Lewitikas 10:16 - Nobonob Baibel

¹⁶ Amu Moses nug ib etta hipunin haknu ofa haknu meeme dawai, nug amunu oɗ me amu, ag aab aɗuppa manappignu amegppa appig. Moses nug aeg doya, Aron bekoɗ daapiɗ ele, Eleasar, Itamar ele amu, nug amu dilahnu oo nauhom. Nug oɗ meum.

Lewitikas 10:16 ပူးပေါင်းရင်းမြစ်များ

Esra 7:5

Buki mameg am Abisua. Abrisua mameg am Pinias. Pinias mameg am Eleasar. Eleasar mameg am Aron. Aron nug mana mettak ikki danab dayom.

Lewitikas 6:17

Ag plaua amu mainna, ag yis ele ii kabolimnanu, ag dabmenan hekkulagoitte. ⌊Yawe atte,⌋ ‘Da Yawe, da danab ah ag ee aegnu ofa, da meɗaglagnu dahilppa aon uɗippeg, da mana mettak danab ag ahilag ee daakkunu maha amu ag mattami,’ awa atte. Mana mettak amuam aab aɗunu ofa. Amuam ib etta hipunin haknu ofa, amu eheɗ haknu ofa ele, aa Kayaknu tituanaknab daattep, amubia ee aegnu ofa maha Aron, bekkod dilag amu, amu ele amubia aakku.

Lewitikas 6:26

Am mana mettak danab aun nug ib etta hipunin haknu ofa hekku amu, nug, ⌊mana mettak danab laa ele, ag⌋ mettid haknu peh lag danab ah appa qagmetteb ele, ag lag amunu haɗap-ppa appa daanna lakkulagoitte. Aben amuam Kayaknu tituanak daatte amunu, ag appa lakkulagoitte.

Lewitikas 6:30

Amge mana mettak danab nug doɗ laa ib etta hipunin haknu ofa daattenu tiig awa, mettid haknu peh lag danab ah appa qagmetteb ele, nug tiig amu awa, lag amu ooppa Oo Gun Eleppa ukka, mana mettak amu tiigppa nug eheɗ haknu nob nau doɗ tiigppa iitta meeb elele medakkunu hette amu, laa nug doɗ amu teppu nakok laa iinab lama. Teppu amu manappeg, ewa iitta mekkuoitte.

Lewitikas 9:15

Anam hewowa amu, Aron nug Israel danab ah dilag mana mettak awa, Yawe toppa waum. Nug meeme dawai, danab ah dilag amu awa, ib etta hipunin haknu ofa haaha, baag otaɗowa, nug mana Yawe mettom. Nug mana mettak amuam nukka nuhignu heum bia heum.

Lewitikas 9:3

Anam henana amu, Israel danab ah appe, ag akka ahilagnu, ib etta hipunin haknu ofa hekkulagnu, ag meeme dawai laa aon, ag manaknu ofa haknu, ag makau gaiɗ, maɗ laippu awak ele, amu sipsip gaiɗ maɗ laippu awak ele, doɗ amu, aa oh am laippu laa beɗuppa eheɗ laa iitta ele amu, aria

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Matyu 5:22

Amge da ag amelagppa attem. Danab laa nug layagnu oo nauhkku dayeb, nug hettoɗiakppa daakku. Danab laa nug layag amegppa, ‘Na am genabnab danab kaaka,’ akku amu, nug hettoɗiak okkai onig Sanhidren, appa daakku. Amge laa nug layag amegppa, ‘Na am genabnab genab danab nau,’ akku amu, nug mua laa oh eɗattak, padal mak abenppa gokkunu hette.

Mak 10:14

Ag nakok alatteg, Jesus Nug anatta, kobol heppig ele amunu nug oo nauhe, amelagppa aum. “Danab ag nid naunau bia daatteb, ag am Kayaknu ɗo maɗoɗ ooppa daatteb amunu, ag nid uuadppeg, dahilppa doig! Ag ib ahilag aib oo neppig.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!