Lewitikas 1:11 - Nobonob Baibel

¹¹ Amu nug Yawe noobppa, qaɗab heqoppa, laih yawalti uɗitteppanu, nug appa, nug doɗ baag otaɗkkuoitte. Aron bekkod, ag mana mettak danab, ag tiig aon, qaɗab gigin waɗele ohppa tauɗ qettaglagoitte.

Lewitikas 1:11 ပူးပေါင်းရင်းမြစ်များ

Eksodas 24:6

Ag mana mettak amu heegeg, Moses nug doɗ amu tiilag awa, tappiɗ laala diia, tiig laih tappiɗ amuppa gokkaɗe no, laih laa, gokkaɗe noum bia, nug laih amu qaɗabppa tauɗe teum.

Eksodas 40:22

Amu dimppa, amu Moses nug balal ⌊epeɗiaknab⌋ awa, mettid haknu peh lag danab ah appa qagmetteb ele, nug balal ⌊epeɗiaknab⌋ amu, mettid haknu peh lag ooppa Oo Gun Ele heqo laih, ulah yawalti uɗitteppanu, Oo Gun Ele, Oo Gunnab ele makkulaknu lamen guguittak, appa mewowa,

Esekiel 43:18

Qaɗab anam daatte amu, Yawe Nug da amelppa aum. “Danab bekka, da Naɗi Yawe, da inam attem. Ag qinob qaɗab amu hena malappeg amu, mana mettak danab ag amuppa manaknu ofa hekkulagnu, ag doɗ tiig aon, qaɗabppa tauɗkkulagnu ɗo am inam.

Esekiel 8:5

Da anam daaiyi, Kayak Nug da amelppa aum. “Danab bekka, na neegppe, yawalti uɗitteppanu ukkaɗ!” awa aum. Nug anam aum amunu, da neekki, yawalti uɗitteppanu ukke, appa od heqoppa kayak hambuppuak dottog, dottog amuam daye anidmi. Israel ag dottog amu noobppa dup nona binag metteb ele amunu, dottog amu he, Yawe Nug Israel dilagnu dahil doya laa aomanu doyak aɗa daatte. Od amuppa am mana mettak danab ag wana, qaɗabppa gona, qaɗab amuppa ag doɗ main, Kayak medatteb.

Lewitikas 1:5

Nug eppeg makau gaiɗ igippa mewowa, nug appa Yawe noobppa makau baag otaɗkkuoitte. Nug amu ha maleb, Aron bekkod, ag am mana mettak danab, ag geha tiig aon, Yawe mettanna, ag mettid haknu peh lag danab ah appa qagmetteb ele, ag lag amu odppa qaɗab daatte, ag qaɗab gigin waɗele ohppa tauɗ qettaglag.

Lewitikas 14:13

Nug geha mettid haknu peh lagnu od haɗap-ppa, aben amuam Kayaknu tituanak daatte amu, aben amuppa ag ib etta hipunin haknu ofa, amu manaknu ofa hena, doɗ baalag otaɗatteb, aben amuppa sipsip gaiɗ baag otaɗeb mauhkku. Nug amu hekkunu diig am, ib etta hipunin haknu ofa, amuam mana mettak danab, nuhig daatte, amubia eheɗ haknu ofa ele, am mana mettak danabnu daakku. Mana mettak amuam Kayaknu tituanaknab daatte.

Lewitikas 4:29

Nug eppeg am ib etta hipunin haknu ofa hekkunu doɗ amu igippa mewowa, amu manaknu ofa haknu abenppa, amuppa baag otaɗkkuoitte.

Lewitikas 6:25

“Na Aron, bekkod ele amelagppa nai imu appe doyeg!” awa aum. ⌊Nug anam a amu, Moses nug Aron, bekkod ele amelagppa inam aum.⌋ “Imuam ib etta hipunin haknu ofa dim lamitta haknu nai. Am ib etta hipunin haknu ofa haknu doɗ awa doak amu, ag doɗ amu aben ag manaknu ofa hekkulagnu baag otaɗtteb, ag aben amuppa, Yawe noobppa baag otaɗkkulagoitte. Mana mettak amuam Kayaknu tituanaknab daatte.

Lewitikas 7:2

Ag eheɗ haknu ofa haknu amu, ag manaknu ofa hena, amunu doɗ baag otaɗtteb, aben amuppa appa ag mana mettak amunu doɗ baag otaɗkkulagoitte. Ag baag otaɗna, tiig amu ag qaɗab gigin waɗele ohppa tauɗ qettaglagoitte.

Lewitikas 8:19

Ag eppelag igippa meeg amu, aria Moses sipsip dawai amu baag otaɗowa, nug sipsip dawai tiig awa, qaɗab gigin waɗele ohppa tauɗ qettom.