Kolosi 2:2 - Nobonob Baibel

² Da ag Kolosi, laa da ii aniɗppig ele, ag diignu doyak tutukku oh en okkai bia aoglagnu, da ag oh oo ɠagattag qak aon, nug oo mauhak ele dooglagnu, da diig amunu uɗat anam hettem. Ag diignu doyak tutukku oh en okkai bia aoglagnu diig am, amuppa ag Kayaknu dabmak lokkumak dayom, amuam Kristus aakkuib dooglag.

Kolosi 2:2 ပူးပေါင်းရင်းမြစ်များ

1 King 3:28

Amu dimppa haen Israel danab ah oh ag King Solomon nug hettoɗiakppa ah aɗit hettoɗiatom amu doona, ag kingnu ebehilag oh bodoetta le mettom. Aɗinu? Ag dooppig, Kayak Nug doyak dabmak ena ele Solomon mette, nug nai doya mala hettoɗia epeɗia elele mettak kobol elele hekkunu elele dayom.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Aisaia 32:17

Genab tutukku hak kobol dim lamittak am maɗoɗ heeb bekku. Ao, genab tutukku hak kobol dim lamittak am maɗoɗ, baɗak iittappa dayak ele heeb beya, hanhan daaglah.

Aisaia 40:1

Ag ahilag Kayak, Nug atte. “Ag dahilad danab ah oo mak matteg! Ao, ag ɠagattag qatteg!

Aisaia 53:11

Amu Yawe Nug atte. “Dahil maɗi nid, nug genab tutukku hak kobolib dim lamidtte amu, Nug guittak amu mawa malowa, nug bau dayaya, ⌊danab oolag eɗueb ele antta,⌋ elele dookku. Dahil maɗi nid nug nuhig doyak, nug amuppa heeb, danab ah kuɗumnab ag genab tutukku hak danab ah daaglag. Nug ahilag hipunin mawa heeb, iitta mekku.

Jeremaia 9:24

Nug keeke amunu dabmaama, nug nukka nug onig aib humom. Iitta! Laa nug da dooiɗa, nug dahil hak, amuam da Yawe, da danab ah dilagnu oo mauhaknab kobol, nai doya mala hettoɗia epeɗia elele mettak kobol, amu genab tutukku hak kobol ele dim lamidttem amu, nug amunu diignu doyak tutukku ele, nug keeke aɗit amu dabmaama, da onil humaɗ! Da hak amu dim lamidttemnu diig am, kobol amunu da enanagnab doottem.” Yawe Nug anam atte.

Matyu 11:25

Jesus Nug haen amuppa nai amu mattia malowa Nug aum. “O Mame, na hab wan ele dilah Okkai daattem, amu na ⌊wan imuppan dabmakppa⌋ danab laala ag doyak dabmak ena ele, danab laala sul okkai heppig ele, na amu dilagppa keeke imu lokkumna, nid naunau ippunadme amunu, da na onin humattem.

Matyu 11:27

Jesus Nug anam ana, Nug baula tuɗitta aum. “Da Mamel Nug keeke oh da eppelppa meum. Amu danab laippu laa nug Kayak Bekka ii dootte. Kayak Nug nukkaib Nug dootte. Ele amu, danab laippu laa nug da Mamel ii dootte. Iitta. Da, Kayak Bekka, da aakkuib Nug doottem, amu danab, da ag da Mamel ippunadttem ele, ag Nug dootteb,” awa aum.

Matyu 13:11

Aeg amu Nug inam aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu, ag dootteb, amge danab laa, ag am iitta ⌊amunu ag meu dooglagnu da ag amelagppa keeke danab ag dootteb ii dootteb ele ouaqaten ippunatten madittem⌋.

Luk 1:1

O danab naɗi Tiopilus, danab kuɗum ag tatam keeke ig oonigppa beppig, amunu nai yaappig.

Jon 10:30

Da Mamel ele amu i am laippu,” awa aum.

Jon 10:38

Amge da Mamenu uɗat hettem dayeb, ag amuppa dahil nainu oolagppa genab dooglagnu elele iitta dabmak aotteb dayeb, da uɗat laala, danab haknu elele iitta hettem amu, ag amu anidna, oolagppa genab doyeg! Amuppa ag doyak aona, Mame Nug dahilppa dayeye, da nuhigppa daattem amu tutukku dooglag,” awa aum.

