaglagnu tituanna meɗakkutnu amu, na haen amuppa doɗ laa main, da meɗakkut, amu na doɗ amu main, da Yawe, da meɗan, amuppa na heppe, eheɗ haknu nob nau doɗ amu tiigppa iitta meeb elele medakkunu heppe, elele medakku. Anam amunu, Aron bekkod ele ag akka ag doɗ teppu amu lakkulag. Danab laa oh am aib lappig. Aɗinu? Ee amuam dahilnu tituanak daatte, ee hamu iitta.

Lewitikas 6:19

Yawe Nug imu ele Moses amegppa a, ⌊nug Israel danab ah amelagppa mattiom⌋.

Lewitikas 6:26

Am mana mettak danab aun nug ib etta hipunin haknu ofa hekku amu, nug, ⌊mana mettak danab laa ele, ag⌋ mettid haknu peh lag danab ah appa qagmetteb ele, ag lag amunu haɗap-ppa appa daanna lakkulagoitte. Aben amuam Kayaknu tituanak daatte amunu, ag appa lakkulagoitte.

Lewitikas 6:30

Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.