Lewitikas 10:1 - Nobonob Baibel

¹ Amu Aron bekoɗ aɗit, Nadap, Abihu ele aa kalu danab ile muttuɗig enanag bette elenu tappiɗ ahilah aoya, ottag aguppa meya, aa kalu danab ile muttuɗig enanag bette ele amu qaɗeppa tauɗ qedapiɗ. Ottag amu doɗ main Yawe mettaknu qaɗabppan iitta amunu, aa Yawe oɗe tippalpiɗ, aa Yawe oɗe ii dim lamidya, ottag laihnu aoya, Yawe haknunab nai aum amu tappaeh ne, ottag amuppa kalu danab ile muttuɗig enanag bette ele maipiɗ.

Lewitikas 10:1 ပူးပေါင်းရင်းမြစ်များ

1 King 18:38

Nug anam unuqitte, aakku Yawe nug he, aab aɗu neum. Aab amu na, mana mettak amu ewa, qaɗabppa aab ameg mak amu ewa, qaɗabnu men amu ewa, gappud amu ele ewa, am qaɗab daug aiɗak le ippu hakppa le gokkaɗeg, amba dayom amu, le amu oh ele he, iitta meum.

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

Eksodas 24:1

Yawe Nug amu oh Moses amegppa mattia mala, dimppa Nug amegppa inam aum. “Na, Aron, Nadap, Abihu, amu Israel dilag ikki danab 70, ag ele, geha ag oh qaukoppa da gumiɗna bena, nakok gukkuiɗna dona, ag nakok piɗe hippaidna daanna, ag dup nona, da binal mekkulag.

Eksodas 24:9

Moses nug amu oh ha male, dimppa nug, Aron, Nadap, Abihu amu Israel dilag ikki danab 70 ele, ag qaukoppa teppig.

Eksodas 27:3

Ag qaɗab amu hena, ag brasib aon, tappiɗ okkai laala aab uhuɗ awaknu hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heig!

Eksodas 28:1

Aria, Yawe Nug nai amu tuɗitta inam aum. “⌊Dimppa na eɗun gona,⌋ na Israel oolagppanu na awan Aron, nug bekkod nid danab, ag am Nadap, Abihu, Eleasar am Itamar ele amu, ag dahil mana mettak danab daaglagnu otiadkkutnu, na ag onilagppa eppe, na gumidna uɗieg!

Eksodas 37:29

Aria, ag amu hena, ag laittaknu goɗen Yawenu tituanak daatte ele, amu kalu muttuɗig enanagnab, dubuttid iitta ele, ag amu oh ele heppig. Amunu haknu doyak danab laa, nug amu heum.

Eksodas 38:3

Ag qaɗab amu hena, ag brasib aon, tappiɗ okkai laala hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heppig.

Eksodas 40:27

Nug qaɗab amuppa ma, nug kalu danab ile muttuɗig enanag bette ele qaɗab amuppa manom. Yawe Nug Moses amegppa haknunab aum, nug aumbianab aakku heum.

Eksodas 6:23

Aron, nug wau am Eliseba. Nug am Aminadap aɗeg, Nason appinag. Eliseba nug Nadap, Abihu, Eleasar, Itamar ele menuattom; ag am Aron, Eliseba ele bekkalti aakku.

Eksodas 8:27

Amunu ig oit oit, deɗ ewam batak atu taɗak ooppa gokkunig. Ig gota, appa doɗ mait, Yawe, ihinig Kayak, Nug mettagnig. Nug ig amenigppa amu haknunab attebia hekkunig,” awa aum.

Jeremaia 19:5

Ag kayak hambuppuak Balnu mettid lag nakok kuɗum hena, ag appa ag bekkalkad manaknu ofa daaglagnu manadna, nug medatteb. Da ag amu hekkulagnu ɗo laa ii mattami; ag amu hekkulagnu iinab ami. Hak amuam dahil dabmakppa nakok laa ii beum.” ’ ” Yawe Nug anam atte.

Jeremaia 32:35

Ag oolnu noak onig Hinom Bekkanu Oolnu Noak appa kayak hambuppuak Balnu mettid lag nakok bappaladna, amu aben amuppa ele ag bekkalkad, aɗelkad aqan manadna, kayak hambuppuak Molek medappig. Ag ahilkad nid manadna, kayak hambuppuak madappig amu, da ag kobol amu hekkulagnu iinab ami. Kobol amunu da oolppa uuaknab doottem. Ag amu hekkulagnu dahil dabmak nakok laa iinab dayom. Ag anam hetteb amunu, Juda danab ah ag hipunin hena, bu aoglagnuib daatteb.” Yawe Nug anam atte.

Jeremaia 44:15

Jeremaia nug nai amu doya, danab ah amelagppa a, Juda danab ah kuɗum Isip ooppa aben laa yau uɗitteppanu daatte, ag aben amuppa daaegeg, laa ag Isip ooppa aben laa yawalti uɗitteppanu daatte, ag aben aɗit amuppa daappig, amu ag oh haen amuppa uɗin daanna, Jeremaianu nai dooppig. Ag daappig ele, ag oolagppa danab laa ag ahilkad ah ag kalu danab ile muttuɗig enanag bette manadna, kayak hambuppuak mattaegeg dooppig amu, ag, ahilkad ah ele, amu danab ah laa oh ele ag Jeremaianu nai doon, ag nug amegppa appig.

