Jut 1:21 - Nobonob Baibel

²¹ Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

Jut 1:21 ပူးပေါင်းရင်းမြစ်များ

Job 14:14

Danab nug mauhowa, nug eɗua bau daakkute? Nug eɗua bau daakku dayeb amu, da haen nau dahilppa daakkunu daatte amu, da haen amu ohppa deɗ laa, da deɗ amuppa eɗuen, ena daakkul, da deɗ amuib ameg mekkulnu elele. Da dahil baoliak haen amu ameg mekkulnu elele.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 14:21

Am aun laa nug dahil haknunab anak awa dim lamadtte ele, nug aakkuib am dahilnu oo mauhtte. Am aun nug dahilnu oo mauhtte amu, Mame Nug ele nuhignu oo mauhkku. Da ele nuhignu ool mauhebeb, da nug da diil miag atiak nug ippunidkkul,” awa aum.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Rom 5:21

amunu, hipunin nug he, mauhak danab tonattom daatte, amubia Kayaknu ehanittak okkai hamu mettak, amuam he, ihinig Naɗi Jesus Kristus, nuhigppa danab ag genab tutukku hak danab bena, bauklel hanhannu aotteb.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Rom 8:39

o iitta aɗi keeke wan imu attannu, o iitta aɗi keeke wan imu honapnu, amu oh oolagppanu laippu laa nug ig Kayaknu oo mauhakppa daattem imuppanu iinab matakkigkkunu elele iinab daama. Genab, aɗi ohnab Kayak heum daatteb ele, amu oh oolagppa aɗi laippu laa nug Kayaknu oo mauhak, Nug Kristus Jesus, ihinig Naɗi, Nug nuhig mauhakppa amu ippunikkom ele amu, keeke laa oo mauhak nuhig amu ooppanu matakkigkkunu elele iinab daama!

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

2 Tesalonaika 3:5

Naɗi Nug ag oolagnu ulum aɗebeb, ag Kayaknu oo mauhak, amu Kristusnu uug doyaya eɗittaknuib dabmak awak kobol ele doon autna aoglagnu oonig daatte.

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

2 Timoti 1:18

amunu, da keeke amu ohnu amu da gogtak haenppa, Naɗi Nug nuhignu oo gai-iitta doya oo metta ehanidkkunu unuqidttem. Nug Epesus appa keeke kuɗumppa ehaniɗom ele amu, na amu doon malame.

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

2 Timoti 4:8

amu gemu nob ena da aokkulnu amu, Kayak Nug aakku meum daatte. Nob ena amu Naɗi, Nug danab ah tutukkuib epeɗiadtte ele, Nug eɗua hibaittaknu deɗppa da meɗakku. Amge dakkaib iitta. Aun laa oh ag Nug eɗua uɗikkunu tappaɗidna daatteb ele, Nug ag ele madakku.

Hibru 9:28

amubia Kristus Nug danab kuɗum dilag hipunin uhuqa madakkunu Nug nukka haen laippu aakkuib, Nug beɗu mana mettak bia Kayak mettom. Nug anam heum amu dimppa Nug baula eɗua uɗikku, amge hipunin uhuqkkunu iitta. Nug danab ameg mena daatteb ele amu eɗua diikkunu uɗikku.

2 Pita 3:12

Ag anam daanna, ag Kayaknu deɗ, deɗ amuppa hab, amu nuhig keeke oh ele aabnu gakkaɗakppa eon iitta mekkulag amu, ag deɗ amu tappaɗidnana oiyeg!

1 Jon 4:16

Ig Kayak Nug ihinignu oo mauhtte doottem, amu ig oo mauhak amunu oonigppa genab doottem. Kayak Nug oo mauhak kobolnu diig daatte. Laa nug oo mauhakppa daatte, nug aakku Kayak, nuhigppa daatte, amu Kayak ele nuhigppa daatte.

1 Jon 5:18

Ig doottem, danab aun nug Kayak bekka daatte amu, nug hipuninppa ii oitte. Kayak Bekka Jesus, Nug nug atognotte. Satan nug danab amu nakok laa ii aɗatte.

1 Jon 5:21

O nid naunau, ag kayak hambuppuak dottolkad dim lamadmanade, dabmeig!

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.

Jut 1:22

Aria ag lailkad, laa ag oolagppa genab elelenab ii doon, oolag aɗit ele daatteb amu, ag amu dilagnu oolag gai-iitta doona oolag mattan ehanatteg!

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

Revelesen 12:11

Ig lainkad ag Sipsip Nag tiigppa, amu doyak diig genabib mehuqttebppa ele ɠagattag aon, ban eɗidna, kekeɗ amu eɗidppig. Ag wanppa enaib, bau daaglagnu amu ii dabmeppig. Iitta. Ag beɗulag maoeg ukke, bau daaglagnu anuqak ii doon, Jesus onignu mauhmananu dabmak ii aon oippig.