Jut 1:12 - Nobonob Baibel

¹² Danab nau amu ag hanhan ag danab nai imu aotteb ele, ag ahilag hobul oo mauhak ele, hobul amuppa ag ele qagmena daanna, ee lanana, ag hobul dubuttid medatteb, amge danab amu ag ii baɗatteb. Ag akka agib ehanadkkulagnu hetteb. Danab amu ag am lombig laa, gu ahilagppanu ii nette; ulah iwalatte gotteb, amubia. Ag am ad, meu awak haenppa meu ii otte bia. Ag am ad bunaɗom, danab ag ad diig hiɗappig bia daatteb.

Jut 1:12 ပူးပေါင်းရင်းမြစ်များ

2 Stori 7:20

amu da geha ag Israel danab ah da wan dahil, da ag mattami imu amu, da wan imuppanu lamatten, mettid lag imu, da onil aguppa daakkunu dahilnu tituana meɗak daakkunu hemi amu, geha da baula amunu ii dabmepa. Am laa ele, da heppi, danab ah laa ag lag imuam nau bekkunu at daatte dabmena, ag aon aon qettaglag.

Job 8:17

Uud amu diɗiud am umanab nona, men wan ooppa daatteb taliliadtteb. Ao, uud amu ɠagattag daakkunu nug diɗiud umanab nona, men naunau daattebppa daatteb.

Sam 1:3

Danab nug anam Kayak dim lamidtte ele amu, nug am ad laa le daugppa ebappig daatte, hanebppa meu owawa, uɗug ii nauhtte, nug anam bia daatte. Nug aɗi hette, am enaib bette.

Sam 37:2

Aɗinu? Gikkiɗah nug paha qaɗaiedatte, amubia nau hak danab ele ag paha iitta mekkulag. Yo, bala haɗag ag haen tutuib daatteb, amubia nau hak danab ag haen tutuib bau daaglag.

Prowerb 25:14

Danab ag laa keeke mattaknu atteb, amge ag ii madatteb; ag am lombig aam haenppa gu wan le ii medatte, amubia hetteb.

Esekiel 17:9

Amu Yawe Nug tuɗitta atte. “Anam amu, Esekiel, na Israel danab ah amelagppa inam appe doyeg! ‘Naɗi Yawe Nug inam atte. Muɗi amuam ena daakkute? Ai igel muɗi eppom ele nug uɗia, nug wanppanu iite hiɗama? Nug heeb, meu oh iite nauhma? Nug heeb, muɗi ebekkud gogppa okkai mak bau, amu oh iite bunaɗma? Ge, nug muɗi hiɗeb bunaɗkku, amu hiɗaknu amu, uɗat amuam uɗat okkainab iitta; daup ɠagattag iitta, o danab kuɗum iitta am aakku elele.

Esekiel 34:10

Naɗi Yawe Nug inam atte. “Da dahilad sipsip gumak danab dilagnu, da ahilag hak amunu da eheɗ doyeye ool ii madattem. Ag eheɗ hetteb, eheɗ hak amu ag beɗulagppa daatte amunu, da ag bu madakkul. Da heppi, ag sipsip gumak danab ag sipsip dilagppa keeke aon, beɗulag ehanidtteb amu, ag amu tuɗidna hemananu ag baula dahilad sipsip gumak danab ii daamna. Da sipsip dahilad ehanatten heppi, sipsip ag danab nau amu eppelagppa ii daamna. Gumak danab nau amu ag baula dahilad sipsip dilag ag, ‘Ihinig ee,’ dabmenana, ii aqan lattamna,” awa atte.

Esekiel 34:18

⌊Da anam hewoya, da sipsip ɠagattag, meeme ɠagattag nau hetteb ele amelagppa akkul.⌋ Ag gikkiɗah ena latteb amu, amuam ahilagnu elele iittate? Ag gikkiɗah amu lawona, gikkiɗah ii lanak ele baelagppa tappaeg nauhe, laa ag gikkiɗah nauhak amuib lakkulagnu daatteb; ag anam hetteb am enate? Ag le ena latteb amu, amuam ahilagnu elele iittate? Ag le amu lawona, le amu tappan oinna heegeg, le dubuttid ele daatte, laa ag le nauhak amuib lakkulagnu daatteb amu; ag kobol amu hetteb am enate?