Jeremaia 44:8

Ag eppelagppa kayak hambuppuak dottolkad bappaidtteb, amu ag Isip daanna oiglagnu uɗin daanna, ippa ag kalu danab ile muttuɗig enanag bette main, kayak hambuppuak madatteb. Aɗinu ag heppeg, da oppoɗi bak dookkul? Ag amu tuɗidna hekkulag dayeb amu, ag akka ag hena, ag beɗulagppa ag nauhkkulag. Anam beeb, danab ah wanppan wan laa ohppan ag anidna, ag aon aon aqan, ag eheɗ laa awaknu anak waappa daaglagnu akkulag.

Jeremaia 7:31

Oolnu noak onig Hinom Bekkanu Oolnu Noak, appa aben laa onig Topet daatte. Amu Topet appa Juda ag mana mettak aben kayak hambuppuak dilag mettid lag nakokppa bappaladna, appa ag bekkalkad, aɗelkad ele manadna, kayak hambuppuak madatteb. Da ag amu hekkulagnu iinab ami! Ag amu hekkulagnu dahil dabmakppa nakok laa iinab beum.

Lewitikas 16:1

Yawe nug Aron bekoɗ aɗit aa kalu danab ile, muttuɗig enanag bette amu aab laihnu aoya, Nug noobppa ilaeh ewe, aa mauhpiɗ dimppa,

Lewitikas 16:12

Nug qewowa, nug kalu danab ile muttuɗig enanag bettenu tappiɗ gapappa hak awa, amu nug ottag qaɗab Yawe noobppa daatte, amuppa awa ineb ambekku. Aria, nug eppeg aɗit ohppa kalu ile muttuɗig enanag bette amu appua awowa, nug amu, aria kalu ile muttuɗig enanag bettenu tappiɗ ele mawa, Oo Gun Ele, Oo Gunnab Ele makkulaknu lamen, nug amu ooppa, Oo Gunnab Eleppa nokku.

Lewitikas 22:9

Mana mettak danab ag aɗi kobol hekkulagnu daatteb, ag amu dim lamidkkulagoitte. Ag ii dim lamidkkulag dayeb amu, ag amunu hamu bia dooppeg, ag beɗulagppa aab dayebeb, mauhkkulag. Ag mauhmananu, na ag nau aomnanu dabmettaknu nai imu appe, mana mettak danab oh ag nai imu tutukku dim lamitteg! Da am Yawe, da hei, ag dahilnu, oppiaawak ele daatteb.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Namba 16:46

Anam heya amu, Moses, Aron amegppa aum. “Na bras tappiɗ nahip aon, kalu danab ile muttuɗig enanag bette ele amu ooppa inan, qaɗabnu aab ele aon, pahanab Israel danab ah daattebppa gona, eheɗ haknu noob nau amuppa iitta mekkunu na amu he! Aɗinu? Yawe Nug ahilagnu oppoɗi huana be, Nug he, oɗe nau danab kuɗum aqe mauhtteb ele aakku digma, aqe mauhtteb. Laa mauhmananu amu, na amu he!” awa aum.

Namba 26:61

Nadap, Abihu ele aa kalu danab ile muttuɗig enanag bettenu mana mettak laa hepiɗ, amge aa aab laa, Yawe Nug aib aum ele, aa aab amu aoya, amuppa hepiɗ amunu, aa haen amuppa mauhpiɗ.

Namba 4:18

“Kohat buɗub, ag Aron buɗub ii daatteb, ag keeke Yawenu tituanaknab daatteb ele ii hautak daatteb, ag amu gukkuidna aib wappig. Ag daappeg ukkeb, Aron, bekkod ele dahil mettid haknu peh lag ooppa gona, ag keeke amu oh hautppeg, ag wakkulag. Ag ii hautak haenppa wakkulag amu, ag mauhkkulag. Amunu ag ii mauhmananu, Lewi buɗub oolagppa ii daamnanu, ag bau daaglagnu amu, Aron, nug bekkod ele ag hautna malappeg, ag Kohat buɗub ele, ag oh pehppa nona, Aron, nug buɗub ele, ag Kohat buɗub ag aɗi aɗi mawadkkulag amu, ag tutukku ippunadkkulag,” awa aum.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Duteronomi 17:3

nug kayak hambuppuak laala noolagppa dup noa binalag mekku dayeb, o nug aam, kalam, o hoɗoppai lomppan dilagnu dup noa binag mak kobol hekku dayeb, da ag kobol amu hemananunab aib ami daatte amu,

Duteronomi 4:2

Haknunab anak da ag madattem amu, ag nai laa aon, nai da madittem imu ele aib tuɗidppig; ele amu, ag nai da madittem, ag nai amuppanu nai laa ele aib okkulppig. Iitta. Ag haknunab nai imu, da Yawe, ahilag Kayak, da nuhigppanu madattem amu, ag nai amu dim lamittak aakkuib hekkulag.

Hibru 9:4

Aben amuppa kalu danab ileb muttuɗig enanag baknu qaɗab golppa hak, amu nug tituana nai qakkak kunup, ag amu adppa hewona, ad amu qaɗeppa ooppa ele gol mewona, ag nug ameg am golppaib heppig amu, keeke aɗit amu aa aguppa daapiɗ. Amu kunup amu ooppa gol id laa, amuppa ag maana inappig, aria Aronnu bu ita beum ele, amu men otala aɗit, amuppa ɗo nai yaalattak ele, keeke amu oh kunup amu ooppa daappig.