Kolosi 4:3 - Nobonob Baibel

³ Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

Kolosi 4:3 ပူးပေါင်းရင်းမြစ်များ

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

1 Korint 16:9

Aɗinu? Kayak Nug dahil ib amu matu ma babaittom daatte am da uɗat naɗi, danab ah kuɗum ehanadppi, Kristen daaglagnu hettem. Amge kekeɗ ele kuɗum daatteb.

1 Korint 4:1

Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

2 Korint 2:12

Anukka da Kristusnu Nai Ena mehuqkkulnu Troas tei, Naɗi Nug dahil ib amu od matulom,

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Epesus 3:3

Kayak Nug anam hekkunu maittak awom, amge dabmak amuam anukka lokkumak dayom. Lokkumak dayom, me Kayak Nug dahilppa mehuqe doomi. Nai amunu amu, da matu ahilagnu nai tutu laa yen malami.

Epesus 3:4

Aria, ag nai imu ebqenana amu, ag da Kristusnu dabmak lokkumak dayom, ag amunu dabmak da aottem ele, ag amu oh doona oolag maidkku.

Epesus 3:9

Ao, Kayak Nug keeke oh hattom ele, Nug nuhig dabmak, iitta aɗi dilagnu, amu lokkume dayom. Dabmak amu nug lokkumak haen oh daattom, amge gemu Nug da nuhig dabmak amu miag mehuqkkulnu; Nug uɗat amuppa meiɗom.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Pilipai 1:19

Aɗinu? Da doottem, ag Pilipai daatteb amu, unuqittak ahilkad, amu Jesus Kristus Ouɗi, nuhig ehanittak ele, keeke aɗit amu aa hepeɗ, da maniguittakppanu uhuqak aokkul.

Pilipai 1:7

Amu haen laa da maniguittakppa dayeye, haen laa da dimittim dayeye, da danab laala Jesusnu nai tabappeg nekkunu hetteb amu, nuhig nai nemanu da wagai mein, da ele nuhig nai ɠagattag qedette, Jesusnu Nai Ena ele madittem, haen amu oh amu da ag ele, ig oh Kayaknu ehanittak okkai hamu megatte ele amu aomut amunu, da oolppa ahilagnu enanag doottem am kobol ena; kobol tutukku.

Kolosi 1:26

Anukka Nai Ena amu danab buɗub oh amelagppa hanhan lokkumak dayom, amge gemu Nai Ena am Kayaknu danab ah oppiaawak ele, Nug ag amu anidkkulagnu oo daye he, amelagppa miag beum.

Kolosi 4:18

Da Pol, da dakka da eppelppa humattak nai uɗug imuppa iikku yaattem. Da maniguittakppa daattem amunu, Kayak dahilnu unuqidkkulagnu aib daulag atiom. Kayaknu ehanittak okkai hamu mettak ahilagppa dayaɗ!

1 Tesalonaika 5:25

O lainkad, ag Kayak ehanigkkunu ag unuqitteg!

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

Pilemon 1:22

Keeke laippu laa ele. Geha ag Kayak unuqidppeg doya, Nug da awiɗa eɗua ag matteb, da goppi, na ele daagnihnu dabmettem amunu, na lag oo laa dahilnu bappaidkkutnu ele oɗ medattem.