Esekiel 34:2

“Danab bekka, na dimppa aɗi bekkunu nai dahil Israel dilag gumak danab, ag sipsip gumak danab bia daatteb, Israel danab ah ag am sipsip dahilad bia daatteb amu, na ag amelagppa uug ahilagppa beeb anidkkulagnu propet nai anan, ‘Naɗi Yawe Nug inam atte,’ awona, na imu ele appe doyeg! ‘Ag Israel dilag gumak danab, ag sipsip gumak danab bia daatteb amu, ahilagnu gadonnab gadon. Ag akka ag ena daaglagnu dabmak okkai aotteb, amge ag ahilkad sipsip dilagnu ii dabmetteb. Sipsip gumak danab nug nuhikkud sipsip atognoadkkunu iite daatte?

Esekiel 34:8

“Da Naɗi Yawe, da inam attem. Da genab bau daattem, genab amubia da ag sipsip gumak danab dahilad sipsip atognoadkkulagnu daatteb, da ahilagnu iikku attem. Dahilad sipsip ag ahilag gumak danab iitta amunu, laa ag eheɗ hatteg, doɗ dakkuɗ ag uɗin, aqadna ladappig. Amu sipsip dahilad ag matatun gona daappig, amge ag gumak danab ag eɗun diiglagnu ii mattialadppig. Iitta. Ag akka ag ena daaglagnu henana, dahilad sipsip dilag ii dabmeppig,” awa atte.

Hosea 6:4

⌊Am Yawe Nug atte.⌋ “Ag Israel danab ah, da aɗi heppi, ag kobol ena hekkulag? Ao, ag Juda danab ah, da aɗi heppi, ag kobol ena hekkulag? Oo mauhaknab kobol ahilag dahilnu am buttua buttuɗai paha oppia gotte bia iitta mette. Yo, oo mauhak kobol ahilag dahilnu am buttua baito paha qaɗaiedatte bia iitta mette.

Lewitikas 14:43

Amge keeke amu oh hak dimppa gi qak amu baula lag amuppa bekku dayeb amu,

Matyu 13:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Matyu 15:13

Ag anam aeg amu, Jesus Nug nob ma aum. “Da Mamel, Nug hab aabppa daatte amu, Nug dad ele. Am keeke oh Nug ii eppom am geha Nug diɗi ele oh kakeɗiadkku.

Mak 4:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Luk 12:45

Amge maɗi nid amu nug ooppa, ‘Danab okkai dahil nug paha ii uɗima,’ dabmekku dayeb, nug digma, maɗi nid laa, maɗi ah laa ele makkuɗattatta, nug ee lanana, le ɠagattag ele lana, kaaka qeeb, nuhig okkai nug haen deɗ ele, maɗi nid amu nug ii doyom, ii dabmeum ele, amuppa eɗua uɗikku. Uɗia amu, danab okkai nug maɗi nid amu eheɗnab hettowa, awa meeb, nug danab laala ag oolagppa genab ii dootteb, amu ele daaglag.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 8:6

Ee aeg laala ag wan men duqe ukkak ele amuppa nena qena beppig, amge wan teppu iitta amunu, ag diɗilag bau dayak elele iittanu qaɗaiettaeg bunaɗppig.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

1 Timoti 5:6

Amge ah qab nug nukka beɗunu oo hakib dim lamidtte amu, nug aakku mauhak bia daatte.

Hibru 13:9

Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.

Jems 5:5

Ag wanppa daanna, ag keeke ena ena oh aon, oolag gamag ahehe daan, ag akka ag keeke kuɗumnab akka ahilagnu aɗappig. Ag akka ag hena, epeɗiak okkai deɗppa ag nob nau okkai aoglag.