Jon 16:15

Mamenu keeke oh amu dahil amunu da ami. ‘Kayak Ouɗi Nug dahilppanu aɗi awom amu, Nug ag amelagppa madikku.’

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Jon 5:17

Ag anam heppig, amge Jesus Nug amelagppa aum. “Mama Nug hanhan uɗat heehe uɗiom, gemu ele haaha daatte, amu da ele uɗat hettem,” awa aum.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Aposel 4:32

Danab ah ag oolagppa genab dooppig ele ag anam aakku henana, ag oh dabmak laippuppa oolag laippu dayeye, amu danab laa nug keeke ele nug nuhignuib ii aɗom. Iitta. Keekeppa amu ag nug ehanitteg,

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 16:25

Ig Kayak binag metu! Nug da Jesus Kristusnu Nai Ena mehuqttem bia, amu nai lokkumak anukkanu dayom, nai amu atte, amubia ele, Kayak Nug ag ahilag ooppa genab doyakppa ɠagattag daaglagnu ehanadkkunu elele daatte.

Rom 2:4

Kayak Nug nahipnu ena ha auta awawa, oo bodoettak kobol dim lamittatta, amen mak haen elab dayaya, Nug oo maɗoɗ kobol dim lamidtte amu, na amunu keeke hamu biate doottem? Amu na Kayak Nug na oot eɗukkunu oo daatte amunu, Nug nahipnu kobol enanag hette iite doottem?

1 Korint 14:31

Geha ag kobol amu hebeppeg, ag anen anen oh ahan, propet nai mehuqaknu elele daappeg, geha danab oh ag doyak amu aon, ag oh ɠagattag aoglag.

1 Korint 2:12

Ig keeke ena ena Kayak mekkom daatte ele, ig amunu diig pehettak doognignu Kayak Nug wan imuppan ouɗi ii mekkom. Iitta. Nug keeke ena ena oo qak iitta mekkom daatte amu, ig amunu diig pehettak doognignu Nug nuhig Ouɗi ig mekkom.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.

Epesus 1:7

Kayak Nug nuhig doyak dabmak ena ele oh, nuhig diignu doyak tutukku oh eleppa Nug dabmekka, Nug nuhig ehanittak okkai hamu mettak naɗinab megakka, Nug Jesus Kristus tiigppa Nug ig hipuninnu qagaiettakppanu eɗua uhuqak ha mekka, ⌊amuppanu laih amu⌋ ig hipuninnu uhuqak aomut.

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Epesus 3:3

Kayak Nug anam hekkunu maittak awom, amge dabmak amuam anukka lokkumak dayom. Lokkumak dayom, me Kayak Nug dahilppa mehuqe doomi. Nai amunu amu, da matu ahilagnu nai tutu laa yen malami.

Epesus 6:22

Da nug ihinignu ag amelagppa ab, ag ig attem daattem dooglagnu, nug ag oolag ɠagattag qedakkunu ele, diig aɗit amunu amu da mei gotte.

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

Pilipai 3:8

Amu da keeke amunuib ii attem. Iitta. Da aɗi keeke laa awen, Jesus ele ouaqaten, laippu elele bia daattep dookkulnu elele iittanab iitta doottem. Jesus nukka am enanag. Keeke laa ohnu, da keeke amunu am keeke ena, keeke genab ele ii doottem. Laippuib am Kristus Jesus, Nug am dahil Naɗi, doyak amuam keeke genabnab doottem. Amu da Kristusnuib daakkulnu dabmein, keeke laa oh akkai goppig. Keeke amuam kinipan bia doottem. Amu da Kristusnuib daakkulnu, Nug ele laippu daagnihnu aakkuib ool daatte. Amu da ɗo dim lamittak kobolppa genab tutukku hak danab daakkulnu ool ii daatte. Iitta. Da genab tutukku hak danab daakkulnu amu, da Kristusnu oolppa genab doottem, amuppa Kayak Nug dahilnu, “Genab tutukku hak danab,” awa akkunu ool daatte. Genab tutukku dayak amunu diig am da iitta, am Kayak, amu danab nug ooppa genab doyakppa aotte.

Kolosi 1:26

Anukka Nai Ena amu danab buɗub oh amelagppa hanhan lokkumak dayom, amge gemu Nai Ena am Kayaknu danab ah oppiaawak ele, Nug ag amu anidkkulagnu oo daye he, amelagppa miag beum.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Kolosi 1:9

Deɗ i nai amu doomuɗ, deɗ amuppa i diig amunu Kayak ag ehanadkkunu digmeɗa unuqidɗaɗa daattep. I ahilagnu daunih ii atitte. I Kayak ag ehanatteb, ag nuhig dabmaknab awak attem daatte dooglagnu, Kayak Ouɗi Nug ag doyak dabmak ena ele, amu oo maittak ele oh ag matteb, ahilag dabmakppa daakkunu unuqidttep.

Kolosi 2:19

Danab amu nug Kristus ele ouqak ii daattep. Jesus Nug ig Kristen, ig ikkinig daatte. Ikki nug beɗu oh ɠagattag medatta he, beɗu nug diɗippa tuɗittak ouqak laippu dayaya, ena daatte. Beɗu nug am Kayaknu ɠagattagppa ba okkai mette.

Kolosi 3:14

Oo mauhak kobol nug kobol ena laa oh laippunab tamanidtte amunu, ag ele laa dilagnu oolag mauhaɗ!

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

Kolosi 4:8

Nug ukka, ag amelagppa ab, ag ig attem daattem dooglagnu, nug ag oolag ɠagattag qedakkunu ele, diig aɗit amunu amu da mei gotte.

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

1 Tesalonaika 3:2

Timoti, nug ig lainig, nug am Kayaknu maɗi nid, Jesus Kristusnu Nai Ena mehuqaknu danab ele amu, ig nug ag ɠagattag aqakkunu, ahilag ooppa genab doyak ele ehanidkkunu, am laala ag uug naɗi mawak haen imuppa ag oolag meppeg ta, meppeg nemanu ele nug meuɗ ukkom. Ag tutukku dootteb, Kayak Nug ig Kristen ig oh uug amubia maognignu tituanikkom.

1 Tesalonaika 5:14

O lainkad, ig nai baula tuɗidta, ahilkad dabmak maɗettagnignu ag amelagppa iikku attem. Danab ag bahi yaak doonna, hamu uɗat iitta oitteb ele amu, ag nau aomnanu nai ag amelagppa aig! Laa oo baɗak dootteb amu, ag ɠagattag aqeg! Ag laa ag ɠagattag iitta amu, ag ehanatteg! Danab oh dilagnu amu, ag dagom kobol dim lamidna oiyeg!

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Hibru 6:11

Amu ag dimppa gogtak haenppa aɗi aɗi aoglagnu dabmak aɗan oitteb ele amu, ag amuib aoglagnu elele daaglagnu, ig ag maɗi ahilag gemu pehettak hetteb amu, ag anamib heppeg ukkeb, gogtak haenppa malaglagnu oonig daatte.

2 Pita 1:10

Amunu, O lailad, Kayak Nug ag onilagppa ewa, ag tituanattom, diig amunu ag Nug dim lamidkkulagnu wagai meig! Aɗinu? Ag anam hena amu ag iinab nena qemana.

2 Pita 1:3

Kayak Nug nuhig ɠagattag okkaippa, Nug keeke oh ig bau daat, genab tutukku hak danab daagnignu mekkom. Nug nuhig ena hak kobol, nuhig binag amahlak oppiaawak ele dabmaama, ig oninigppa e, ig Nug doottem, amu doyak amuppa Nug keeke amu oh ig mekkom.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

1 Jon 3:19

Ig anam hekkunig amu, ig amuppa doyak diig genabibnu meuppa daattem doognig. Ele amu, Kayak Nug ihinig dabmak eɗitte, Nug keeke oh dootte amunu, ⌊ig ihinig hakppa, oiyakppa, oonigppa ele ig lainkad dilagnu oonig mauhtte dayeb, Nug amu dootte,⌋ amu haen ig anen anen ig oonigppa, “Da elelenab ii hettem bia” doottem, haen amuppa ele ig Kayak noobppa baɗak iitta daagnignu elele.

1 Jon 5:7

Am ewam amu ag Jesus, Nug am Kristus, ippunigtte.